ກອງທັບ ຊະນະ ແຂວງວຽງຈັນ ຄວ້າແຊັມບານເຕະຊີງຂັນຊາວໜຸ່ມ 2019

433 03 ກ.ຍ. 2019 ວົງຈອນກີລາ
ກອງທັບ ຊະນະ ແຂວງວຽງຈັນ ຄວ້າແຊັມບານເຕະຊີງຂັນຊາວໜຸ່ມ 2019

    ການ​ແຂ່ງ­ຂັນ​ບານ­ເຕະ​ຊາຍ 11 ຄົນ ຊີງ​ຂັນ​ທ່ານ​ເລ­ຂາ​ຄະ­ນະ​ບໍລິ​ຫານ​ງານ​ສູນ​ກາງ​ຊາວ​ໜຸ່ມ ປະ­ຊາ­ຊົນ ປະ­ຕິ­ວັດ​ລາວ 2019 ມີ 19 ທີມ​ເຂົ້າ​ຮ່ວມ​ການ​ແຂ່ງ­ຂັນ ໂດຍ​ແບ່ງ​ອອກ​ເປັນ 4 ກຸ່ມ ແຂ່ງພົບ​ກັນ​ໝົດ ເພື່ອ​ຄັດ​ເອົາ​ທີມ​ອັນດັບ 1 ແລະ 2 ເຂົ້າ​ຮອບ 8 ທີມສຸດ​ທ້າຍ ເຊິ່ງ​ໃຊ້​ສະ­ໜາມ​ກີ­ລາ ລ້ານ​ຊ້າງ ສະ​ເຕ​ດ້ຽມ ບ້ານ​ໜອງໄຮ ເມືອງ​ຫາດ​ຊາຍ​ຟອງ ນະຄອນ​ຫຼວງ​ວຽງ​ຈັນ ເປັນ​ສະໜາມ​ແຂ່ງ­ຂັນ ໂດຍ​ເມື່ອ​ວັນ​ທີ 30 ສິງ­ຫາ 2019 ເປັນ​ການ​ແຂ່ງຂັນ​ມື້​ສຸດ​ທ້າຍ.

    ຄູ່​ທຳ​ອິດ​ເປັນ​ການ​ແຂ່ງ­ຂັນນັດ​ຊີງ​ອັນ​ດັບ 3 ລະ­ຫວ່າງຄະນະ​ຊາວ​ໜຸ່ມນະ­ຄອນ­ຫຼວງ​ວຽງຈັນ ພົບ​ກັບ​ກະ­ຊວງ​ໄປ­ສະ­ນີ​ໂທລະ​ຄົມ­ມະ­ນາ­ຄົມ ແລະ ການ​ສື່ສານ ຜົນ​ປາ­ກົດ​ວ່າ: ໃນ​ເວ­ລາປົກ­ກະ­ຕິ 90 ນາ­ທີ ສະ­ເໝີ​ກັນ 1-1 ກ່ອນ​ມາ​ຕັດ­ສິນ​ດ້ວຍ​ການດວນ​ຈຸດ​ໂທດ ເປັນກະ­ຊວງ​ໄປສະ​ນີ​ໂທລະ​ຄົມ­ມະ­ນາ­ຄົມ ແລະ ການ​ສື່­ສານ ເອົາ​ຊະ­ນະ​ໄປ 5-4 ຄວ້າ​ອັນ​ດັບ 3 ໄປ​ຄອງ.

    ສ່ວນ​ຄູ່​ຊີງ​ຊະ­ນະ​ເລີດ​ເປັນ​ການພົບ​ກັນ​ລະ­ຫວ່າງ ຊາວ​ໜຸ່ມ​ກະຊວງ​ປ້ອງ​ກັນ​ປະ­ເທດ (ກອງ­ທັບ) ກັບ​ຄະ­ນະ​ຊາວ​ໜຸ່ມ​ແຂວງ​ວຽງຈັນ ຜ່ານ​ການ​ແຂ່ງ­ຂັນ​ປາ­ກົດວ່າ: ກະ­ຊວງ​ປ້ອງ​ກັນ​ປະ­ເທດ ຂຶ້ນ​ນຳ­ໄປ​ກ່ອນ 2-0 ໃນ​ເຄິ່ງ​ເວລາ​ທຳ​ອິດ ສ່ວນ​ເຄິ່ງ​ເວ­ລາ​ທີ 2 ແຂວງ​ວຽງ​ຈັນ ສາ­ມາດ​ຕີສະ­ເໝີ​ເປັນ 2-2 ແຕ່​ໄລ­ຍະທ້າຍ​ເກມ ກະ­ຊວງ​ປ້ອງ​ກັນ​ປະເທດ ມາ​ໄດ້​ປະ­ຕູ​ໄຊ​ບຽດ​ເອົາ​ຊະນະ​ໄປ 3-2 ຄວ້າ​ແຊັມ​ໄປ​ຄອງໄດ້​ສຳ­ເລັດ ສຳ­ລັບ​ເງິນ​ລາ­ງວັນຊະ­ນະ​ເລີດ​ໄດ້​ຮັບ 10 ລ້ານ​ກີບ ພ້ອມ​ຂັນ​ລາ­ງວັນ ມູນ​ຄ່າ 3 ລ້ານ​ກີບ ແລະ ຫຼຽນ​ລາ­ງວັນ ອັນ​ດັບ 2 ໄດ້ 7 ລ້ານ​ກີບ ພ້ອມ​ຫຼຽນ​ລາ­ງວັນ ອັນ​ດັບ 3 ໄດ້ 5 ລ້ານ​ກີບ ພ້ອມ​ຫຼຽນ​ລາງວັນ ແລະ ອັນ​ດັບ 4 ໄດ້ 3 ລ້ານ​ກີບ ນອກ​ນັ້ນ ກໍ​ຍັງ​ມີ​ລາງວັນ​ດາວ​ຍິງ​ສູງ​ສຸດ ນັກ​ເຕະ​ດີ­ເດັ່ນ ແລະ ລາ­ງວັນ​ອື່ນໆ​ອີກ.

ຂ່າວທີ່ກ່ຽວຂ້ອງ