ປູເປ້ ນັກເທັນນິສລາວຄົນທໍາອິດ ຄວ້າແຊັມທີ່ຝຣັ່ງ

462 03 ກ.ຍ. 2019 ວົງຈອນກີລາ
ປູເປ້ ນັກເທັນນິສລາວຄົນທໍາອິດ ຄວ້າແຊັມທີ່ຝຣັ່ງ

    ທ່ານ ພູ­ເຂົາ​ທອງ ພົມ​ມະ​ວົງ ຜູ້​ປົກ­ຄອງ ແລະ ຜູ້​ຈັດ­ການ​ສ່ວນ​ຕົວ​ຂອງ​ນາງ ອາ​ລິ​ຍາ ວົງ​ດາ­ລາ ຫຼື ນ້ອງ ປູ​ເປ້ ລາຍ​ງານ​ຈາກ​ປະ­ເທດ​ຝຣັ່ງ ໃຫ້​ຮູ້​ວ່າ: ນ້ອງ ອາ​ລິ​ຍາ ວົງ​ດາ­ລາ ນັກ­ກີ­ລາ​ເທັນ​ນິ​ສ ເຍົາ­ວະ​ຊົນ​ລາວ ຮຸ່ນ 14 ປີ ທີ່​ເດີນ­ທາງ​ໄປ​ເຂົ້າ​ຮ່ວມ​ການ​ແຂ່ງ­ຂັນ​ເທັນ​ນິ​ສ 2 ລາຍ­ການ ເຊິ່ງ​ລາຍ­ການ​ທຳ​ອິດ Tennis procup 2019 ຂອດ​ຊີ­ມັງ ມີ​ນັກ­ກີ­ລາ​ເທັນ​ນິ​ສ​ຍິງ-ຊາຍ ເຂົ້າ​ຮ່ວມ 200 ກວ່າ​ຄົນ ປູ​ເປ້ ລົງ​ແຂ່ງ­ຂັນ​ປະ­ເພດ​ຍິງ​ດ່ຽວ ສາ­ມາດ​ທະ­ລຸ​ເຂົ້າ​ຮອບ​ຊີງ​ຊະ­ນະ​ເລີດ ພົບ​ກັບ TUFA Alexandra ຈາກ​ຣູ​ມາ​ນີ ປາ­ກົດ​ວ່າ: ປູ​ເປ້ ສາ­ມາດ​ເອົາ​ຊະ­ນະ​ໄປ 2-0 ເຊັດ 6-2 ແລະ 6-4 ຄວ້າ​ແຊັມ​ໄປ​ຄອງ ພ້ອມ​ເງິນ​ລາ­ງວັນ 600 ເອີ​ໂຣ ຫຼື ປະ­ມານ 5 ລ້ານ​ກີບ.

    ຫຼັງ​ຈາກ​ຈາກ​ຮັບ​ລາ­ງວັນ​ແລ້ວ ປູ​ເປ້ ກໍ​ຕ້ອງ​ເດີນ­ທາງ​ມາ​ແຂ່ງ​ສະ­ໜາມ​ດິນ​ຕໍ່​ທີ່ Montpellier ແລະ ປູ​ເປ້ ກໍ​ຕ້ອງ​ຢຸດ​ຢູ່​ພຽງ​ຮອບ​ຮອງ​ຊະ­ນະ​ເລີດ (ຮອບ 4 ຄົນ​ສຸດ​ທ້າຍ) ໂດຍ​ເສຍ​ໃຫ້ FERNANDEZ Chlo 2-0 ເຊັດ 3-6 ແລະ 3-6 ໃຊ້​ເວ­ລາ 2 ຊົ່ວ­ໂມງ ນອກ​ນັ້ນ ການ​ໄປ​ແຂ່ງ­ຂັນ​ຄັ້ງ​ນີ້ ປູ​ເປ້ ຍັງ​ໄດ້​ພົບ​ກັບ David Ferrer ນັກ​ເທັນ​ນິ​ສ​ຊາຍ​ລະ­ດັບ​ໂລກ ຊາວ​ສະ​ເປນ ອີກ​ດ້ວຍ.

ຂ່າວທີ່ກ່ຽວຂ້ອງ