ລາຄາສະບຽງອາຫານຢູ່ໃນປະເທດສະວິດ ແພງທີ່ສຸດຢູ່ໃນເອີຣົບ

384 03 ກ.ຍ. 2019 ຂ່າວຕ່າງປະເທດ
ລາຄາສະບຽງອາຫານຢູ່ໃນປະເທດສະວິດ ແພງທີ່ສຸດຢູ່ໃນເອີຣົບ

    ອົງການ​ສະຖິຕິ​ເອີ​ຣົບ (Eurostat) ໄດ້​ປະກາດ​ສະຖິຕິ​ອອກ​ມາ​ເມື່ອ​ບໍ່​ດົນ​ມາ​ນີ້ ໃຫ້​ຮູ້​ວ່າ ສະບຽງ​ອາຫານ​ຢູ່​ໃນ​​ຍ​ປະເທດ​ສະ​ວິດ ມີ​ລາຄາ​ແພງ​ທີ່​ສຸດ​ຢູ່​ໃນ​ເອີ​ຣົບ ໂດຍ​ທີ່​ສິນຄ້າ​ປະເພດ​ຊີ້ນ ມີ​ລາຄາ​ສູງ​ທົບ 2,28 ເທົ່າ​ຕົວ ເມື່ອ​ທຽບໃສ່​ລະດັບ​ສະເລ່ຍ​ຢູ່​ໃນ​ສະຫະພາບ​ເອີ​ຣົບ (EU) ຊຶ່ງ​ຕົ້ນຕໍ​ກໍ​ແມ່ນ​ຊີ້ນ​ງົວ ຊີ້ນ​ໝູ ຊີ້ນ​ແບ້ ຊີ້ນ​ແກະ ແລະ ອື່ນໆ.

    ຈາກ​ການ​ຄົ້ນຄວ້າ​ປຽບທຽບ​ລາຄາ​ຊີ້ນ​ໂດຍ​ສະເລ່ຍ ຢູ່​ໃນ 38 ປະເທດ​ໃນ​ເອີ​ຣົບ ກັບ​ລາຄາ​ຊີ້ນ ໂດຍ​ສະເລ່ຍ​ຢູ່​ໃນ​ທົ່ວ EU (ທີ່​ປະກອບ​ມີ 28 ປະເທດ) ນັ້ນ​ເຫັນ​ວ່າ ລາຄາ​ຊີ້ນ​ຢູ່​ໃນ​ສະ​ວິດ ສູງ​ກວ່າ ພາຍ​ໃນ​ປີ 2018.  ປະເທດ​ອື່ນໆ ທີ່​ມີ​ລາຄາ​ສະບຽງ​ອາຫານ​ແພງ​ກວ່າ ເມື່ອ​ທຽບໃສ່​ລະດັບ​ສະເລ່ຍ ຂອງ EU ກໍ​ມີ ອິ​ສລັງ ນອກ​ແວ ໂອ​ຕະ​ຣິດ ລຸກ​ຊຳ​ບວກ ຝຣັງ ຝຣັ່ງ ແບນ​ຊິກ ໂຮນ​ລັງ ແລະ ອື່ນໆ.

    ເຖິງ​ແນວ​ນັ້ນ​ກໍ​ຕາມ ລາຄາ​ນ້ຳ​ນົມ ເນີຍ ແລະ ໄຂ່ ພັດ​ມີ​ລາຄາ​ພໍ​ເໝາະ ເມື່ອ​ທຽບໃສ່ ລະດັບ​ໂດຍ​ສະເລ່ຍ ໃນ​ຂະນະ​ທີ່​ເຫຼົ້າ ແລະ  ຢາສູບ ມີ​ລາຄາ​ຖື​ກວ່າ. ເມື່ອ​ໄລ່​ໂດຍ​ສະເລ່ຍ​ແລ້ວ ຊາວ​ສະ​ວິດ​ແຕ່ລະຄົນ ບໍລິໂພກ​ຊີ້ນ 52​ ກກ/ປີ ນັບ​ວ່າ​ໜ້ອຍ​ກວ່າ ເມື່ອ​ທຽບໃສ່​ລະດັບ​ສະເລ່ຍ 65​ ກກ/ຄົນ ໃນ​ແຕ່​ລະ​ປີ ຂອງ​ບັນດາ​ປະເທດ EU ທີ່ຢູ່​ໃກ້​ຄຽງ.

ຂ່າວທີ່ກ່ຽວຂ້ອງ