ເຫດການຮຸນແຮງຢູ່ໃນເຢແມນ

380 03 ກ.ຍ. 2019 ຂ່າວຕ່າງປະເທດ
ເຫດການຮຸນແຮງຢູ່ໃນເຢແມນ

    ມີ​ກວ່າ 100 ຄົນ ຖື​ວ່າ​ໄດ້​ເສຍ​ຊີວິດ​ໄປ​ແລ້ວ ເມື່ອ​ກອງ​ກຳລັງ​ປະສົມ ອັນ​ມີ ອາ​ຣາ​ບີ ຊາ​ອຸ​ດິດ ເປັນ​ແກນ​ນຳ ຕ້ານ​ກັບ​ກຸ່ມ​ມື​ປືນ​ຮູ​ຕີ ປະຕິບັດ​ການ​ໂຈມ​ຕີ​ທາງ​ອາກາດ​ຖືກ​ຄຸກ​ແຫ່ງ​ໜຶ່ງ ຢູ່​ໃນ​ນະຄອນ ດາ​ມາ ທາງ​ທິດໃຕ້​ນະຄອນຫຼວງ​ຊາ​ນາ ຂອງ​ເຢ​ແມນ.

   ທ່ານ ຟຣານ​​ສ ຣາວ​ເຊນ​ສະ​ເຕນ ຫົວໜ້າ​ຄະນະ​ຂອງ​ຄະນະ​ກຳມະການ​ກາແດງ​ສາກົນ (ICRC) ປະຈຳ​ເຢ​ແມນ ແຈ້ງ​ໃຫ້​ຮູ້ເມື່ອ​ວັນ​ທີ 1 ກັນຍາ​ນີ້​ວ່າ ຄາດ​ວ່າ​ມີ​ຜູ້​ເສຍ​ຊີວິດ​ປະມານ 100 ຄົນ ຈາກ​ການ​ໂຈມ​ຕີ​ດັ່ງກ່າວ. ປັດຈຸບັນ​ນີ້ ICRC ພວມ​ພະຍາຍາມ​ຄົ້ນ​ຫາ​ຜູ້​ທີ່​ຖືກ​ຊາກ​ຫັກ​ພັງ​ທັບ​ຖົມ ແຕ່​ວ່າ​ໂອກາດ​ລອດ​ຊີວິດ​ຂອງ​ຜູ້​ເຄາະ​ຮ້າຍ​ນັ້ນ ມີ​ໜ້ອຍ​ຫຼາຍ ນອກຈາກ​ນັ້ນແລ້ວ ICRC ກໍ​ໄດ້​ສົ່ງ​ເຈົ້າ​ໜ້າທີ່​ການ​ແພດ ແລະ ອຸປະກອນ​ໄປ​ຊ່ວຍເຫຼືອ​ຢູ່​ໃນ​ບໍລິເວນ​ຄຸກ​ດັ່ງກ່າວ.

ຂ່າວທີ່ກ່ຽວຂ້ອງ