ເກີດອຸບັດເຫດເຮືອບິນຕົກຢູ່ໃນຟີລິບປິນ

407 03 ກ.ຍ. 2019 ຂ່າວຕ່າງປະເທດ
ເກີດອຸບັດເຫດເຮືອບິນຕົກຢູ່ໃນຟີລິບປິນ

    ເຈົ້າໜ້າທີ່ໃນທ້ອງຖິ່ນ ແຈ້ງໃຫ້ຮູ້ເມື່ອວັນທີ 1 ກັນຍານີ້ວ່າ ເຮືອບິນຂະໜາດນ້ອຍລຳໜຶ່ງ ພ້ອມຜູ້ໂດຍສານ 8 ຄົນ ໄດ້ເກີດອຸບັດເຫດຕົກລົງໃນເຂດຕາກອາກາດແຫ່ງໜຶ່ງ ຢູ່ທາງທິດໃຕ້ ນະຄອນຫຼວງມານີລາ ຂອງປະເທດຟີລິບປິນ ແລະ ໄດ້ເກີດລະເບີດຂຶ້ນ.

    ເຈົ້າໜ້າທີ່ຕຳຫຼວດໃນແຂວງ ລາກູນາ ໃຫ້ການຢັ້ງຢືນຜ່ານທາງໂທລະສັບວ່າ ເຮືອບິນດັ່ງກ່າວ ໄດ້ຕົກລົງໃສ່ເຂດຕາກອາກາດ ຢູ່ໃນບ້ານ ປາໂຊນ ທີ່ຂຶ້ນກັບແຂວງ ລາກູນາ ໂດຍໃນເບື້ອງຕົ້ນ ໄດ້ຄົ້ນພົບຮ່າງຜູ້ເສຍຊີວິດແລ້ວ 7 ສົບ.

    ໃນຂະນະດຽວກັນ ເຈົ້າໜ້າທີ່ຂອງອົງການການບິນພົນລະເຮືອນຂອງຟີລິບປິນ ແຈ້ງໃຫ້ຮູ້ວ່າ ເຮືອບິນຂະໜາດນ້ອຍລຳໜຶ່ງ ທີ່ພວມປະຕິບັດໜ້າທີ່ອົບພະຍົບດ້ານການແພດຈາກນະຄອນ ດີໂປລອກ ໄປຍັງນະຄອນຫຼວງ ມານີລາ ໄດ້ຫາຍຕົວໄປຈາກຈໍຣາດາ ໂດຍທີ່ບໍ່ຮູ້ແຈ້ງເຖິງສາເຫດ ຊຶ່ງມີຂຶ້ນໃນເວລາດຽວກັນກັບທີ່ເຮືອບິນຂະໜາດນ້ອຍ ເກີດອຸບັດເຫດຕົກຢູ່ໃນແຂວງລາກູນາ. ໃນເຮືອບິນທີ່ປະສົບເຫດນັ້ນມີນັກບິນ 2 ຄົນ ທ່ານໝໍ 1 ຄົນ ແພດຊ່ວຍ 3 ຄົນ ຄົນເຈັບ 1 ຄົນ ແລະ ຜູ້ອື່ນອີກ 1 ຄົນ.

ຂ່າວທີ່ກ່ຽວຂ້ອງ