ວິ​ທະ​ຍຸ​​ເຂດ​ອ່າວ​ໃຫຍ່ຂອງຈີນເລີ່ມ​ອອກ​ອາ​ກາດ​ຢ່າງ​ເປັນ​ທາງ​ການ

429 03 ກ.ຍ. 2019 ຂ່າວຕ່າງປະເທດ
ວິ​ທະ​ຍຸ​​ເຂດ​ອ່າວ​ໃຫຍ່ຂອງຈີນເລີ່ມ​ອອກ​ອາ​ກາດ​ຢ່າງ​ເປັນ​ທາງ​ການ

   ແຫຼ່ງ​ຂ່າວ​ຂອງ​ຈີນ ລາຍ​ງານ​ວ່າ ວິທະຍຸ​ເຂດ​ອ່າວ​ໃຫຍ່​ຂອງ​ສະຖານີ​ວິທະຍຸ​ໂທລະພາບ​ສູນ​ກາງ​ຈີນ ຊຶ່ງ​ເປັນ​ວິທະຍຸ​ລະດັບ​ຊາດ​ທີ່​ອອກ​ອາກາດ​ສູ່​ເຂດ​ອ່າວ​ໃຫຍ່​ກວາງຕຸ້ງ-ຮົງ​ກົງ-ມາ​ກາວ​ແຫ່ງ​ທຳ​ອິດ​ໂດຍ​ສະເພາະ​ຂອງ​ຈີນ ໄດ້​ເລີ່ມ​ອອກ​ອາກາດ​ຢ່າງ​ເປັນ​ທາງ​ການ​ໃນ​ວັນ​ທີ 1 ກັນຍາ​ນີ້ ຂະນະ​ທີ່​ສື່​ໃໝ່​ຂອງ​ວິທະຍຸ​ດັ່ງກ່າວ ກໍ​ໄດ້​ເປີດ​ບໍລິການ​ຢ່າງ​ເປັນ​ທາງ​ການ​ໃນ​ເວລາ​ດຽວ​ກັນ.

    ວິທະຍຸ​ເຂດ​ອ່າວ​ໃຫຍ່​ມີ​ຊື່​ເຕັມ​ວ່າ ວິທະຍຸ​ເຂດ​ອ່າວ​ໃຫຍ່​ກວາງຕຸ້ງ-ຮົງ​ກົງ-ມາ​ກາວ ແຕ່​ລະ​ມື້​ຈະ​ອອກ​ອາກາດ 21 ຊົ່ວໂມງ ໄປ​ສູ່​ເຂດ ແລະ ນະຄອນ​ຕ່າງໆ​ທີ່ຢູ່​ໃນ​ເຂດ​ອ່າວ​ໃຫຍ່​ກວາງຕຸ້ງ-ຮົງ​ກົງ-ມາ​ກາວ ຄື  ນະຄອນ​ກວາງ​ໂຈ່ວ ນະຄອນ​ເສິນ​ເຈິ້ນ ນະຄອນ​ຈູ່​ໄຫ ນະຄອນ​ໂຟ​ຊ່ານ ນະຄອນ​ຮຸ້ຍ​ໂຈ່ວ ນະຄອນ​ຕຸ່ງ​ກວນ ນະຄອນ​ຈົ່ງ​ຊ່ານ ນະຄອນ​ຈ່ຽງ​ເມີນ ນະຄອນ​ຈ້າວ​ຊິ້ງ ຂອງ​ແຂວງ​ກວາງຕຸ້ງ ກໍ​ຄື​ເຂດ​ບໍລິຫານ​ພິເສດ​ຮົງ​ກົງ ແລະ ເຂດ​ບໍລິຫານ​ພິເສດ​ມາ​ກາວ.

    ວິທະຍຸ​ເຂດ​ອ່າວ​ໃຫຍ່ ພ້ອມ​ສື່​ໃໝ່​ຕົ້ນຕໍ​ຈະ​ໃຫ້​ບໍລິການ​ແກ່​ຜູ້​ຟັງ ແລະ ຜູ້​ຊົມ​ໃນ​ເຂດ​ອ່າວ​ໃຫຍ່ ໂດຍ​ເຜີຍແຜ່​ສຽງ​ສັກສິດ​ຂອງ​ສູນ​ກາງ​ຢ່າງ​ທັນ​ການ ນຳ​ສະເໜີ​ສະພາບ​ຄວາມ​ຄືບ​ໜ້າ​ໃນ​ການຈັດຕັ້ງ​ປະຕິບັດ​ຍຸດ​ທະ​ສາດ​ແຫ່ງ​ຊາດ ເພື່ອ​ພັດທະນາ​ເຂດ​ອ່າວ​ໃຫຍ່​ກວາງຕຸ້ງ-ຮົງ​ກົງ-ມາ​ກາວ ນຳ​ສະເໜີ​ພຶດຕິ​ກຳ​ໃໝ່​ແຫ່ງ​ການ​ພັດທະນາ​ຂອງ​ພາລະກິດ “ປະເທດ​ດຽວ​ສອງ​ລະບອບ”.

ຂ່າວທີ່ກ່ຽວຂ້ອງ