ໂປໂລຍ-ອູແກຣນ- ສ ອາເມຣິກາ ລົງນາມຂໍ້ຕົກລົງການຮ່ວມມືກ່ຽວກັບການຂົນສົ່ງແກັສ

399 03 ກ.ຍ. 2019 ຂ່າວຕ່າງປະເທດ
ໂປໂລຍ-ອູແກຣນ- ສ ອາເມຣິກາ ລົງນາມຂໍ້ຕົກລົງການຮ່ວມມືກ່ຽວກັບການຂົນສົ່ງແກັສ

     ສຳນັກ​ຂ່າວສານ Sputnik ລາຍ​ງານ​ວ່າ ເມື່ອ​ວັນ​ທີ 31 ສິງຫາ​ທີ່​ຜ່ານ​ມາ ໂປ​ໂລຍ ອູ​ແກຣນ ແລະ  ສ ອາ​ເມ​ຣິ​ກາ ໄດ້​ລົງ​ນາມ​ຂໍ້​ຕົກລົງ​ສະບັບ​ໜຶ່ງ​ລະຫວ່າງ​ລັດຖະບານ ກ່ຽວ​ກັບ​ການ​ຮ່ວມ​ມື ໃນ​ຂົງເຂດ​ການ​ຂົນສົ່ງ​ແກ​​ັສ.

    ຂໍ້​ຕົກລົງ​ດັ່ງກ່າວ ໄດ້​ຮັບ​ການ​ລົງ​ນາມ​ຢູ່​ທີ່​ນະຄອນຫຼວງ​ວໍ​ຊິງ​ຕັນ ລະຫວ່າງ​ເຈົ້າ​ໜ້າທີ່​ຂອງ ລັດຖະບານ​ໂປ​ໂລຍ ທີ່​ຮັບຜິດຊອບ​ວຽກ​ງານ​ພື້ນຖານ​ໂຄງ​ລ່າງ​ດ້ານ​ພະລັງງານ ກັບ​ເລຂາທິການ ດ້ານ​ຄວາມ​ສະຫງົບ​ແຫ່ງ​ຊາດ​ອູ​ແກຣນ ແລະ ລັດຖະມົນຕີ​ພະລັງງານ​ຂອງ ສ ອາ​ເມ​ຣິ​ກາ.

    ຈຸດປະສົງ​ຂອງ​ຂໍ້​ຕົກລົງ​ດັ່ງກ່າວ ກໍ​ແມ່ນ​ເພື່ອ​ເພີ່ມ​ທະວີ​ການ​ຮັກສາ​ຄວາມ​ສະຫງົບ ກ່ຽວ​ກັບ ການ​ຂົນສົ່ງ​ແກ​​ັ​ສລະ​ຫວ່າງ​ສາມ​ປະເທດ ການ​ຮ່ວມ​ມື​ໃນ​ການ​ປະຕິ​ຮູບ​ການ​ຕະຫຼາດ​ຂອງ​ອູ​ແກຣນ ການ​ຍົກ​ລະດັບ​ພື້ນຖານ​ໂຄງ​ລ່າງ​ການ​ນຳ​ເຂົ້າ​ແກ​​ັສ​ຢູ່​ໃນ​ໂປ​ໂລຍ ແລະ ອູ​ແກຣນ ກໍ​ຄື​ຍົກ​ສູງ​ການ ສົ່ງ​ອອກ​ແກ​​ັສ​ແຫຼວ (LNG) ຂອງ ສ ອາ​ເມ​ຣິ​ກາ ໄປ​ຍັງ​ເອີ​ຣົບ.

ຂ່າວທີ່ກ່ຽວຂ້ອງ