ເທບຫຼວງ ນັອກນັກຊົກໄທ ມວຍຄູ່ເອກ ນະຄອນຫຼວງ ກໍກຽດແດນຈຳປາ 2019

434 04 ກ.ຍ. 2019 ວົງຈອນກີລາ
ເທບຫຼວງ ນັອກນັກຊົກໄທ ມວຍຄູ່ເອກ ນະຄອນຫຼວງ ກໍກຽດແດນຈຳປາ 2019

    ການ​ແຂ່ງ­ຂັນ​ມວຍ ລາຍ­ການ ນະ­ຄອນ­ຫຼວງ​ກໍ​ກຽດ​ແດນ​ຈຳ­ປາ ປະ­ຈຳ​ປີ 2019 ເປັນ​ການ​ຮ່ວມ​ກັນ​ລະ­ຫວ່າງ ສະ­ຫະ­ພັນ​ມວຍ​ລາວ ນະ­ຄອນ­ຫຼວງ​ວຽງ​ຈັນ ສົມ­ທົບ​ກັບ​ບໍ­ລິ­ສັດ ກໍ​ກຽດ​ບ໋ອກ​ຊີງ​ກຣຸບ ຈຳ­ກັດ ຈັດ​ຂຶ້ນ​ວັນ​ທີ 31 ສິງ­ຫາ 2019 ທີ່​ສະ­ໂມ­ສອນ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ມີ​ການ​ແຂ່ງ­ຂັນ​ຕາມ​ປົກ­ກະ­ຕິ​ມວຍ 6 ຄູ່ ສຳ­ລັບ​ມວຍ​ຄູ່​ເອກ ເປັນ​ການ​ພົບ​ກັນ​ລະ­ຫວ່າງ ເທບ​ຫຼວງ ປກສ ພົບ​ກັບ ພະ­ລັງ​ທິບ ສ.ທະ­ວີ​ຊັບ ນັກ​ຊົກ​ຈາກ​ປະ­ເທດ​ໄທ ຮຸ່ນ​ນ້ຳ­ໜັກ 57 ກິ​ໂລ ແລະ ເປັນ​ຝ່າຍ ເທບ​ຫຼວງ ທີ່​ເອົາ​ຊະ­ນະ​ນັອກ​ໃນ​ຍົກ​ທີ​ສອງ ຂະ­ນະ​ທີ່​ມວຍ​ຮອງ​ຄູ່​ເອກ ຮຸ່ນ​ນ້ຳ­ໜັກ 53 ກິ​ໂລ ນ້ອງ​ເບຍ ປກຊ ແລະ ເພັດ​ມໍ​ລະ​ກົດ ສ.ທະ­ວີ​ຊັບ ກິນ​ກັນ​ບໍ່​ລົງ​ສະ­ເໝີ​ຄະ­ແນນ​ກັນ​ໄປ​ແບບ​ສຸດ​ມ່ວນ.

    ນອກ­ຈາກ​ການ​ແຂ່ງ­ຂັນ​ມວຍ 2 ຄູ່​ດັ່ງ­ກ່າວ ກໍ​ຍັງ​ມີ​ຜົນ​ການ​ແຂ່ງ­ຂັນ​ມວຍ​ໃນ​ລາຍ­ການ​ອີກ 4 ຄູ່ ສຳ­ລັບ​ຄູ່​ທີ 1 ຮຸ່ນ​ນ້ຳ­ໜັກ 45 ກິ​ໂລ ອາ­ຍາ​ເຫຼັກ ປກສ ຊະ­ນະ​ນັອກ ບິກ​ແບ້ງ ເພັດ​ນະ­ຄອນ ຍົກ​ທີ 3 ຄູ່​ທີ 2 ຮຸ່ນ​ນ້ຳ­ໜັກ 65 ກິ​ໂລ ສິງ​ໜຸ່ມ ສໍ​ຈະ­ເລີນ​ສິງ ຊະ­ນະ​ນັອກ ເໜືອ​ພະ​ຍັກ ຂວັນ​ໃຈ​ສີ​ໂຄດ ຍົກ​ທີ 1 ຄູ່​ທີ 5 ຮຸ່ນ​ນ້ຳ­ໜັກ 65 ກິ​ໂລ ເພັດ​ຊະ​ໜາມ​ໄຊ ຊະ­ນະ​ນັອກ ຂຸນ​ກ້າ ສະ­ໂມ­ສອນ ຄຳ​ເສັງ ຍົກ​ທີ 3 ແລະ ຄູ່​ສຸດ​ທ້າຍ ຄູ່​ທີ 6 ຮຸ່ນ​ນ້ຳ­ໜັກ 46 ກິ​ໂລ ເສືອ​ນ້ອຍ ສິດ​ຈານ​ເລ້ ຊະ­ນະ​ນັອກ ຂຸນ​ເຈືອງ ສະ­ໂມ­ສອນ ຄຳ​ເສັງ ຍົກ​ທີ 1.

ຂ່າວທີ່ກ່ຽວຂ້ອງ