ຂ່າວຫຼ້າສຸດ

ເຮືອບິນ​ການ​ທະຫານ​ຂອງ​ຣັດ​ເຊຍ ປະສົບ​ເຫດ​ຕົກ

256 05 ກ.ຍ. 2019 ຂ່າວຕ່າງປະເທດ
ເຮືອບິນ​ການ​ທະຫານ​ຂອງ​ຣັດ​ເຊຍ ປະສົບ​ເຫດ​ຕົກ

    ກະຊວງ​ປ້ອງ​ກັນ​ປະເທດ​ຣັດ​ເຊຍ ແຈ້ງ​ໃຫ້​ຮູ້​ວ່າ ເຮືອບິນ​ຝຶກ​ຫັດ​ດ້ານ​ການ​ທະຫານ Su-25UB ລຳ​ໜຶ່ງ ໄດ້​ປະສົບ​ເຫດ​ຕົກ​ຢູ່​ໃນ​ເຂດ ສະ​ຕາບ​ໂຣ​ໂປນ (ພາກ​ໃຕ້​ຣັດ​ເຊຍ) ເມື່ອ​ວັນ​ທີ 3 ກັນຍາ​ນີ້ ຊຶ່ງ​ເກີດ​ຂຶ້ນ​ໃນ​ຂະນະ​ທີ່​ເຮືອບິນ​ລຳ​ນັ້ນ​ພວມ​ປະຕິບັດ​ການບິນ​ຝຶກ​ຫັດ.

    ຂ່າວ​ແຈ້ງວ່າ ເຮືອບິນ​ດັ່ງກ່າວ​ບໍ່​ໄດ້​ປະກອບ​ກະ​ສູນ​ປືນ ໃນ​ຂະນະ​ທີ່​ພວມ​ບິນ​ຝຶກ​ຫັດ ແລະ ໄດ້​ປະສົບ​ໄພ​ຢູ່​ໃນ​ເຂດ​ທີ່​ເປົ່າ​ຫວ່າງ ແລະ ບໍ່​ມີ​ຄົນ​ອາ​ໃສ​ຢູ່ ຈຶ່ງ​ບໍ່ເກີດ​ຄວາມ​ເສຍ​ຫາຍ​ຢູ່​ທາງ​ພາກ​ພື້ນ​ດິນ.

    ໃນ​ຂະນະ​ດຽວ​ກັນ ແຫຼ່ງ​ຂ່າວ​ອື່ນໆ​ອີກ​ຈຳນວນ​ໜຶ່ງ ໃຫ້​ຮູ້​ວ່າ ເຮືອບິນ​ດັ່ງກ່າວ ໄດ້​ຂາດ​ການ​ຕິດຕໍ່​ກັບ​ສູນ​ຄວບ​ຄຸມ ແລະ ນັກ​ບິນ 2 ຄົນ ທີ່ຢູ່​ໃນ​ເຮືອບິນ​ນັ້ນ ໄດ້​ດີດ​ຕົວ​ອອກ​ຈາກ​ຕົວ​ເຮືອບິນ ກ່ອນ​ທີ່​ຈະ​ເກີດ​ອຸບັດເຫດ.

ຂ່າວທີ່ກ່ຽວຂ້ອງ