ກະຊວງ​ປ້ອງ​ກັນ​ປະ​ເທດ ສ ອາ​ເມ​ຣິ​ກາ ​ໃຊ້​ງົບປະມານ​ຫຼາຍ​ຕື້​ໂດ​ລາ​ເພື່ອ​ສ້າງ​ກຳ​ແພງ​ຊາຍ​ແດນ

296 05 ກ.ຍ. 2019 ຂ່າວຕ່າງປະເທດ
ກະຊວງ​ປ້ອງ​ກັນ​ປະ​ເທດ ສ ອາ​ເມ​ຣິ​ກາ ​ໃຊ້​ງົບປະມານ​ຫຼາຍ​ຕື້​ໂດ​ລາ​ເພື່ອ​ສ້າງ​ກຳ​ແພງ​ຊາຍ​ແດນ

    ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 3 ກັນຍາ​ນີ້​ວ່າ ຈະ​ຢຸດ​ໃຊ້​ເງິນ​ງົບປະມານ 3,6 ຕື້​ໂດ​ລາ​ສະຫະລັດ ໃຫ້​ແກ່​ໂຄງການ​ອື່ນໆ ເພື່ອ​ນຳໄປ​ໃຊ້​ໃນ​ການ​ກໍ່ສ້າງ​ກຳແພງ​ຄວາມ​ສະຫງົບ ຢູ່​ໃນ​ເຂດ​ຊາຍ​ແດນ​ທີ່​ຕິດ​ກັບ​ປະເທດ​ເມັກ​ຊິກ ຕາມ​ການ​ສະເໜີ​ຂອງ​ປະທານາທິບໍດີ ໂດ​ນາ​​ລ ທຣຳ.

    ໂຄສົກ​ຂອງ​ທຳ​ນຽບ​ຫ້າ​ແຈ (ກະຊວງ​ປ້ອງ​ກັນ​ປະເທດ ສ ອາ​ເມ​ຣິ​ກາ) ໃຫ້​ຮູ້​ວ່າ ທ່ານ ໄມ ເອ​​ສ​ເປີ ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ ໄດ້​ເຊັນ​ຂໍ້​ຕົກລົງ ກ່ຽວ​ກັບ​ການ​ໂອນ​ງົບປະມານ ຈາກ 127 "ໂຄງການ​ດ້ານ​ການ​ທະຫານ​ທີ່​ຖືກ​ໂຈະ" ທັງ​ຢູ່​ໃນ​ປະເທດ ແລະ ນອກ​ປະເທດ​ນັ້ນ ໄປ​ໃຫ້​ແຜນການ​ກໍ່ສ້າງ​ກຳແພງ​ຄວາມ​ສະຫງົບ ໃນ​ເຂດ​ຊາຍ​ແດນ​ທາງ​ທິດໃຕ້​ຂອງ ສ ອາ​ເມ​ຣິ​ກາ.

     ເມື່ອ​ເດືອນ​ກຸມພາ​ທີ່​ຜ່ານ​ມາ ປະທານາທິບໍດີ ທຣຳ ໄດ້​ປະກາດ​ພາວະ​ສຸກ​ເສີນ​ລະດັບ​ຊາດ ເພື່ອ​ລະດົມ​ງົບປະມານ ຈາກ​ບັນຊີ​ການ​ເງິນ​ຕ່າງໆ​ຂອງ​ສ່ວນ​ກາງ ເພື່ອ​ນຳໄປ​ສ້າງ​ກຳແພງ​ລຽບ​ຕາມ​ຊາຍ​ແດນ ລະຫວ່າງ ສ ອາ​ເມ​ຣິ​ກາ ກັບ​ເມັກ​ຊິກ.

ຂ່າວທີ່ກ່ຽວຂ້ອງ