ຂ່າວຫຼ້າສຸດ

ປາ​ກິດ​ສະຖານ ບໍ່​ໃຫ້​ເຮືອບິນ​ຂອງ​ປະທາ​ນາ​ທິບໍດີ​ອິນ​ເດຍ ບິນ​ຜ່ານ​ທ້ອງຟ້າປາ​ກິດ​ສະຖານ

238 10 ກ.ຍ. 2019 ຂ່າວຕ່າງປະເທດ
ປາ​ກິດ​ສະຖານ ບໍ່​ໃຫ້​ເຮືອບິນ​ຂອງ​ປະທາ​ນາ​ທິບໍດີ​ອິນ​ເດຍ ບິນ​ຜ່ານ​ທ້ອງຟ້າປາ​ກິດ​ສະຖານ

    ວັນ​ທີ 7 ກັນຍາ​ນີ້ ປາ​ກິດ​ສະຖານ​ໄດ້​ປະຕິເສດ​ຕໍ່​ການ​ອະນຸຍາດ​ໃຫ້​ເຮືອບິນ​ພິເສດ ທີ່​ມີ​ປະທານາທິບໍດີ​ອິນ​ເດຍ ຣາມ ນັດ ໂຄ​ວິນ ໂດຍສານ​ໄປ​ນັ້ນ ບິນ​ຜ່ານ​ເຂດ​ທ້ອງຟ້າ​ຂອງ​ປາ​ກິດ​ສະຖານ.

    ລັດຖະມົນຕີ​ການ​ຕ່າງປະເທດ​ປາ​ກິດ​ສະຖານ ຊາ ເມ​ມຸດ ກູ​ເຣ​ຊີ ແຈ້ງ​ໃຫ້​ຮູ້​ຢູ່​ໃນ​ຖະແຫຼງການ​ສະບັບ​ໜຶ່ງ ວ່າ: “ປະທານາທິບໍດີ​ຂອງ​ອິນ​ເດຍ ຢາກ​ນຳ​ໃຊ້​ເຂດ​ທ້ອງຟ້າ​ຂອງ​ປາ​ກິດ​ສະຖານ ເພື່ອ​ບິນ​ໄປ​ຍັງ ອິ​ສລັງ ແຕ່​ພວກ​ເຮົາ (ປາ​ກິດ​ສະຖານ) ໄດ້​ຕົກລົງ​ບໍ່​ໃຫ້​ອະນຸຍາດ.”

    ກ່ອນ​ໜ້າ​ນັ້ນ ປາ​ກິດ​ສະຖານ​ໄດ້​ປິດ​ເຂດ​ທ້ອງຟ້າ​ຂອງ​ຕົນ ຕໍ່​ການບິນ​ຂອງ​ອິນ​ເດຍ ຫຼັງ​ຈາກ​ທີ່​ໄດ້​ເກີດ​ການ​ປະ​ທະ​ກັນ​ທາງ​ອາກາດ ເມື່ອ​ເດືອນ​ກຸມພາ​ທີ່​ຜ່ານ​ມາ ເຮັດ​ໃຫ້​ຄວາມ​ເຄັ່ງ​ຕຶງ​ທະວີຄູນ​ຂຶ້ນ ແລະ​ເປັນ​ຜົນ​ກະທົບ​ຕໍ່​ການບິນ​ທີ່​ສຳຄັນ​ຂອງ​ສາກົນ​ຫຼາຍ​ເສັ້ນທາງ. ຫຼັງ​ຈາກ​ນັ້ນ ປາ​ກິດ​ສະຖານ​ໄດ້​ກັບ​ມາ​ເປີດ​ທ້ອງຟ້າ ໃຫ້​ແກ່​ບັນດາ​ຖ້ຽວ​ບິນ​ຝ່າຍ​ພົນ​ລະ​ເຮືອນ ນັບ​ແຕ່​ເດືອນ​ກໍລະກົດ​ປີ​ນີ້​ເປັນຕົ້ນ​ມາ.

ຂ່າວທີ່ກ່ຽວຂ້ອງ