ຂ່າວຫຼ້າສຸດ

ສະພາ​ແຫ່ງ​ຊາດ​ອັງກິດ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ການ​ສະກັດ​ກັ້ນ ​ເບຣຊິດ​ທີ່​ປາສະຈາກ​ຂໍ້​ຕົກລົງ

225 10 ກ.ຍ. 2019 ຂ່າວຕ່າງປະເທດ
ສະພາ​ແຫ່ງ​ຊາດ​ອັງກິດ ຮັບຮອງ​ຮ່າງ​ກົດໝາຍ​ວ່າ​ດ້ວຍ​ການ​ສະກັດ​ກັ້ນ ​ເບຣຊິດ​ທີ່​ປາສະຈາກ​ຂໍ້​ຕົກລົງ

    ເມື່ອ​ວັນ​ທີ 6 ກັນຍາ​ທີ່​ຜ່ານ​ມາ ສະພາ​ສູງ​ອັງກິດ ໄດ້​ຮັບຮອງ​ຮ່າງ​ກົດໝາຍ​ເພື່ອ​ສະກັດ​ກັ້ນ​ການ​ທີ່​ອັງກິດ​ຖອນ​ອອກ​ຈາກ​ສະຫະພາບ​ເອີ​ຣົບ (EU) ຫຼື​ທີ່​ເອີ້ນ​ວ່າ ເບຣ​ຊິດ (Brexit) ໂດຍ​ປາສະຈາກ​ຂໍ້​ຕົກລົງ ໃນ​ວັນ​ທີ 31 ຕຸລາ ປີ 2019 ນັ້ນ​ດ້ວຍ​ວິທີ​ບັງຄັບ​ໃຫ້​ນາຍົກລັດຖະມົນຕີ ໂບ​ຣິ​​ສ ຈອນ​ສັນ ຕ້ອງ​ຊອກ​ຫາ​ວິທີ​ໂຈະ​ແຜນການ  Brexit.

    ຮ່າງ​ກົດໝາຍ​ດັ່ງກ່າວ ຈະ​ເຮັດ​ໃຫ້​ນາຍົກລັດຖະມົນຕີ ຈອນ​ສັນ ຕ້ອງ​ສະເໜີ​ໃຫ້ EU ຕໍ່​ກຳນົດ​ຖານະ​ການ​ເປັນ​ສະມາຊິກ​ຂອງ​ອັງກິດ​ຢູ່​ໃນ EU ໄປ​ຕື່ມ 3 ເດືອນ ນັ້ນ​ກໍ​ໝາຍ​ຄວາມ​ວ່າ​ຮອດ​ວັນ​ທີ 31 ມັງກອນ ປີ 2020 ຖ້າ​ຫາ​ກວ່າ​ສະພາ​ແຫ່ງ​ຊາດ​ບໍ່​ຮັບຮອງ​ຂໍ້​ຕົກລົງ Brexit. ຄາດ​ວ່າ​ພະ​ລາ​ຊີ​ນີ ເອ​ລີ​ຊາ​ເບດ II ຈະ​ລົງ​ນາມ​ປະກາດ​ໃຊ້​ເອກະສານ​ດັ່ງກ່າວ​ເປັນ​ກົດໝາຍ ໃນ​ວັນ​ທີ 9 ກັນຍາ​ນີ້.

    ກ່ອນ​ໜ້າ​ນັ້ນ ສະພາ​ຕ່ຳ​ອັງກິດ ກໍ​ໄດ້​ຮັບຮອງ​ຮ່າງ​ກົດໝາຍ​ນັ້ນ​ໄປ​ແລ້ວ ໂດຍ​ທີ່​ບໍ່​ຈຳເປັນ​ຕ້ອງ​ມີ​ການ​ປ່ອນ​ບັດ​ຢ່າງ​ເປັນ​ທາງ​ການ ຢູ່​ໃນ​ໄລຍະ​ສຸດ​ທ້າຍ.

ຂ່າວທີ່ກ່ຽວຂ້ອງ