ແຂ່ງຂັນກີລາເປຕັງ ຕ້ອນຮັບກອງປະຊຸມໃຫຍ່ຂອງພັກ

200 11 ກ.ຍ. 2019 ວົງຈອນກີລາ
ແຂ່ງຂັນກີລາເປຕັງ ຕ້ອນຮັບກອງປະຊຸມໃຫຍ່ຂອງພັກ

    ການ​ແຂ່ງຂັນ​ກີລາ​ເປ​ຕັງ​ມິດຕະພາບ 4 ໜ່ວຍ​ພັກ ອ້ອມ​ຂ້າງ​ສ່ວຍ​ສາ​ອາກອນ ທີ່​ຂຶ້ນ​ກັບ​ຄະນະ​ພັກ​ຮາກ​ຖານ ພະແນກການ​ເງິນ ນະຄອນຫຼວງ​ວຽງ​ຈັນ (ນວ) ຈັດ​ຂຶ້ນ​ວັນ​ທີ 9 ກັນຍາ 2019 ໂດຍ​ມີ​ທ່ານ ສີ​ລິ​ລາດ​ທົງ​ສິນ ທອງ​ເພັງ ຄະນະ​ພັກ​ຮາກ​ຖານ​ພະແນກການ​ເງິນ ຫົວໜ້າ​ສ່ວຍ​ສາ​ອາກອນ ປະຈຳ​ນະຄອນຫຼວງ​ວຽງ​ຈັນ ມີ​ບັນດາ​ທ່ານ​ຫົວໜ້າ-ຮອງ​ຫົວໜ້າ​ຂະແໜງການ ສາມ​ອົງ​ການຈັດຕັ້ງ​ມະຫາ ຊົນ ພະນັກງານ-ລັດຖະກອນ ອ້ອມ​ຂ້າງ​ພະແນກການ​ເງິນ ນວ ເຂົ້າ​ຮ່ວມ.

    ທ່ານ ສີ​ລິ​ລາດ​ທົງ​ສິນ ທອງ​ເພັງ ກ່າວ​ວ່າ: ມື້ນີ້ 4 ໜ່ວຍ​ພັກ ອ້ອມ​ຂ້າງ​ສ່ວຍ​ສາ​ອາກອນ ທີ່​ຂຶ້ນ ກັບ​ຄະນະ​ພັກ​ຮາກ​ຖານ ພະ​ແນກ​​​ການ​ເງິນ ນວ ໄດ້​ເປີດ​ຂະ​ບວນ​ການ​ແຂ່ງຂັນ​ເປ​ຕັງ​ມິດຕະພາບ​ຂຶ້ນ ເພື່ອ​ເປັນ​ການ​ຮັດ​ແໜ້ນ​ຄວາມ​ສາມັກຄີ​ພາຍ​ໃນ ໃຫ້​ເປັນ​ປຶກ​ແຜ່ນ​ແໜ້ນໜາ ແລະ ສາມັກຄີ​ຕໍ່​ກັບ​ພາຍ ນອກ​ໃຫ້​ກວ້າງຂວາງ​ຂຶ້ນ​ຕື່ມ ພ້ອມ​ກັນ​ຮ່ວມ​ມື​ປະສານ​ກົມກຽວ ຈັດ​ຕັ້ງ​ຜັນ​ຂະຫຍາຍ​ແນວທາງ​ນະ​ໂຍ ບາຍ​ຂອງ​ພັກ ແລະ ລະບຽບ​ກົດໝາຍ​ຂອງ​ລັດ ໃຫ້​ປາກົດ​ຜົນ​ເປັນ​ຈິງ​ຕາມ​ລະດັບ​ຄາດໝາຍ​ທີ່​ວາງ​ໄວ້.

    ການ​ແຂ່ງຂັນ​ຄັ້ງ​ນີ້ ຈະ​ເປັນ​ການ​ປະກອບສ່ວນ​ອັນ​ສຳຄັນ ໃຫ້​ແກ່​ການ​ກະກຽມ​ກອງ​ປະຊຸມ​ໃຫຍ່ ຂອງ​ບັນດາ​ໜ່ວຍ​ພັກ ທີ່​ຂຶ້ນ​ກັບ​ຄະນະ​ພັກ​ຮາກ​ຖານ ພະ​ແນກ​​​ການ​ເງິນ ນວ ແລະ ກອງ​ປະຊຸມ​ໃຫຍ່ ຄັ້ງ​ທີ VI ຂອງ​ຄະນະ​ພັກ​ຮາກ​ຖານ ພະແນກການ​ເງິນ ນວ ກໍ​ຄື ວັນ​ສຳຄັນ​ຕ່າງໆ​ຂອງ​ພັກ-ຂອງ​ຊາດ ຈະ​ເປັນ​ແຮງ​ບັນດານ​ໃຈ​ອັນ​ໜຶ່ງ​ໃຫ້​ແກ່​ບັນດາ​ສະຫາຍ​ສະມາຊິກ​ພັກ ພະນັກງານ-ລັດຖະກອນ ພາຍ​ໃນ ພະແນກການ​ເງິນ ນວ ແລະ ບັນດາ​ອົງ​ການຈັດຕັ້ງ​ທີ່​ຂຶ້ນ​ກັບ ເພື່ອ​ພ້ອມ​ກັນ​ສູ້​ຊົນ​ສຳເລັດ​ໜ້າທີ່​ການ ເມືອງ​ທີ່​ພັກ​ມອບ​ໝາຍ​ໃຫ້ ໂດຍ​ສະເພາະ​ແມ່ນ​ການ​ເກັບ​ລາຍ​ຮັບ​ເຂົ້າ​ງົບປະມານ​ປະຈຳ​ປີ 2019 ໃຫ້ ບັນລຸ​ຕາມ​ຄາດໝາຍ.

ຂ່າວທີ່ກ່ຽວຂ້ອງ