ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ສ ອາ​ເມຣິກາ ພົ້ນ​ຈາກ​ຕຳ​ແໜ່​ງ

172 12 ກ.ຍ. 2019 ຂ່າວຕ່າງປະເທດ
ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ສ ອາ​ເມຣິກາ ພົ້ນ​ຈາກ​ຕຳ​ແໜ່​ງ

   ປະທານາທິບໍດີ ໂດ​ນາ​​ລ ທຣຳ ຜູ້ນຳ ສ ອາ​ເມ​ຣິ​ກາ ໄດ້​ປະກາດ​ອອກ​ມາ​ເມື່ອ​ວັນ​ທີ 10 ກັນຍາ​ນີ້​ວ່າ ໄດ້​ປົດ​ທ່ານ ຈອນ ໂບນ​ຕັນ ອອກ​ຈາກ​ຕຳແໜ່ງ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ສ ອາ​ເມ​ຣິ​ກາ ແລ້ວ​ໃນ​ຕອນ​ເຊົ້າ​ຂອງ​ວັນ​ດຽວ​ກັນ.

    ໃນ​ວັນ​ທີ 10 ກັນຍາ​ເຊັ່ນ​ກັນ ສຳນັກ​ຂ່າວສານ Bloomberg ລາຍ​ງານ​ວ່າ ປະທານາທິບໍດີ ທຣຳ ໄດ້​ສະເໜີ​ໃຫ້​ທ່ານ ຈອນ ໂບນ​ຕັນ ລາ​ອອກ​ຈາກ​ຕຳແໜ່ງ. ໃນ​ຂະນະ​ດຽວ​ກັນ ປະທານາທິບໍດີ ທຣຳ ກໍ​ໃຫ້​ຮູ້​ວ່າ ໃນ​ອາທິດ​ໜ້າ ຈະ​ປະກາດ​ຜູ້​ທີ່​ຈະ​ເຂົ້າ​ໄປ​ແທນ​ໜ້າທີ່​ທ່ານ ໂບນ​ຕັນ.

    ທ່ານ ໂບນ​ຕັນ ອາຍຸ 70 ປີ ເປັນ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ສ ອາ​ເມ​ຣິ​ກາ ເລີ່ມ​ແຕ່​ເດືອນ​ເມສາ ປີ 2018 ເປັນຕົ້ນ​ມາ ແລະ​ທ່ານ​ກໍ​ເປັນ​ຄົນທີ​ສາມ ທີ່ຢູ່​ໃນ​ຕຳແໜ່ງ​ດັ່ງກ່າວ​ໃນ​ອຳນາດ​ການ​ປົກ​ຂອງ​ປະທານາທິບໍດີ ທຣຳ ເຖິງ​ຢ່າງໃດ​ກໍ​ຕາມ ທ່ານ ໂບນ​ຕັນ ແລະ ທ່ານ​ທຣຳ ພັດ​ມີ​ຄວາມ​ບໍ່​ລົງ​ລອຍ​ກັນ​ກ່ຽວ​ກັບ​ບັນຫາ​ນະໂຍບາຍ.

ຂ່າວທີ່ກ່ຽວຂ້ອງ