ຂ່າວຫຼ້າສຸດ

ປະທານ EC ​ແຕ່ງຕັ້ງຄະ​ນະ​ນຳ​ຊຸດ​ໃໝ່

272 12 ກ.ຍ. 2019 ຂ່າວຕ່າງປະເທດ
ປະທານ EC ​ແຕ່ງຕັ້ງຄະ​ນະ​ນຳ​ຊຸດ​ໃໝ່

    ເມື່ອ​ວັນ​ທີ 10 ກັນຍາ​ນີ້ ທ່ານ​ນາງ ອູ​ຊູ​ລາ ວອນ ເດີ  ເລ​ເຢິນ ປະທານ​ຄະນະ​ກຳມະການ​ເອີ​ຣົບ (EC) ໄດ້​​້​ແຕ່ງຕັ້ງ​ສະມາຊິກ 27 ຄົນ ໃນ​ຄະນະ​ນຳ​ຂອງ EC ໂດຍ​ໃຫ້​ສັນຍາ​ທີ່​ຈະ​ສຸມ​ໃສ່​ແກ້​ໄຂ​ບັນດາ​ບັນຫາ​ຮ້ອນຮົນ​ຂອງ​ເອີ​ຣົບ ເຊັ່ນ​ການ​ປ່ຽນແປງ​ສະພາບ​ດິນ​ຟ້າ​ອາກາດ ເຕັກ​ໂນ​ໂລ​ຊີ ແລະ ພົນລະເມືອງ ຊຶ່ງ​ເປັນ​ບັນຫາ​ທີ່​ພວມ​ເຮັດ​ໃຫ້​ເກີດ​ຄວາມ​ກັງວົນ ຢູ່​ໃນ​ຫຼາຍ​ຊຸມ​ຊົນ​ໃນ​ທົ່ວ​ສະຫະພາບ (EU) ທີ່​ປະກອບ​ມີ 28 ປະເທດ​ເປັນ​ສະມາຊິກ.

    ຕາມ​ການ​ນຳ​ສະເໜີ​ຂອງ​ທ່ານ​ນາງ ອູ​ຊູ​ລາ ວອນ ເດີ  ເລ​ເຢິນ ແລ້ວ ອະດີດ​ນາຍົກລັດຖະມົນຕີ​ດານ​ມາກ ມາ​ແກຣດ ເວ​​ສ​ຕາ​ເກີ ຍັງ​ຄົງ​ສືບຕໍ່​ຮັບຜິດຊອບ​ກ່ຽວ​ກັບ​ນະໂຍບາຍ​ການ​ແກ້ງ​ແຍ່ງ; ທ່ານ ຟີ​​ລ ຮໍ​ກັນ (ຊາວ​ອຽກ​ລັງ) ຈະ​ຮັບຜິດຊອບ​ບັນຫາ​ການ​ຄ້າ. ໜຶ່ງ​ໃນ​ຈຸດ​ທີ່​ສຳຄັນ ຢູ່​ໃນ​ພາກສ່ວນ​ການ​ນຳ​ດັ່ງກ່າວ ກໍ​ແມ່ນ​ຄວາມ​ກ້ຳ​ເກິ່ງ​ທາງ​ເພດ ໂດຍ​ໃນ​ນັ້ນ​ມີ​ເພດ​ຍິງ 13 ຄົນ ແລະ ເພດ​ຊາຍ 14 ຄົນ. ກ່ອນ​ທີ່​ຈະ​ເຂົ້າ​ສູ່​ການເຄື່ອນໄຫວ​ຢ່າງ​ເປັນ​ທາງ​ການ​ນັ້ນ ຄະນະ​ນຳ​ຊຸດ​ໃໝ່​ຂອງ EC ຕ້ອງ​ໄດ້​ຮັບ​ການ​ຮັບຮອງ​ຈາກ EP ເສຍ​ກ່ອນ.

    ກ່ອນ​ໜ້າ​ນັ້ນ ເມື່ອ​ວັນ​ທີ 26 ກໍລະກົດ​ທີ່​ຜ່ານ​ມາ ທ່ານ​ນາງ ອູ​ຊູ​ລາ ວອນ ເດີ  ເລ​ເຢິນ ກໍ​ໄດ້​ຮັບຮອງ​ດ້ວຍ​ຈົດໝາຍ ກ່ຽວ​ກັບ​ການ​ແຕ່ງຕັ້ງ​ທ່ານ ໂຈ​ເຊບ ບໍ​​ຣຽລ ຟອນ​ເຕີ​ເລ​​ສ (ຖື​ສັນຊາດ​ແອັດ​ສະ​ປາຍ) ເຂົ້າ​ໃນ​ຕຳແໜ່ງ​ຮອງ​ປະທານ EC ທັງ​ເປັນ​ຜູ້​ແທນ​ຂັ້ນ​ສູງ​ຂອງ EU ຮັບຜິດຊອບ​ດ້ານ​ຄວາມ​ໝັ້ນຄົງ ແລະ​ນະໂຍບາຍ​ຕໍ່​ຕ່າງປະເທດ.

ຂ່າວທີ່ກ່ຽວຂ້ອງ