ຂ່າວຫຼ້າສຸດ

ເກີດ​ມີ​ໝອກ​ຄວັນ​ມົນ​ລະ​ພິດ​ຢ່າງ​ໜັກໜ່ວງ​ຢູ່​ໃນ​ລັດ​ຊາ​ຣາ​ວັກ​ ຂອງ​ມາ​ເລ​ເຊຍ

273 12 ກ.ຍ. 2019 ຂ່າວຕ່າງປະເທດ
ເກີດ​ມີ​ໝອກ​ຄວັນ​ມົນ​ລະ​ພິດ​ຢ່າງ​ໜັກໜ່ວງ​ຢູ່​ໃນ​ລັດ​ຊາ​ຣາ​ວັກ​ ຂອງ​ມາ​ເລ​ເຊຍ

     ວັນ​ທີ 9 ກັນຍາ​ນີ້ ຢູ່​ຫຼາຍ​ແຫ່ງ​ຂອງ​ລັດ​ຊາ​ຣາ​ວັກ (ທາງ​ພາກ​ຕາເວັນ​ອອກ​ຂອງ​ມາ​ເລ​ເຊຍ) ໄດ້​ເກີດ​ມີ​ໝອກ​ຄວັນ​ມົນ​ລະ​ພິດ​ຢ່າງ​ໜັກໜ່ວງ ດັ່ງນັ້ນ​ພາກສ່ວນ​ສຶກ​ສາ​ທິ​ການ​ຫ້ອງ​ຖິ່ນ ຈຶ່ງ​ໄດ້​ແຈ້ງ​ເຕືອນ​ວ່າ ບັນດາ​ໂຮງຮຽນ​ທີ່​ໄດ້​ຮັບ​ຜົນ​ກະທົບ​ຈາກ​ໝອກ​ຄວັນ​ມົນ​ລະ​ພິດ ຕ້ອງ​ຢຸດຕິ​ການ​ຮຽນ​ການ​ສອນ​ຕາມ​ຄວາມ​ເໝາະ​ສົມ.

   ໃນ​ມື້​ດຽວ​ກັນ ດັດຊະນີ​ມົນ​ລະ​ພິດ​ທາງ​ອາກາດ​ຢູ່​ນະຄອນ​ກູ​ຈີງ ທີ່​ເປັນ​ເທດສະບານ​ລັດ​ຊາ​ຣາ​ວັກ ວັດແທກ​ໄດ້​ສູງ​ກວ່າ 245 ຈຸດ ຊຶ່ງ​ຈະ​ສົ່ງ​ຜົນ​ກະທົບ​ຕໍ່​ສຸຂະພາບ​ຢ່າງ​ຮ້າຍ​ແຮງ. ຮອດ​ເວລາ 20 ໂມງ​ມື້​ດຽວ​ກັນ ຂໍ້​ມູນ​ຈາກ​ເວັບ​ໄຊ​ທາງ​ການ​ຂອງ​ອົງການ​ສິ່ງແວດລ້ອມ​ມາ​ເລ​ເຊຍ ແຈ້ງ​ເຕືອນ​ວ່າ ດັດຊະນີ​ຂອງ​ມົນ​ລະ​ພິດ​ທາງ​ອາກາດ​ຂອງ​ນະຄອນ​ກູ​ຈີງ ວັດແທກ​ໄດ້ 232 ຈຸດ. ນອກຈາກ​ນີ້ ດັດຊະນີ​ມົນ​ລະ​ພິດ​ທາງ​ອາກາດ​ຂອງ​ເມືອງ​ສິ​ຣີ​ອະ​ມັນ ໃນ​ລັດ​ຊາ​ຣາ​ວັກ ກໍ​ວັດແທກ​ໄດ້ 229 ຈຸດ.

    ນອກຈາກ​ລັດ​ຊາ​ຣາ​ວັກ ແລ້ວ ດັດຊະນີ​ມົນ​ລະ​ພິດ​ຈາກ​ໝອກ​ຄວັນ​ຢູ່​ນະຄອນຫຼວງ​ກົວ​ລາ​ລຳ​ເປີ​ຂອງ​ມາ​ເລ​ເຊຍ ມີຄ່າ​ກາຍ 100 ຈຸດ ຖື​ວ່າ​ຢູ່​ໃນ​ລະດັບ​ທີ່​ບໍ່​ເປັນ​ຜົນ​ດີ​ຕໍ່​ສຸຂະພາບ​ໃນ​ວັນ​ທີ 9 ກັນຍາ​ຜ່ານ​ມາ.

ຂ່າວທີ່ກ່ຽວຂ້ອງ