ເປີດນຳໃຊ້ອາຄານມະຫາວິທະຍາໄລ ວິທະຍາສາດສຸຂະພາບຫຼັງໃໝ່

189 12 ກ.ຍ. 2019 ຂ່າວໜ້າ​ໜຶ່ງ
ເປີດນຳໃຊ້ອາຄານມະຫາວິທະຍາໄລ ວິທະຍາສາດສຸຂະພາບຫຼັງໃໝ່

    ພິ­ທີ​ມອບ-ຮັບ ແລະ ເປີດ​ນຳ​ໃຊ້​ອາ­ຄານ​ມະ­ຫາ­ວິ­ທະ­ຍາ­ໄລ​ວິ­ທະ­ຍາ­ສາດ​ສຸ­ຂະ­ພາບ (ມວ​ສ) ຫຼັງ​ໃໝ່ ລະ­ຫວ່າງ​ບໍ­ລິ­ສັດ ຈິດ​ຈະ­ເລີນ​ກໍ່­ສ້າງ ແລະ ກະ­ຊວງ​ສາ­ທາ­ລະ­ນະ​ສຸກ ຈັດ​ຂຶ້ນ​ວັນ​ທີ 11 ກັນ­ຍາ 2019 ທີ່​ບ້ານ​ຊຽງ​ດາ (ວິ­ທະ­ຍາ​ເຂດ​ດົງ​ໂພ​ສີ) ເມືອງ​ໄຊ​ເສດ​ຖາ ນະ­ຄອນ­ຫຼວງ​ວຽງ​ຈັນ ກ່າວ​ມອບ​ໂດຍ​ທ່ານ ສົມ​ຫວັງ ວົງ​ວິ­ໄລ ຜູ້­ອຳ­ນວຍ­ການ​ບໍ­ລິ­ສັດ ຈິດ​ຈະ­ເລີນ​ກໍ່­ສ້າງ  ແລະ ກ່າວ​ຮັບ​ໂດຍ​ທ່ານ ບຸນ​ກອງ ສີ​ຫາ​ວົງ ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ທ່ານ ຄຳ​ພອນ ຈັນ­ທະ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ສາ­ທາ­ລະ­ນະ​ສຸກ ຫົວ­ໜ້າ​ກົມ ຮອງ​ກົມ ຫ້ອງ­ການ ຄະ­ນະ​ອະ­ທິ­ການ​ບໍ­ດີ ມວ​ສ ເຈົ້າ­ເມືອງ​ໄຊ​ເສດ​ຖາ ອຳ­ນາດ​ການ​ປົກ­ຄອງ​ບ້ານ ພະ­ນັກ­ງານ​ຄູ-ອາ­ຈານ ແລະ ນັກ​ສຶກ​ສາ ເຂົ້າ​ຮ່ວມ.

    ໂຄງ­ການ​ກໍ່­ສ້າງ​ອາ­ຄານ ມວ​ສ ແມ່ນ​ການ​ນຳ​ໃຊ້​ຫັນ​ຊັບ​ສິນ​ເປັນ​ທຶນ​ໂດຍ​ເອົາ​ອາ­ຄານ ແລະ ເນື້ອ­ທີ່​ດິນ​ຂອງ​ໂຮງ­ຮຽນ​ແພດ­ສາດ​ຄຸ້ມ​ທາດ​ດຳ ເມືອງ​ຈັນ­ທະ​ບູ​ລີ ມາ​ໄລ່​ເປັນ​ມູນ​ຄ່າ​ກໍ່­ສ້າງ​ທັງ​ໝົດ 69 ຕື້​ກີບ ເພື່ອ​ມາ​ກໍ່­ສ້າງ​ອາ­ຄານ​ຫຼັງ​ໃໝ່ ໂຄງ­ການ​ເລີ່ມ​ກໍ່­ສ້າງ​ປີ 2014 ແລະ ສຳ­ເລັດ​ປີ 2019 ໂຄງ­ການ​ເປັນ​ອາ­ຄານ 4 ຊັ້ນ ແລະ ມີ​ສະ­ໂມ­ສອນ​ໃຫຍ່ 1 ຫຼັງ ເນື້ອ­ທີ່​ໃນ​ການ​ກໍ່­ສ້າງ​ທັງ​ໝົດ 7.970,5 ຕາ​ແມັດ ປະ­ກອບ​ມີ​ຫ້ອງ ການ​ຄະ­ນະ­ບໍ­ດີ 4 ຫ້ອງ ຫ້ອງ­ການ​ວິ­ຊາ​ການ 4 ຫ້ອງ ຫ້ອງ­ການ​ບັນ­ດາ​ພະ­ແນກ­ການ 2 ຫ້ອງ ຫ້ອງ​ປະ­ຊຸມ​ນ້ອຍ 1 ຫ້ອງ ຫ້ອງ​ທົດ​ລອງ​ການ​ແພດ 5 ຫ້ອງ ຫ້ອງ​ລັງ­ສີ 1 ຫ້ອງ ຫ້ອງ​ກາຍ​ຍະ​ບຳ­ບັດ 3 ຫ້ອງ ຫ້ອງ​ຊ່າງ​ອົງ­ຄະ​ທຽມ 1 ຫ້ອງ ມີ​ຫ້ອງ​ຮຽນ​ສາ­ມາດ​ບັນ­ຈຸ​ນັກ​ສຶກ​ສາ​ໄດ້ 25-35 ຄົນ​ຕໍ່​ຫ້ອງ ມີ 23 ຫ້ອງ ແລະ ຫ້ອງ​ສາ­ມາດ​ບັນ­ຈຸ​ນັກ​ສຶກ​ສາ​ໄດ້ 50-60 ຄົນ ມີ 3 ຫ້ອງ ແຕ່​ລະ​ຫ້ອງ​ມີ​ລະ­ບົບ​ເຄື່ອງ​ປັບ​ອາ­ກາດ ເຄື່ອງ​ສຽງ ເຄື່ອງ​ເຊື່ອມ​ຕໍ່ ແລະ ຕິດ­ຕໍ່​ສື່­ສານ ຕິດ​ຕັ້ງ​ລະ­ບົບ​ໄຟ­ຟ້າ​ຮັບ​ໃຊ້​ພາຍ​ໃນ ແລະ ພາຍ​ນອກ​ອາ­ຄານ ກໍ່­ສ້າງ​ເສັ້ນ­ທາງ​ເບ​ຕົງ​ສັນ­ຈອນ​ພາຍ​ໃນ ເດີ່ນ​ເບ​ຕົງ ບ່ອນ​ຈອດ​ລົດ ກຳ­ແພງ​ຮົ້ວ​ອ້ອມ​ຮອບ ປະ­ຕູ­ໂຂງ ປ້ອມ​ຍາມ ແລະ ສິ່ງ​ອຳ­ນວຍ​ຄວາມ​ສະ­ດວກ​ຕ່າງໆ​ແບບ​ຄົບ​ຊຸດ ເຊິ່ງ​ອາ­ຄານ​ໃໝ່​ຈະ​ເປີດ​ນຳ​ໃຊ້​ສົກ​ສຶກ​ສາ 2019-2020 ເປັນ­ຕົ້ນ​ໄປ.

ຂ່າວທີ່ກ່ຽວຂ້ອງ