ທລຍ ສະໜອງພື້ນຖານໂຄງລ່າງ-ສິ່ງອຳນວຍຄວາມສະດວກຄືບໜ້າ 74,2%

182 12 ກ.ຍ. 2019 ຂ່າວໜ້າ​ໜຶ່ງ

    ກອງ​ທຶນ​ຫຼຸດ­ຜ່ອນ​ຄວາມ­ທຸກ​ຍາກ (ທລຍ) ຈັດ​ກອງ​ປະ­ຊຸມ​ສະ­ຫຼຸບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ 6 ເດືອນ​ຕົ້ນ​ປີ ວາງ​ແຜນ 6 ເດືອນ​ທ້າຍ​ປີ 2019 ຂຶ້ນ​ວັນ​ທີ 3 ກັນ­ຍາ 2019 ຜ່ານ​ມາ​ຢູ່​ນະ­ຄອນ­ຫຼວງ​ວຽງ​ຈັນ ໂດຍ​ເປັນ​ປະ­ທານ​ຂອງ​ທ່ານ ຈິດ ທະ­ວີ​ໃສ ຜູ້­ອຳ­ນວຍ­ການ​ບໍ­ລິ­ຫານ ທລຍ ແລະ ທ່ານ ສົມ­ບູນ ເລັ່ງ​ສະ​ຫວັດ ຮອງ​ຫົວ­ໜ້າ​ກົມ​ພັດ­ທະ­ນາ​ຊົນ­ນະ­ບົດ ແລະ ສະ­ຫະ­ກອນ ມີ​ຜູ້­ຕາງ­ໜ້າ​ຈາກ​ບັນ­ດາ​ກະ­ຊວງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ທ່ານ ຈິດ ທະ­ວີ​ໃສ ກ່າວ​ວ່າ: ປີ 2019 ທລຍ ໄດ້​ຮັບ​ງົບ­ປະ­ມານ​ຈັດ​ຕັ້ງ​ປະ­ຕິ­ບັດ​ກິດ­ຈະ­ກຳ​ຕ່າງໆ 17.758.672 ໂດ​ລາ​ສະ­ຫະ­ລັດ ຫຼື ປະ­ມານ 155 ຕື້​ກີບ ໃນ​ນີ້ ທຶນ​ສົມ­ທົບ​ຂອງ​ລັດ­ຖະ­ບານ 1.385.000 ໂດ​ລາ​ສະ­ຫະ­ລັດ ຫຼື ປະ­ມານ 12 ຕື້​ກີບ ທຶນ​ກູ້​ຢືມ​ຈາກ​ທະ­ນາ­ຄານ​ໂລກ 10.045.000 ໂດ​ລາ​ສະ­ຫະ­ລັດ ຫຼື ປະ­ມານ 87 ຕື້​ກີບ ທຶນ​ຊ່ວຍ­ເຫຼືອ​ລ້າ​ຈາກ​ອົງ­ການ​ພັດ­ທະ­ນາ ແລະ ຮ່ວມ​ມື​ປະ­ເທດ​ສະ​ວິດ 6.003.916 ໂດ​ລາ​ສະ­ຫະ­ລັດ ຫຼື ປະ­ມານ 52 ຕຶ້​ກີບ ແລະ ທຶນ​ຈາກ​ໂຄງ­ການ​ແມ່­ນ້ຳ​ລ້ານ​ຊ້າງ-ແມ່­ນ້ຳ​ຂອງ 324.756 ໂດ​ລາ​ສະ­ຫະ­ລັດ ຫຼື ປະ ມານ 2 ຕື້​ກີບ ຈະ​ຈັດ​ຕັ້ງ​ປະ­ຕິ­ບັດ​ໂຄງ­ການ​ຍ່ອຍ 486 ໂຄງ­ການ ໃນ 450 ບ້ານ ເປັນ​ບ້ານ​ທຸກ​ທີ່​ສຸດ 381 ບ້ານ 251 ກຸ່ມ​ບ້ານ ຂອງ 43 ເມືອງ 10 ແຂວງ​ເປົ້າ​ໝາຍ ມີ​ຜູ້​ໄດ້​ຮັບ​ຜົນ​ປະ­ໂຫຍດ 234.289 ຄົນ ໂຄງ­ການ​ຕ່າງໆ ຕິດ​ພັນ​ກັບ​ຂົງ­ເຂດ​ກະ­ສິ­ກຳ ແລະ ປ່າ­ໄມ້ 35 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 5,9 ຕື້​ກວ່າ​ກີບ ຊຸມ​ຊົນ​ປະ ກອບ​ສ່ວນ 760 ລ້ານ​ກວ່າ​ກີບ ສຳ­ເລັດ​ແລ້ວ 26 ໂຄງ­ການ ຂົງ­ເຂດ​ການ​ສຶກ​ສາ 164 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 23 ຕື້​ກວ່າ​ກີບ ຊຸມ​ຊົນ​ປະ­ກອບ­ສ່ວນ 1,5 ຕື້​ກວ່າ​ກີບ ສຳ­ເລັດ​ແລ້ວ 108 ໂຄງ­ການ.

    ຂົງ­ເຂດ​ໂຍ­ທາ​ທິ​ການ ແລະ ຂົນ­ສົ່ງ 132 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 30 ຕື້​ກວ່າ​ກີບ ຊຸມ​ຊົນ​ປະ­ກອບ­ສ່ວນ 1,4 ຕື້​ກວ່າ​ກີບ ສຳ­ເລັດ​ແລ້ວ 111 ໂຄງ­ການ ຂົງ­ເຂດ​ສາ­ທາ­ລະ­ນະ​ສຸກ 11 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 1,4 ຕື້​ກວ່າ​ກີບ ຊຸມ​ຊົນ​ປະ­ກອບ­ສ່ວນ 161 ລ້ານ​ກວ່າ​ກີບ ສຳ­ເລັດ​ແລ້ວ 5 ໂຄງ­ການ ຂົງ­ເຂດ​ນ້ຳ​ສະ­ອາດ ແລະ ສຸ​ຂະ​ອາ­ນາ​ໄມ 136 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 17 ຕື້​ກວ່າ​ກີບ ຊຸມ​ຊົນ​ປະ ກອບ​ສ່ວນ 1,9 ຕື້​ກວ່າ​ກີບ ສຳ­ເລັດ​ແລ້ວ 106 ໂຄງ­ການ ຂົງ­ເຂດ​ພະ­ລັງ­ງານ ແລະ ບໍ່​ແຮ່ 8 ໂຄງ­ການ ໃນ​ນີ້ ທລຍ ສະ­ໜັບ­ສະ­ໜູນ 1,6 ຕື້​ກວ່າ​ກີບ ຊຸມ​ຊົນ​ປະ­ກອບ­ສ່ວນ 26 ລ້ານ​ກວ່າ​ກີບ ສຳ­ເລັດ​ແລ້ວ 5 ໂຄງ­ການ ສັງ ລວມ​ແລ້ວ​ການ​ສະ­ໜອງ​ພື້ນ­ຖານ​ໂຄງ​ລ່າງ ແລະ ສິ່ງ​ອຳ­ນວຍ​ຄວາມ​ສະ­ດວກ 6 ເດືອນ​ຜ່ານ​ມາ ສາ­ມາດ​ຈັດ​ຕັ້ງ​ປະ ຕິ​ບັດ​ໄດ້​ຕາມ​ຄາດ­ໝາຍ ໃນ​ນີ້ ສາ­ມາດ​ຈັດ​ຕັ້ງ​ສຳ­ເລັດ 361 ໂຄງ­ການ ເທົ່າ​ກັບ 74,2% ຄາດ​ວ່າ​ທ້າຍ​ປີ 2019 ຈະ​ໃຫ້​ສຳ­ເລັດ 100% ແລະ ຈະ​ເຮັດ​ໃຫ້​ປະ­ຊາ­ຊົນ 234.000 ກວ່າ​ຄົນ ໃນ 450 ບ້ານ ມີ​ຄວາມ​ສະ­ດວກ​ໃນ​ການ ດຳ­ລົງ​ຊີ­ວິດ ທຳ​ມາ​ຫາ​ກິນ ຂະ­ຫຍາຍ​ການ​ຜະ­ລິດ ສ້າງ​ລາຍ​ຮັບ ແລະ ອື່ນໆ.

ຂ່າວທີ່ກ່ຽວຂ້ອງ