ຂ່າວຫຼ້າສຸດ

ສະຫຼອງບຸນໄຫວ້ພະຈັນ “ອຸທິດຄວາມຮັກ ພາຍໃຕ້ດວງຈັນດຽວກັນ”

335 13 ກ.ຍ. 2019 ຂ່າວໜ້າ​ໜຶ່ງ
ສະຫຼອງບຸນໄຫວ້ພະຈັນ “ອຸທິດຄວາມຮັກ ພາຍໃຕ້ດວງຈັນດຽວກັນ”

    ໃນ​ວັນ​ທີ 11 ກັນ­ຍາ 2019 ທີ່​ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ ໄດ້​ມີ​ການ​ຈັດ​ກິດ­ຈະ­ກຳ​ມິດ­ຕະ­ພາບ ສະ­ເຫຼີມ­ສະ­ຫຼອງ​ບຸນ​ໄຫວ້​ພະ­ຈັນ ປະ­ຈຳ​ປີ 2019 ພາຍ​ໃຕ້​ຫົວ­ຂໍ້ “ອຸ­ທິດ​ຄວາມ​ຮັກ ພາຍ​ໃຕ້​ດວງ​ຈັນ​ດຽວ​ກັນ” ໂດຍ​ການ​ເຂົ້າ​ຮ່ວມ​ຂອງ​ທ່ານ​ນາງ ສົມ​ຈັນ ບຸນ​ພັນ​ມີ ຮອງ​ອະ­ທິ­ການ​ບໍ­ດີ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ທ່ານ ສິນ ເສິນ ທີ່​ປຶກ­ສາ​ສະ­ຖານ­ທູດ ສປ ຈີນ ປະ­ຈຳ​ລາວ ມີ ຄູ-ອາ­ຈານ ນັກ​ສຶກ​ສາ ພ້ອມ​ດ້ວຍ​ແຂກ​ຖືກ​ເຊີນ ລາວ-ຈີນ ເຂົ້າ​ຮ່ວມ.

    ງານ​ດັ່ງ­ກ່າວ ຈັດ​ໂດຍ​ວິ­ທະ­ຍຸ ແລະ ໂທລະ­ພາບ​ກວາງ­ຊີ ສປ ຈີນ ຮ່ວມ​ກັບ​ວິ­ທະ­ຍຸ​ແຫ່ງ​ຊາດ​ລາວ ວິ­ທະ­ຍຸ​ອ່າວ​ເປີຍ​ປູ້ ກວາງ­ຊີ ແລະ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ​ລາວ ພ້ອມ​ດ້ວຍ​ຫ້ອງ​ຮຽນ​ຂົງ​ຈື ຂອງ ວິ­ທະ­ຍຸ​ແຫ່ງ​ຊາດ​ລາວ ການ​ຈັດ​ກິດ­ຈະ­ກຳ​ມິດ­ຕະ­ພາບ ສະ­ເຫຼີມ­ສະ­ຫຼອງ​ບຸນ​ໄຫວ້​ພະ­ຈັນ ປະ­ຈຳ​ປີ 2019 ໃນ​ຄັ້ງ​ນີ້ ເພື່ອ​ເຕົ້າ­ໂຮມ​ຄວາມ​ສາ­ມັກ­ຄີ ແລະ ສ້າງ​ຄວາມ​ຮັກ­ແພງ​ກັນ ລະ­ຫວ່າງ​ປະ­ຊາ­ຊົນ​ສອງ​ຊາດ ລາວ-ຈີນ ໃຫ້​ມີ​ຄວາມ​ເລິກ­ເຊິ່ງ ແລະ ຜັນ​ຂະ­ຫຍາຍ ແນວ­ທາງ​ນະ­ໂຍ­ບາຍ​ຂອງ​ສອງ​ພັກ ສອງ​ລັດ ໃຫ້​ປາ­ກົດ​ຜົນ​ເປັນ​ຈິງ ໂດຍ​ການ​ຖື​ເອົາ​ງານ​ໃນ​ຄັ້ງ​ນີ້ ເປັນ​ເວ­ທີ​ເຜີຍ­ແຜ່​ວັດ­ທະ­ນະ­ທຳ ແລະ ຄວາມ​ຮູ້​ທາງ​ດ້ານ​ວິ­ຊາ​ການ (ໂດຍ​ສະ­ເພາະ ຄວາມ​ຮູ້​ທາງ​ດ້ານ​ເສດ­ຖະ­ກິດ​ຂອງ​ຈີນ) ໃຫ້​ຄູ-ອາ­ຈານ ນັກ​ສຶກ​ສາ ແລະ ປະ­ຊາ­ຊົນ​ສອງ​ຊາດ ໃຫ້​ມີ​ຄວາມ​ເຂົ້າ­ໃຈ​ເຊິ່ງ​ກັນ ແລະ ກັນ​ດີ​ຂື້ນ​ກວ່າ​ເກົ່າ ກິດ­ຈະ­ກຳ​ດັ່ງ­ກ່າວ​ໄດ້​ເພີ່ມ​ທະ­ວີ​ຄວາມ​ເຂົ້າ­ໃຈ ທີ່​ມີ​ຕໍ່​ບຸນ​ປະ­ເພ­ນີ​ທີ່​ເປັນ​ມູນ­ເຊື້ອ ແລະ ວັດ­ທະ­ນະ­ທຳ​ຂອງ​ປະ­ເທດ​ຈີນ ເພີ່ມ​ທະ­ວີ​ຄວາມ​ຮູ້​ທີ່​ມີ​ຕໍ່​ປະ­ເທດ​ຈີນ ທີ່​ສວຍ​ງາມ ແລະ ກວາງ­ຊີ​ທີ່​ສວຍ​ງາມ ເພີ່ມ​ທະ­ວີ​ສາຍ​ພົວ­ພັນ​ມິດ­ຕະ­ພາບ​ທີ່​ເປັນ​ມູນ­ເຊື້ອ​ລະ­ຫວ່າງ​ສອງ​ຊາດ ລາວ-ຈີນ.

ຂ່າວທີ່ກ່ຽວຂ້ອງ