ຂ່າວຫຼ້າສຸດ

CAITA 2019 ກຳນົດໄລຍະທາງ 5 ພັນກິໂລແມັດ ເສີມຂະຫຍາຍການເຊື່ອມໂຍງ ຈີນ-ອາຊຽນ

432 13 ກ.ຍ. 2019 ຂ່າວໜ້າ​ໜຶ່ງ
CAITA 2019 ກຳນົດໄລຍະທາງ 5 ພັນກິໂລແມັດ ເສີມຂະຫຍາຍການເຊື່ອມໂຍງ ຈີນ-ອາຊຽນ

    ຂະ​ບວນ​ລົດ​ທ່ອງ​ທ່ຽວ​ຈີນ-ອາ​ຊຽນ ແລະ ຂະ​ບວນ​ລົດ​ນັກ​ຂ່າວ ຈີນ-ອາ​ຊຽນ ປີ 2019 (CAITA 2019) ໄດ້​ອອກ​ເດີນ­ທາງ​ເປັນ​ທາງ​ການ​ໃນ​ວັນ​ທີ 11 ກັນ­ຍາ 2019 ເຊິ່ງ​ປີ​ນີ້​ໄດ້​ກຳ­ນົດ​ໄລ­ຍະ​ທາງ 5.000 ກິ­ໂລ­ແມັດ ຜ່ານ ຈີນ ຫວຽດ­ນາມ ລາວ ມາ​ເລ​ເຊຍ ແລະ ສິງ­ກະ­ໂປ ເຊິ່ງ​ງານ​ດັ່ງ­ກ່າວ​ແມ່ນ​ປະ­ກອບ­ສ່ວນ​ໃນ​ການ​ເສີມ​ສ້າງ​ສາຍ​ພົວ­ພັນ ຈີນ-ອາ​ຊຽນ.

    ທ່ານ ເຊີ ສຽງ (Xie qiang) ຮອງ​ຫົວ­ໜ້າ​ຄະ­ນະ​ກຳ­ມະ­ການ​ກີ­ລາ​ແຂ່ງ​ລົດ​ແຂວງ​ກວາງ­ຊີ ສປ ຈີນ ກ່າວ​ໃນ​ພິ­ທີ​ເປີດ​ງານ​ຄັ້ງ​ນີ້​ວ່າ: ນະ­ໂຍ­ບາຍ​ຂອງ​ປະ­ທານ ສີ ຈິນ ຜິງ ໜຶ່ງ​ແລວ ໜຶ່ງ​ເສັ້ນ­ທາງ ເຮັດ​ໃຫ້​ດ້ານ​ຕ່າງໆ​ໄດ້​ຮັບ​ການ​ພັດ­ທະ­ນາ​ເພື່ອ​ໃຫ້​ສອດ­ຄ່ອງ​ກັບ​ການ​ຜັນ​ຂະ­ຫຍາຍ​ນະ­ໂຍ­ບາຍ​ດັ່ງ­ກ່າວ ນັ້ນ​ກໍ​ຄື​ພື້ນ­ຖານ​ໂຄງ​ລ່າງ ເສັ້ນ­ທາງ​ຄົມ­ມະ­ນາ­ຄົມ ໃນ​ນະ­ຄອນ​ໜານ​ໜິງ ກໍ​ຄື ແຂວງ​ກວາງ­ຊີ ເພື່ອ​ເປີດ​ກວ້າງ​ສູ່​ໂລກ​ພາຍ​ນອກ ເຊິ່ງ​ລວມ​ໄປ​ເຖິງ​ການ​ເສີມ​ຂະ­ຫຍາຍ​ການ​ຮ່ວມ​ມື​ລະ­ຫວ່າງ ຈີນ-ອາ​ຊຽນ ດັ່ງ­ນັ້ນ ການ​ຈັດ​ງານ CAITA ຈຶ່ງ​ມີ​ຄວາມ​ສຳ­ຄັນ​ໃນ​ການ​ພັດ­ທະ­ນາ​ເຂດ​ເສດ­ຖະ­ກິດ ກໍ​ຄື ແລວ​ທາງ​ເສດ­ຖະ­ກິດ​ໃໝ່​ນັ້ນ​ເອງ.

    ພິ­ທີ​ປ່ອຍ​ຂະ​ບວນ​ລົດ​ດັ່ງ­ກ່າວ​ຈັດ​ຂຶ້ນ​ທີ່ ນະ­ຄອນ​ໜານ​ໜິງ ໂດຍ​ມີ ທ່ານ ຢາງ ກວາງ ອີ (Yang Guangy) ຮອງ​ຫົວ­ໜ້າ​ຄະ­ນະ​ກຳ­ມະ­ການ​ກີ­ລາ​ແຂ່ງ​ລົດ­ຍົນ-ລົດ­ຈັກ ຂັ້ນ​ສູນ​ກາງ ທັງ​ເປັນ​ປະ­ທານ​ຄະ­ນະ​ກຳ­ມະ­ການ​ຈັດ​ງານ​ຄາ​ຣາ​ວານ  ພ້ອມ​ນັ້ນ ຍັງ​ມີ​ຕາງ­ໜ້າ​ຈາກ​ກົງ​ສູນ​ລາວ ຫວຽດ­ນາມ ມຽນ​ມາ ແລະ ໄທ ພ້ອມ​ດ້ວຍ​ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ຂ່າວທີ່ກ່ຽວຂ້ອງ