ປະທານາທິບໍດີ ທຣຳ ອະນຸຍາດ​ໃຫ້​ເປີດ​​ໃຊ້​ສາງ​ສະ​ສົມ​ນ້ຳມັນ​ຍຸດ​ທະ​ສາດ

158 17 ກ.ຍ. 2019 ຂ່າວຕ່າງປະເທດ
ປະທານາທິບໍດີ ທຣຳ ອະນຸຍາດ​ໃຫ້​ເປີດ​​ໃຊ້​ສາງ​ສະ​ສົມ​ນ້ຳມັນ​ຍຸດ​ທະ​ສາດ

     ປະທານາທິບໍດີ ໂດ​ນາ​​ລ ທຣຳ ຜູ້ນຳ ສ ອາ​ເມ​ຣິ​ກາ ແຈ້ງ​ໃຫ້​ຮູ້ເມື່ອ​ວັນ​ທີ 15 ກັນຍາ​ນີ້ ວ່າ​ທ່ານ​ໄດ້​ອະນຸຍາດ​ໃຫ້​ເປີດ​ໃຊ້​ສາງ​ສະ​ສົມ​ນ້ຳມັນ​ຍຸດ​ທະ​ສາດ​ຂອງ ສ ອາ​ເມ​ຣິ​ກາ ຫຼັງ​ຈາກ​ທີ່​ເກີດ​ເຫດການ​ໂຈມ​ຕີ ທີ່​ແນໃສ່​ໂຮງງານ​ກັ່ນ​ນ້ຳມັນ​ສອງ​ແຫ່ງ​ຢູ່​ໃນ ອາ​ຣາ​ບີ ຊາ​ອຸ​ດິດ ກ່ອນ​ໜ້າ​ນັ້ນ 1 ວັນ ເຮັດ​ໃຫ້​ປະລິມານ​ການ​ຜະລິດ​ນ້ຳມັນ​ຂອງ​ອາ​ຣາ​ບີ ຊາ​ອຸ​ດິດ ຫຼຸດ​ລົງ​ຍັງ​ເຫຼືອ​ເຄິ່ງ​ໜຶ່ງ.

   ປະທານາທິບໍດີ ທຣຳ ກໍ​ເວົ້າ​ວ່າ ໄດ້​ແຈ້ງ​ໄປ​ຍັງ​ທຸກໆ​ອົງການ​ທີ່​ກ່ຽວຂ້ອງ ເພື່ອ​ຊຸກຍູ້​ການ​ຮັບຮອງ​ບັນດາ​ໂຄງການ​ກໍ່ສ້າງ​ທໍ່​ສົ່ງ​ນ້ຳມັນ ຊຶ່ງ​ປັດຈຸບັນ​ພວມ​ຢູ່​ລະຫວ່າງ​ການ​ກວດ​ຮັບຮອງ ຢູ່​ໃນ ເທັກ​​ຊັສ ແລະ ແຫ່ງ​ອື່ນໆ ໃນ​ທົ່ວ ສ ອາ​ເມ​ຣິ​ກາ.

ຂ່າວທີ່ກ່ຽວຂ້ອງ