ກູ​ບາ​ສືບ​ຕໍ່ຕ້ານ​ຢັນ​ກັບ​ຄຳ​ສັ່ງ​ປິດ​ລ້ອມ​ດ້ານ​ການ​ຄ້າ​ຂອງ ສ ອາ​ເມ​ຣິ​ກາ

177 18 ກ.ຍ. 2019 ຂ່າວຕ່າງປະເທດ
ກູ​ບາ​ສືບ​ຕໍ່ຕ້ານ​ຢັນ​ກັບ​ຄຳ​ສັ່ງ​ປິດ​ລ້ອມ​ດ້ານ​ການ​ຄ້າ​ຂອງ ສ ອາ​ເມ​ຣິ​ກາ

    ເມື່ອ​ບໍ່​ດົນ​ມາ​ນີ້ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ໄດ້​ລົງ​ນາມ​ດຳລັດ​ປະຕິບັດ​ກົດໝາຍ​ສະບັບ​ໜຶ່ງ ວ່າ​ດ້ວຍ​ການ​ແກ່ຍາວ​ຄຳ​ສັ່ງ​ປິດ​ລ້ອມ​ດ້ານ​ການ​ຄ້າ​ຕໍ່​ກູ​ບາ ໄປ​ຕື່ມ​ອີກ 1 ປີ ເຮັດ​ໃຫ້​ພື້ນຖານ​ເສດຖະກິດ​ກູ​ບາ ທີ່​ປະສົບ​ກັບ​ຄວາມ​ຫຍຸ້ງຍາກ​ຢູ່​ແລ້ວ​ນັ້ນ ສືບຕໍ່​ພົບ​ກັບ​ຮົ້ວ​ກີດ​ກັນ​ໃໝ່.

    ສ ອາ​ເມ​ຣິ​ກາ ປະຕິບັດ​ຄຳ​ສັ່ງ​ປິດ​ລ້ອມ​ທາງ​ດ້ານ​ການ​ຄ້າ​ຕໍ່​ກູ​ບາ ມາ​ຕັ້ງແຕ່​ປີ 1962. ມາ​ໃນ​ປີ 2015 ປະທານາທິບໍດີ ສ ອາ​ເມ​ຣິ​ກາ ໃນ​ເວລາ​ນັ້ນ​ແມ່ນ​ທ່ານ ບາ​ຣັກ ໂອ​ບາ​ມາ ໄດ້​ປະກາດ​ຟື້ນ​ຟູ​ການ​ພົວພັນ​ທາງ​ດ້ານ​ການ​ທູດ​ກັບ​ກູ​ບາ ແລະ ເປີດ​ສະຖານທູດ​ຄືນໃໝ່​ຢູ່​ໃນ​ທັງ​ສອງ​ປະເທດ. ອຳນາດ​ການ​ປົກຄອງ ສ ອາ​ເມ​ຣິ​ກາ ພາຍ​ໃຕ້​ການ​ນຳພາ​ຂອງ​ທ່ານ ໂອ​ບາ​ມາ ຍັງ​ໄດ້​ໂຍະຍານ​ການ​ປິດ​ລ້ອມ​ທາງ​ດ້ານ​ການ​ຄ້າ ແລະ ຍົກເລີກ​ການ​ຈຳກັດ​ບາງ​ລາຍການ​ທາງ​ດ້ານ​ການທ່ອງທ່ຽວ ການ​ໂອນ​ເງິນ ແລະ ຂໍ້​ກຳນົດ​ກ່ຽວ​ກັບ​ດ່ານ​ພາສີ​ຕໍ່​ກູ​ບາ.

    ເຖິງ​ຢ່າງໃດ​ກໍ​ຕາມ ຫຼັງ​ຈາກ​ທີ່​ຂຶ້ນ​ກຳ​ອຳນາດ ປະທານາທິບໍດີ​ທຣຳ ກໍ​ໄດ້​ແຈ້ງ​ອອກ​ມາ​ທັນທີ​ວ່າ ອຳນາດ​ການ​ປົກຄອງ​ຂອງ​ຕົນ ຈະ​ພິຈາລະນາ​ຄືນໃໝ່ ຕໍ່​ນະໂຍບາຍ​ຂອງ​ອຳນາດ​ການ​ປົກຄອງ​ຊຸດ​ກ່ອນ ກ່ຽວ​ກັບ​ບັນຫາ​ກູ​ບາ.

ຂ່າວທີ່ກ່ຽວຂ້ອງ