ຂ່າວຫຼ້າສຸດ

3 ປະ​ເທດ​ໃນ​ເອີ​ຣົບ ຈະ​ຈ່າຍ​ເງິນ​ໃຫ້​ແກ່​ກົນ​ໄກ INSTEX

272 18 ກ.ຍ. 2019 ຂ່າວຕ່າງປະເທດ
3 ປະ​ເທດ​ໃນ​ເອີ​ຣົບ ຈະ​ຈ່າຍ​ເງິນ​ໃຫ້​ແກ່​ກົນ​ໄກ INSTEX

    ສຳນັກ​ຂ່າວສານ Tasnim ຂອງ​ອີ​ຣານ ລາຍ​ງານ​ໂດຍ​ອ້າງ​ຕາມ​ຄຳ​ເວົ້າ​ຂອງ​ທ່ານ ມອດ​ຕາ​ດາ ຊອນ​ນູ ປະທານ​ຄະນະ​ກຳມະການ​ດ້ານ​ນະໂຍບາຍ​ພົວພັນ​ກັບ​ຕ່າງປະເທດ ແລະ ຄວາມ​ໝັ້ນຄົງ​ແຫ່ງ​ຊາດ ທີ່​ຂຶ້ນ​ກັບ​ສະພາ​ແຫ່ງ​ຊາດ​ອີ​ຣານ ແຈ້ງ​ໃຫ້​ຮູ້ເມື່ອ​ວັນ​ທີ 15 ກັນຍາ​ນີ້​ວ່າ ຝ່າຍ​ຕ່າງໆ​ຂອງ​ເອີ​ຣົບ ທີ່​ປະກອບ​ມີ 3 ປະເທດ ໄດ້ແກ່ ອັງກິດ ຝຣັ່ງ ແລະ ເຢຍ​ລະ​ມັນ ຊຶ່ງ​ເຂົ້າ​ຮ່ວມ​ລົງ​ນາມ​ຂໍ້​ຕົກລົງ​ນີວ​ເຄລຍ​ອີ​ຣານ ເມື່ອ​ປີ 2015 ມີ​ແຜນການ​ຈ່າຍ​ເງິນ  15 ຕື້​ໂດ​ລາ​ສະຫະລັດ ເພື່ອ​ຊ່ວຍເຫຼືອ​ການ​ເງິນ​ໃຫ້​ແກ່​ເຄື່ອງມື​ຊ່ວຍເຫຼືອ​ແລກປ່ຽນ​ການ​ຄ້າ (INSTEX) ກັບ​ອີ​ຣານ ເພື່ອ​ຊ່ວຍເຫຼືອ​ອີ​ຣານ ຫຼີກເວັ້ນ​ມາດ​ຕະການ​ປິດ​ລ້ອມ​ຂອງ ສ ອາ​ເມ​ຣິ​ກາ.

    ທ່ານ ຊອນ​ນູ ເວົ້າ​ວ່າ ອີ​ຣານ ໄດ້​ດຳເນີນ​ການ​ແລກປ່ຽນ​ຄວາມ​ເຫັນ​ກັບ​ສາມ​ປະເທດ​ດັ່ງກ່າວ​ເມື່ອ​ບໍ່​ດົນ​ມາ​ນີ້ ຊຶ່ງ​ປະເທດ​ເຫຼົ່ານັ້ນ​ໄດ້​ເຫັນ​ດີ​ເປັນ​ເອກະສັນ​ກັນ​ຊ່ວຍເຫຼືອ​ການ​ເງິນ 15 ຕື້​ໂດ​ລາ​ສະຫະລັດ ໃຫ້​ແກ່​ກົນ​ໄກ INSTEX. ເງິນ​ຈຳນວນ​ນີ້ ຈະ​ໄດ້​ປະຕິບັດ​ເປັນ 3 ງວດ ແຕ່​ລະ​ງວດ​ອະນຸມັດ 5 ຕື້ ໂດ​ລາ​ສະຫະລັດ. ພ້ອມ​ກັນ​ນັ້ນ ບັນດາ​ບັນຫາ​ທາງ​ດ້ານ​ເສດຖະກິດ ທີ່​ພົວພັນ​ເຖິງ​ການ​ຂາຍ​ນ້ຳມັນ​ຂອງ​ອີ​ຣານ ກໍ​ຈະ​ໄດ້​ຮັບ​ການ​ແກ້​ໄຂ.

ຂ່າວທີ່ກ່ຽວຂ້ອງ