ຂ່າວຫຼ້າສຸດ

CLMTV ຫາລືບັນຫາ ປົກປ້ອງສົ່ງເສີມຜົນປະໂຫຍດແຮງງານເຄື່ອນຍ້າຍ

282 19 ກ.ຍ. 2019 ຂ່າວໜ້າ​ໜຶ່ງ
CLMTV ຫາລືບັນຫາ ປົກປ້ອງສົ່ງເສີມຜົນປະໂຫຍດແຮງງານເຄື່ອນຍ້າຍ

    ກອງ​ປະ­ຊຸມ​ລັດ­ຖະ­ມົນ­ຕີ​ແຮງ​ງານ​ຂອງ​ປະ­ເທດ​ລຸ່ມ​ແມ່­ນ້ຳ​ຂອງ (CLMTV) ຄັ້ງ​ທີ III ຈັດ​ຂຶ້ນ​ວັນ​ທີ 17 ກັນ­ຍາ 2019 ຢູ່​ຊຽມ​ລຽບ ລາ­ຊະ​ອາ­ນາ­ຈັກ​ກຳ­ປູ­ເຈຍ ໂດຍ​ໄດ້​ຫາ­ລື​ບັນ­ຫາ​ການ​ປົກ​ປ້ອງ ແລະ ສົ່ງ­ເສີມ​ສິດ­ຜົນ­ປະ­ໂຫຍດ​ຂອງ​ແຮງ​ງານ​ເຄື່ອນ​ຍ້າຍ​ໃນ​ດ້ານ​ຂອງ​ການ​ປະ­ກັນ​ສັງ­ຄົມ ເຊິ່ງ​ເປັນ​ບັນ­ຫາ​ທີ່​ໂລກ ແລະ ພາກ​ພື້ນ​ອາ​ຊຽນ ໃຫ້​ຄວາມ​ເອົາ­ໃຈ­ໃສ່​ໃນ​ການ​ສ້າງ ແລະ ປະ­ຕິ­ບັດ​ກົນ​ໄກ​ການ​ຮ່ວມ​ມື​ໃຫ້​ປາ­ກົດ​ຜົນ​ເປັນ​ຈິງ ແລະ ມີ​ຜົນ­ສຳ­ເລັດ​ໃນ​ການ​ປະ­ຕິ­ບັດ​ຕົວ​ຈິງ.

    ທ່ານ ຄຳ​ແພງ ໄຊ​ສົມ​ແພງ ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ກ່າວ​ໃນ​ກອງ​ປະ­ຊຸມ​ດັ່ງ­ກ່າວ ວ່າ: ສປປ ລາວ ມີ​ຈຳ­ນວນ​ແຮງ​ງານ​ເຄື່ອນ​ຍ້າຍ ພາຍ​ໃນ ແລະ ຕ່າງ­ປະ­ເທດ​ນັບ​ມື້​ເພີ່ມ​ຂຶ້ນ ບັນ­ຫາ​ຕ່າງໆ​ທີ່​ເປັນ​ສິ່ງ​ທ້າ​ທາຍ​ກ່ຽວ​ກັບ​ຄວາມ​ບໍ່​ປອດ​ໄພ​ຂອງ​ແຮງ​ງານ​ເຫຼົ່າ​ນີ້​ປາ­ກົດ​ຫຼາຍ​ຂຶ້ນ ລວມ​ທັງ​ການ​ປະ­ກັນ​ສັງ­ຄົມ​ຂອງ​ພວກ​ເຂົາ ເຊິ່ງ​ລັດ­ຖະ­ບານ​ໄດ້​ເອົາ­ໃຈ­ໃສ່​ໃນ​ການ​ສ້າງ​ນິ­ຕິ​ກຳ ກົນ​ໄກ​ດ້ານ​ປະ­ກັນ​ສັງ­ຄົມ​ເພື່ອ​ຮອງ​ຮັບ ແຕ່​ກໍ​ຍັງ​ເປັນ​ການ​ນຳ​ໃຊ້​ຢູ່​ພາຍ​ໃນ​ປະ­ເທດ​ເປັນ​ສ່ວນ​ໃຫຍ່ ຍັງ​ບໍ່​ສາ ມາດ​ກວມ​ເອົາ​ແຮງ​ງານ​ລາວ​ທີ່​ເຮັດ​ວຽກ​ຢູ່​ຕ່າງ­ປະ­ເທດ​ໄດ້​ເທົ່າ​ທີ່​ຄວນ.

    ຫົວ­ຂໍ້​ທີ່​ຕັ້ງ​ຂຶ້ນ​ມາ​ໃນ​ກອງ​ປະ­ຊຸມ​ຄັ້ງ​ນີ້ ມີ​ຄວາມ​ສຳ­ຄັນ​ຫຼາຍ ເຊິ່ງ​ຈະ​ເຮັດ​ໃຫ້ CLMTV ໄດ້​ປຶກ­ສາ​ຫາ­ລື​ກັນ ເພື່ອ​ກ້າວ​ໄປ​ສູ່​ການ​ສ້າງ​ກົນ​ໄກ​ທີ່​ມີ​ປະ​ສິດ­ທິ​ຜົນ ໃນ​ການ​ປົກ​ປ້ອງ​ສິດ­ຜົນ­ປະ­ໂຫຍດ​ຂອງ​ແຮງ​ງານ​ທີ່​ເຄື່ອນ​ຍ້າຍ​ໄປ-ມາ ເພື່ອ​ການ​ມີ​ວຽກ​ເຮັດ​ງານ​ທຳ ແລະ ພ້ອມ​ກັນ​ບັນ­ລຸ​ການ​ແກ້​ໄຂ​ບັນ­ຫາ​ຕ່າງໆ ດ້ານ​ແຮງ​ງານ ລວມ​ທັງ​ບັນ­ຫາ​ການ​ເຄື່ອນ​ຍ້າຍ​ແຮງ​ງານ​ໃຫ້​ໄດ້​ຮັບ​ການ​ປົກ​ປ້ອງ​ດ້ານ​ສະ­ຫວັດ­ດີ​ການ ແຮງ​ງານ ນັບ​ມື້​ດີ​ຂຶ້ນ.

    ກອງ​ປະ­ຊຸມ​ລັດ­ຖະ­ມົນ­ຕີ​ແຮງ​ງານ​ຂອງ​ປະ­ເທດ​ລຸ່ມ​ແມ່­ນ້ຳ​ຂອງ ຄັ້ງ​ທີ IV ຈະ​ຈັດ​ຂຶ້ນ​ປີ 2021 ໂດຍ ສປປ ລາວ ເປັນ​ເຈົ້າ­ພາບ.

ຂ່າວທີ່ກ່ຽວຂ້ອງ