ຂ່າວຫຼ້າສຸດ

EU ​ເປີດ​ບັ້ນ​ເຮັດ​ຄວາມ​ສະອາດ​ຕາມ​ຫາດ​ຊາຍ​ແຄມ​ຝັ່ງ​ທະ​ເລ​ໃນ​ທົ່ວ​ໂລກ

92 23 ກ.ຍ. 2019 ຂ່າວຕ່າງປະເທດ
EU ​ເປີດ​ບັ້ນ​ເຮັດ​ຄວາມ​ສະອາດ​ຕາມ​ຫາດ​ຊາຍ​ແຄມ​ຝັ່ງ​ທະ​ເລ​ໃນ​ທົ່ວ​ໂລກ

   ຕາມ​ຂ່າວ​ຈາກ​ບຣຸກ​ແຊນ ເມື່ອ​ວັນ​ທີ 19 ກັນຍາ​ທີ່​ຜ່ານ​ມາ ຄະນະ​ກຳມະການ​ເອີ​ຣົບ (EC) ໄດ້​ເປີດ​ບັ້ນ “ເຮັດ​ຄວາມ​ສະອາດ​ຕາມ​ຫາດ​ຊາຍ​ແຄມ​ຝັ່ງ​ທະເລ” (#EUBeachCleanUp) ໃນ​ທົ່ວ​ໂລກ. ໃນ​ຂອບ​ຂອງ​ບັ້ນ #EUBeachCleanUp ນັ້ນ ຢູ່​ຕາມ​ຊາຍ​ຫາດ​ທະເລ​ທຸກໆ​ແຫ່ງ​ຂອງ​ເອີ​ຣົບ ແລະ  ໃນ​ປະເທດ​ອື່ນໆ​ທົ່ວ​ໂລກ ບັນດາ​ພະນັກງານ​ຂອງ​ສະຫະພາບ​ເອີ​ຣົບ (EU) ຈະ​ໄດ້​ສົມທົບ​ກັບ​ຊຸມ​ຊົນ​ໃນ​ທ້ອງຖິ່ນ ເພື່ອ​ເກັບ​ເອົາ​ຂີ້​ເຫຍື້ອ​ທີ່​ຖ່າຍ​ເທ​ສູ່​ທະເລ.

   ບັ້ນ​​ຮົບ #EUBeachCleanUp ໃນ​ປີ​ນີ້ ຈະ​ດຳເນີນ​ໄປ​ຮອດ​ທ້າຍ​ເດືອນ​ຕຸລາ ແລະ  ຈຸດ​ສຸດ​ຍອດ​ຈະ​ແມ່ນ​ວັນ​ສາກົນ​ເຮັດ​ຄວາມ​ສະອາດ​ຕາມ​ຫາດ​ຊາຍ​ແຄມ​ຝັ່ງ​ທະເລ ໃນ​ວັນ​ທີ 21 ກັນຍາ​ນີ້ ດ້ວຍ​ການເຄື່ອນໄຫວ​ຕ່າງໆ ດຳເນີນ​ຢູ່​ໃນ​ກວ່າ 80 ປະເທດ​ໃນ​ໂລກ.

    ຕາມ​ການ​ຢັ້ງຢືນ​ແລ້ວ ເຫັນ​ວ່າ ໃນ​ແຕ່​ລະ​ປີ ມີ​ຂີ້​ເຫຍື້ອ 8 ລ້ານ​ໂຕນ ຖືກ​ເທ​ລົງ​ໄປ​ໃນ​ທະເລ. EU ໄດ້​ຮັບຮອງ​ຍຸດ​ທະ​ສາດ​ສະບັບ​ໜຶ່ງ ກ່ຽວ​ກັບ​ວັດ​ສະ​ດຸ​ຢາງ ຢູ່​ໃນ​ພື້ນຖານ​ເສດຖະກິດ​ທົ່ວ​ໂລກ ພ້ອມ​ກັນ​ນັ້ນ​ກໍ​ນຳ​ເອົາ​ລະບຽບ​ກົດໝາຍ​ອອກ​ມາ ເພື່ອ​ຫຼຸດຜ່ອນ​ການ​ຜະລິດ ແລະ  ການ​ບໍລິໂພກ​ສິນຄ້າ 10 ລາຍການ ທີ່​ເປັນ​ປະເພດ​ຢາງ​ໃຊ້​ເທື່ອ​ດຽວ​ແລ້ວ​ຖິ້ມ​ໄປ ຊຶ່ງ​ຄົນ​ທັງຫຼາຍ​ມັກ​ເຫັນ​ຢູ່​ໃນ​ຂີ້​ເຫ​ຍື້​ທີ່​ເທ​ອອກ​ສູ່​ທະເລ.

ຂ່າວທີ່ກ່ຽວຂ້ອງ