ຂ່າວຫຼ້າສຸດ

ຄວາມ​ເຕີບ​ໂຕ​ຂອງ​ເສດຖະກິດ​ໂລກ ລົງ​ສູ່​ລະດັບ​ຕ່ຳ​ສຸດ​ໃນ​ຮອບ 1 ທົດ​ສະ​ວັດ

104 23 ກ.ຍ. 2019 ຂ່າວຕ່າງປະເທດ
ຄວາມ​ເຕີບ​ໂຕ​ຂອງ​ເສດຖະກິດ​ໂລກ ລົງ​ສູ່​ລະດັບ​ຕ່ຳ​ສຸດ​ໃນ​ຮອບ 1 ທົດ​ສະ​ວັດ

   ເມື່ອ​ວັນ​ທີ 19 ກັນຍາ​ທີ່​ຜ່ານ​ມາ ອົງການ​ຮ່ວມ​ມື ແລະ ພັດທະນາ​ເສດຖະກິດ (OECD) ໄດ້​ຕີ​ລາຄາ​ວ່າ ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ ລະຫວ່າງ ສ ອາ​ເມ​ຣິ​ກາ ກັບ​ຈີນ ພວມ​ເຮັດ​ໃຫ້​ຄວາມ​ເຕີບ​ໂຕ​ຂອງ​ເສດຖະກິດ​ທົ່ວ​ໂລກ ຫຼຸດ​ລົງ​ສູ່​ລະດັບ​ຕ່ຳ​ສຸດ ໃນ​ຮອບ​ໜຶ່ງ​ທົດ​ສະ​ວັດ​ທີ່​ຜ່ານ​ມາ.

    OECD ໄດ້​ປັບ​ຫຼຸດ​ການ​ຄາດ​ຄະເນ​ຄວາມ​ເຕີບ​ໂຕ​ຂອງ​ເສດຖະກິດ​ທົ່ວ​ໂລກ ໃນ​ປີ 2019 ຈາກ 3,2% ລົງ​ໄປ​ຍັງ​ເຫຼືອ 2,9%; ແລະ ຄວາມ​ເຕີບ​ໂຕ​ເສດຖະກິດ​ທົ່ວ​ໂລກ ໃນ​ປີ 2020 ຫຼຸດ​ລົງ​ຈາກ 3,4% ໄປ​ຍັງ​ເຫຼືອ​ທີ່ 3%. OECD ເຫັນ​ວ່າ ທີ່​ກ່າວ​ມາ​ນັ້ນ ຕ່າງ​ກໍ​ເປັນ​ລະດັບ​ຄວາມ​ເຕີບ​ໂຕ​ຕ່ຳ​ສຸດ ນັບ​ແຕ່​ເກີດ​ວິ​ກິດ​ການ​ການ​ເງິນ​ເມື່ອ​ປີ 2008-2009 ເປັນຕົ້ນ​ມາ ແລະ ຄວາມ​ສ່ຽງ​ເປັນ​ຄື​ແນວ​ນັ້ນ ຍັງ​ຈະ​ເພີ່ມ​ຂຶ້ນ​ອີກ.

     OECD, ໃຫ້​ຮູ້​ວ່າ ຄວາມ​ເຄັ່ງ​ຕຶງ​ທາງ​ດ້ານ​ການ​ຄ້າ​ເພີ່ມ​ຂຶ້ນ ພວມ​ເຮັດ​ໃຫ້​ຄວາມ​ເຊື່ອ​ໝັ້ນ ແລະ ການ​ລົງທຶນ​ອ່ອນແອ​ລົງ ນຳໄປ​ສູ່​ຄວາມ​ສ່ຽງ​ດ້ານ​ນະໂຍບາຍ ເປັນ​ຜົນ​ກະທົບ​ຕໍ່​ຈິດຕະສາດ​ໃນ​ຕະຫຼາດ​ການ​ເງິນ ເຮັດ​ໃຫ້​ເກີດ​ຄວາມ​ອັນຕະລາຍ ໃຫ້​ແກ່​ຄວາມ​ຫວັງ​ຄວາມ​ເຕີບ​ໂຕ​ໃນ​ອະນາຄົດ.

ຂ່າວທີ່ກ່ຽວຂ້ອງ