ອານຸວັດ ຊະນະຄະແນນ ມວຍຄູ່ເອກ ກໍກຽດແກນຈໍາປາ

524 24 ກ.ຍ. 2019 ວົງຈອນກີລາ
ອານຸວັດ ຊະນະຄະແນນ ມວຍຄູ່ເອກ ກໍກຽດແກນຈໍາປາ

   ການ​ແຂ່ງ­ຂັນ​ຊົກ­ມວຍ ລາຍ­ການ ນະ­ຄອນ­ຫຼວງ ກໍ​ກຽດ ແດນ​ຈຳ­ປາ ປະ­ຈຳ​ປີ 2019 ຊົກ​ກັນ 7 ຄູ່ ໃນ​ຄ່ຳ​ຄືນ​ວັນ​ເສົາ​ທີ 21 ກັນ­ຍາ 2019 ຢູ່​ສະ­ໜາມ​ກີ­ລາ​ໃນ​ຮົ່ມ​ບຶງ​ຂະ​ຫຍອງ ເມືອງ​ສີ​ສັດ­ຕະ​ນາກ ນະ­ຄອນ­ຫຼວງ​ວຽງ​ຈັນ ເພື່ອ​ເລືອກ­ເຟັ້ນ​ນັກ​ຊົກ​ຜູ້​ທີ່​ມີ​ພອນ​ສະ­ຫວັນ​ດີ­ເດັ່ນ ກ້າວ​ສູ່​ທີມ​ນະ­ຄອນ­ຫຼວງ​ວຽງ​ຈັນ ກຽມ​ເຂົ້າ​ຮ່ວມ​ລ່າ​ຫຼຽນ​ຄຳ ງານ​ມະ​ຫະ​ກຳ​ກີ­ລາ​ແຫ່ງ​ຊາດ ຄັ້ງ​ທີ XI ຫຼື ຊຽງ​ຂວາງ ເກມ ຕົ້ນ​ປີ 2020.

   ຄູ່​ເອກ​ຂອງ​ລາຍ­ການ ເປັນ​ການ​ພົບ​ກັນ​ລະ­ຫວ່າງ ອາ​ນຸ​ວັດ ສິດ​ຈານ​ເພັງ ແລະ ສົມ​ດີ ສໍ​ຈະ­ເລີນ​ສິງ ໃນ​ຮຸ່ນ​ນ້ຳ­ໜັກ 63 ກິ​ໂລ ເຊິ່ງ​ຊົກ​ເປັນ​ຄູ່​ທີ 4 ຜົນ​ປາ­ກົດ​ວ່າ: ທັງ​ຄູ່​ຕ່າງ​ມີ​ອາ­ວຸດ​ເດັດ ແລະ ການ​ປ້ອງ​ກັນ​ທີ່​ໂດດ​ເດັ່ນ ຈົນ​ເຮັດ​ໃຫ້​ກຳ­ມະ­ການ​ໜັກ​ໃຈ​ສົມ­ຄວນ ເພາະ​ຕ້ອງ​ດຳ­ເນີນ​ຈົນ​ເຖິງ​ຄົບ 5 ຍົກ ກ່ອນ​ທີ່​ກຳ­ມະ­ການ​ຈະ​ຍົກ​ມື​ໃຫ້ ອາ​ນຸ​ວັດ ສິດ​ຈານ​ເພງ ເອົາ​ຊະ­ນະ​ຄະ­ແນນ​ໄປ.

   ສ່ວນ​ຜົນ​ຄູ່​ອື່ນໆ​ມີ​ດັ່ງ­ນີ້: ຄູ່​ທີ 1 ບິດ​ແບຣ໊ງ ເພັດ​ນະ­ຄອນ ຊະ­ນະ​ນ໊ອກ ສອນ​ຫຼາມ ສໍ​ສິງ​ຄຳ ຮຸ່ນ 46 ກິ​ໂລ ຍົກ​ທີ 2 ຄູ່​ທີ 2 ຈົ່ງ​ຮັກ​ນ້ອຍ ເພັດ​ນະ­ຄອນ ຊະ­ນະ​ນ໊ອກ ອາ­ຍາ​ເຫຼັກ ປກສ ຮຸ່ນ 46 ກິ​ໂລ ຍົກ 3 ຄູ່​ທີ 3 ຮອງ​ຄູ່​ເອກ ເພັດ​ຊາຍ​ແດນ ສິດ​ຈານ​ເພັງ ເສຍ​ນ໊ອກ​ໃຫ້ ເພັດ​ສາ­ລະ​ວັນ ມົງ​ຄຸນ​ເພັດ ຮຸ່ນ 52 ກິ​ໂລ ຍົກ​ທີ 3 ຄູ່​ທີ 5 ແມັກ​ຈົວ ຂວັນ​ໃຈ​ສີ​ໂຄດ ຊະ­ນະ​ນ໊ອກ ເຢິນ​ນ້ອຍ ຄຳ​ເສັງ ຍົກ​ທີ 2 ໃນ​ຮຸ່ນ 75 ກິ​ໂລ ຄູ່​ທີ 6 ສິນ​ຫາ​ວ່າງ ສະ­ໂມ­ສອນ​ເຜົາ​ມົ້ງ ບ້ານ​ທ່າ​ດິນ​ແດງ ຊະ­ນະ​ນ໊ອກ ສາຍ​ຍັນ ບ້ານ​ດຸ້ງ ຮຸ່ນ 64 ກິ​ໂລ ຍົກ​ທີ 1 ແລະ ຄູ່​ສຸດ​ທ້າຍ ຈົງ​ຮັກ ຄຳ​ເສັງ ຊະ­ນະ​ນ໊ອກ ລາ­ຊາ​ສີ ສິດ​ຈານ​ແອ ຮຸ່ນ 46 ກິ​ໂລ ຍົກ​ທີ 3.

ຂ່າວທີ່ກ່ຽວຂ້ອງ