ຂ່າວຫຼ້າສຸດ

ສະ​ໜາມ​ບິນ​ສາ​ກົນ​ຕ້າ​ຊີ່ງ ສຳ​ເລັດ​ການ​ຕິດ​ຕັ້ງ​ອຸ​ປະ​ກອນ​ກ້າວ​ໜ້າ

95 24 ກ.ຍ. 2019 ຂ່າວຕ່າງປະເທດ
ສະ​ໜາມ​ບິນ​ສາ​ກົນ​ຕ້າ​ຊີ່ງ ສຳ​ເລັດ​ການ​ຕິດ​ຕັ້ງ​ອຸ​ປະ​ກອນ​ກ້າວ​ໜ້າ

    ຜ່ານ​ການ​ທົດ​ສອບ​ທຸກ​ຂັ້ນ​ຕອນ 5 ຮອບ​ແລ້ວ ລະບົບ​ກວດ​ຄົນ​ເຂົ້າ​ອອກ​ເມືອງ ທີ່​ສະໜາມ​ບິນ​ສາກົນ​ຕ້າ​ຊີ່ງ ປັກ​ກິ່ງ ໄດ້​ສຳເລັດ​ການ​ກວດກາ​ທາງ​ດ້ານ​ເຕັກນິກ ຕາມ​ມາດຕະຖານ​ການ​ວັດແທກ​ຕົວ​ເລກ​ດັດຊະນີ​ທຸກ​ປະການ ຢ່າງ​ເປັນ​ທາງ​ການ​ໃນ​ວັນ​ທີ 18 ກັນຍາ​ທີ່​ຜ່ານ​ມາ ແລະ ຄາດ​ວ່າ​ຈະ​ເລີ່ມ​ໃຫ້​ບໍລິການ​ໃນ​ອີກ​ບໍ່​ດົນ​ນີ້.

    ດ່ານ​ກວດ​ຄົນ​ເຂົ້າ​ອອກ​ເມືອງ​ແບບ​ອັດ​ສະ​ລິ​ຍະ ແລະ ອັດຕະໂນມັດ​ໃນ​ລະດັບ​ສູງ​ສຸດ​ພາຍ​ໃນ​ປະເທດ​ໃນ​ປັດຈຸບັນ ຈະ​ເຮັດ​ໃຫ້​ຜູ້ໂດຍສານ​ສາມາດ​ເຂົ້າ​ອອກ​ເມືອງ ແລະ ຜ່ານ​ດ່ານ​ຢ່າງ​ສະດວກ​ສະບາຍ​ແລະ ງ່າຍດາຍ​ກວ່າ​ເກົ່າ.
     ໃນ​ຂັ້ນ​ຕອນ​ເຂົ້າ​ເມືອງ ໄດ້​ຕິດ​ຕັ້ງ​ອຸປະກອນ​ກວດກາ​ພະຍາດ ແລະ ກັກ​ກັນ​ພືດ​ແບບ​ອັດ​ສະ​ລິ​ຍະ​ທີ່​ກ້າວໜ້າ​ທີ່​ສຸດ ຈຳນວນ 30 ກວ່າ​ເຄື່ອງ ໄດ້​ໃຊ້​ເຕັກ​ໂນ​ໂລ​ຊີ​ທາງ​ດ້ານ​ວິທະຍາສາດ​ທີ່​ກ້າວໜ້າ​ຫຼາຍ​ລາຍການ ເຊັ່ນ ການ​ສະ​ແກນ​ໃບ​ໜ້າ ແລະ ອື່ນໆ ພຽງ​ແຕ່​ໃຊ້​ເວລາ 3-4 ວິນາທີ ກໍ​ສາມາດ​ຜ່ານ​ດ່ານ​ໄດ້. ໃນ​ເວລາ​ຮັບ​ເອົາ​ກະເປົາ​ເດີນທາງ​ກໍ​ງ່າຍດາຍ ເນື່ອງ​ຈາກ​ຢູ່​ດ່ານ​ໃນ​ສະໜາມ​ບິນ​ນີ້ ໄດ້​ໃຊ້​ອຸປະກອນ​ກວດກາ CT ລຸ້ນ​ໃໝ່ ຖ້າ​ຢູ່​ໃນ​ກະເປົາ​ເດີນທາງ​ຂອງ​ຜູ້ໂດຍສານ​ບໍ່​ມີ​ສິ່ງ​ເກືອດ​ຫ້າມ ຫຼັງ​ຈາກ​ໄດ້​ຮັບ​ກະເປົາ​ເດີນທາງ​ແລ້ວ ຈະ​ສາມາດ​ຜ່ານ​ດ່ານ​ໄດ້​ເລີຍ​ແລະ ວ່ອງໄວ.

    ຫຼ້າ​ສຸດ ສະໜາມ​ບິນ​ດັ່ງກ່າວ​ໄດ້​ຮັບ​ການ​ເປີດ​ຕົວຢ່າງ​ເປັນ​ທາງ​ການ ເມື່ອ​ວັນ​ທີ 20 ກັນຍາ​ທີ່​ຜ່ານ​ມາ ໂດຍ​ທີ່​ຖ້ຽວ​ບິນ​ການ​ຄ້າ​ທຳ​ອິດ ເປັນ​ຂອງ​ບໍລິສັດ​ການບິນ China Southern ໄດ້​ນຳ​ໃຊ້​ເຮືອບິນ Airbus A380 ທີ່​ເປັນ​ເຮືອບິນ​ບັນທຸກ​ຜູ້ໂດຍສານ​ຂະໜາດ​ໃຫຍ່​ສຸດ​ໃນ​ໂລກ.

    ໂຄງການ​ກໍ່ສ້າງ​ສະໜາມ​ບິນ​ສາກົນ ຕ້າ​ຊິ່ງ ເປັນ​ໂຄງການ​ຂະໜາດ​ໃຫຍ່ ທີ່​ມີ​ການ​ລົງທຶນ 11,5 ຕື້ ໂດ​ລາ​ສະຫະລັດ. ໃນ​ໄລຍະ​ທຳ​ອິດ ສະໜາມ​ບິນ​ດັ່ງກ່າວ​ມີ 4 ຣັນ​ເວ ແລະ ຫໍຄອຍ 1 ຫຼັງ ທີ່​ມີ​ເນື້ອທີ່​ກວ້າງ​ເທົ່າ​ກັບ​ສະໜາມກິລາ​ບານເຕະ 97 ແຫ່ງ.

ຂ່າວທີ່ກ່ຽວຂ້ອງ