ເລຂາທິການ​ໃຫຍ່ ​ສປຊ ຮຽກຮ້ອງ​ໃຫ້​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ

113 24 ກ.ຍ. 2019 ຂ່າວຕ່າງປະເທດ
ເລຂາທິການ​ໃຫຍ່ ​ສປຊ ຮຽກຮ້ອງ​ໃຫ້​ຮັບ​ມື​ກັບ​ການ​ປ່ຽນແປງ​ຂອງ​ດິນ​ຟ້າ​ອາກາດ

    ວັນ​ທີ 20 ກັນຍາ​ນີ້ ຢູ່​ສຳນັກງານ​ໃຫຍ່​ອົງການ​ສະຫະ​ປະຊາ​ຊາດ (​ສປຊ) ໃນ​ນະຄອນ​ນີວ​ຢອກ (ສ ອາ​ເມ​ຣິ​ກາ) ທ່ານ ອັນໂຕ​ນີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່ ​ສປຊ ກ່າວ​ວ່າ ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ ໄດ້​ສ້າງ​ໄພ​ຄຸກ​ຄາມ​ຕໍ່​ສັນຕິພາບ​ຂອງ​ໂລກ ດັ່ງນັ້ນ ປະຊາ​ຄົມ​ໂລກ​ຄວນ​ນຳ​ໃຊ້​ການເຄື່ອນໄຫວ​ສຸກ​ເສີນ ເພື່ອ​ຮັບ​ມື​ກັບ​ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ.

   ໃນ​ພິທີ​ຕີ​ລະຄັງ​ສັນຕິພາບ ທີ່​ຈັດ​ເພື່ອ​ລະ​ລຶກ​ວັນ​ສັນຕິພາບ​ສາກົນ​ນັ້ນ ທ່ານ​ກູ​ເຕີ​ເຣ​​ສ ກ່າວ​ວ່າ ສັນຕິພາບ​ບໍ່​ພຽງ​ແຕ່​ໝາຍ​ຄວາມ​ວ່າ​ບໍ່​ມີ​ສົງຄາມ​ເທົ່າ​ນັ້ນ ຫາກ​ໝາຍ​ຄວາມ​ວ່າ​ເປັນ​ການ​ການ​ເຄົາລົບ​ນັບຖື ການ​ໃຫ້​ອະໄພ ການ​ຢູ່​ຮ່ວມ​ກັນ​ຢ່າງ​ກົມກຽວ​ລະຫວ່າງ​ຄົນ​ກັບ​ຄົນ ແລະ ລະຫວ່າງ​ຄົນ​ກັບ​ສິ່ງແວດລ້ອມ. ການ​ປ່ຽນແປງ​ຂອງ​ສະພາບ​ດິນ​ຟ້າ​ອາກາດ ພວມ​ຄຸກ​ຄາມ​ຕໍ່​ສັນຕິພາບ​ຂອງ​ໂລກ​ຢ່າງ​ໜັກໜ່ວງ ສະນັ້ນ ຫົວຂໍ້​ຫຼັກ​ຂອງ​ວັນ​ສັນຕິພາບ​ສາກົນ​ປີ​ນີ້ ຈຶ່ງ​ກຳນົດ​ເປັນ “ນຳ​ໃຊ້​ການເຄື່ອນໄຫວ​ດ້ານ​ດິນ​ຟ້າ​ອາກາດ​ເພື່ອ​ສັນຕິພາບ.”

   ທ່ານ​ກູ​ເຕີ​ເຣ​​ສ ຮຽກຮ້ອງ​ໄປ​ຍັງ​ຜູ້ນຳ​ປະເທດ​ຕ່າງໆ ໃຫ້​ນຳ​ເອົາ​ແຜນການ​ລະອຽດ​ທີ່​ກ້າຫານ​ອອກ​ມາ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ ການເຄື່ອນໄຫວ​ດ້ານ​ດິນ​ຟ້າ​ອາກາດ ທີ່​ຈະ​ຈັດ​ຂຶ້ນ​ຢູ່​ສຳນັກງານ​ໃຫຍ່ ​ສປຊ ໃນ​ນະຄອນ​ນິວ​ຢອກ ໃນ​ວັນ​ທີ 23 ກັນຍາ​ນີ້.

ຂ່າວທີ່ກ່ຽວຂ້ອງ