​ສປຊ ປະກາດ​ສ້າງຕັ້ງ​ຄະນະ​ກຳມະການ​ລັດ​ຖະ​ທຳ​ມະນູນ​ຊີ​ຣີ

101 26 ກ.ຍ. 2019 ຂ່າວຕ່າງປະເທດ
​ສປຊ ປະກາດ​ສ້າງຕັ້ງ​ຄະນະ​ກຳມະການ​ລັດ​ຖະ​ທຳ​ມະນູນ​ຊີ​ຣີ

    ຂ່າວສານ ຣອຍ​ເຕີ ລາຍ​ງານ​ວ່າ ວັນ​ທີ 23 ກັນຍາ​ນີ້ ທ່ານ ອັນໂຕ​ນີ​ໂອ ກູ​ເຕີ​ເຣ​​ສ ເລຂາທິການ​ໃຫຍ່ ຂອງ​ອົງການ​ສະຫະ​ປະຊາ​ຊາດ (​ສປຊ) ໄດ້​ປະກາດ​ສ້າງຕັ້ງ​ຄະນະ​ກຳມະການ ລັດ​ຖະ​ທຳ​ມະນູນ​ໃຫ້​ແກ່​ຊີ​ຣີ ຊຶ່ງ​ເປັນ​ບາດ​ກ້​​າວ​ທີ່​ຄອງ​ຄອຍ​ມາ​ແຕ່​ດົນ ຢູ່​ໃນ​ຂະ​ບວນ​ການ​ສັນຕິພາບ ທີ່​ຖືກ​ຢຸດ​ສະ​ງັກ​ນັ້ນ.

    ທ່ານ ກູ​ເຕີ​ເຣ​​ັສ ກ່າວ​ຕໍ່​ຜູ້​ສື່​ຂ່າວ​ວ່າ ​ສປຊ ຈະ​ອຳນວຍ​ຄວາມ​ສະດວກ ໃຫ້​ແກ່​ຄະນະ​ກຳມະການ​ລັດ​ຖະ​ທຳ​ມະນູນ​ຊີ​ຣີ ຢູ່​ທີ່​ນະຄອນ​ເຊີ​ແນວ ພ້ອມ​ທັງ​ໃຫ້​ຮູ້​ວ່າ ຄະນະ​ກຳມະການ​ດັ່ງກ່າວ ຈະ​ໄດ້​ຮຽກ​ປະຊຸມ​ໃນ​ຫຼາຍ​ອາທິດ​ຕໍ່ໜ້າ​ນີ້.

    ​ສປຊ ຖື​ວ່າ ການ​ສ້າງຕັ້ງ​ຄະນະ​ກຳມະການ​ດັ່ງກ່າວ ເປັນ​ບາດກ້າວ​ຕໍ່​ໄປ ໃນ​ຄວາມ​ພະຍາຍາມ​ໃຫ້​ບັນລຸ​ວິທີ​ການ​ແກ້​ໄຂ​ທາງ​ການເມືອງ ເພື່ອ​ຢຸດຕິ​ສົງຄາມ ແກ່ຍາວ​ເປັນ​ເວລາ​ກວ່າ 8 ປີ ຢູ່​ໃນ​ຊີ​ຣີ.

ຂ່າວທີ່ກ່ຽວຂ້ອງ