ຂ່າວຫຼ້າສຸດ

ສະພາ​ແຫ່ງ​ຊາດ​ອັງກິດ ຈະ​ກັບ​ເຂົ້າ​ສູ່​ການ​ເຄື່ອນ​ໄຫວ​ໃນ​ວັນ​ທີ 25 ກັນຍາ

139 26 ກ.ຍ. 2019 ຂ່າວຕ່າງປະເທດ
ສະພາ​ແຫ່ງ​ຊາດ​ອັງກິດ ຈະ​ກັບ​ເຂົ້າ​ສູ່​ການ​ເຄື່ອນ​ໄຫວ​ໃນ​ວັນ​ທີ 25 ກັນຍາ

   ຂ່າວສານ ຊິນ​ຮວາ ລາຍ​ງານ​ວ່າ ທ່ານ ຈອນ ເບີ​ໂກວ ປະທານ​ສະພາ​ຕ່ຳ​ອັງກິດ ປະກາດ​ເມື່ອ​ວັນ​ທີ 24 ກັນຍາ​ນີ້​ວ່າ ບັນດາ​ສະມາຊິກ​ສະພາ​ແຫ່ງ​ຊາດ ຈະ​ໄດ້​ຮຽກ​ໂຮມ​ໄປ​ຍັງ​ສະພາ​ແຫ່ງ​ຊາດ ໃນ​ວັນ​ທີ 25 ກັນຍາ​ນີ້ ຫຼັງ​ຈາກ​ມີ​ການ​ຕັດສິນ​ຄັ້ງ​ປະຫວັດສາດ​ຂອງ​ສານ​ສູງ​ສຸດ​ໃນ​ອັງກິດ.

   ກ່ອນ​ໜ້າ​ນັ້ນ ສານ​ສູງ​ສຸດ​ຂອງ​ອັງກິດ ໄດ້​ມີ​ການ​ຕັດສິນ​ອອກ​ມາ​ວ່າ ການ​ງົດ​ການເຄື່ອນໄຫວ​ຂອງ​ສະພາ​ແຫ່ງ​ຊາດ ເປັນ​ເວລາ 5 ອາທິດ ໂດຍ​ແມ່ນ​ນາຍົກລັດຖະມົນຕີ ໂບ​ຣິ​​ສ ຈອນ​ສັນ ນຳ​ອອກ​ມາ​ນັ້ນ ເປັນ​ເລື່ອງ​ທີ່​ຝືນ​ກົດໝາຍ ແລະ ເມື່ອ​ເປັນ​ດັ່ງນັ້ນ ການ​ຕົກລົງ​ຂອງ​ທ່ານ ຈອນ​ສັນ ຈຶ່ງ​ຈະ​ບໍ່​ມີ​ຜົນ​ບັງຄັບ​ໃຊ້​ອີກ​ຕໍ່​ໄປ.

    ປັດຈຸບັນ​ນີ້ ທ່ານ​ຈອນ​ສັນ ພວມ​ຢູ່​ໃນ​ນະຄອນ​ນີວ​ຢອກ (ສ ອາ​ເມ​ຣິ​ກາ) ເພື່ອ​ເຂົ້າ​ຮ່ວມ​ການ​ປະຊຸມ​ຂອງ​ສະມັດຊາ​ໃຫຍ່​ສະຫະ​ປະຊາ​ຊາດ ສະໄໝ​ທີ 74 ແລະ ມີ​ແຜນການ​ທີ່​ຈະ​ກັບ​ຄືນ​ອັງກິດ ໃນ​ວັນ​ທີ 25 ກັນຍາ.

ຂ່າວທີ່ກ່ຽວຂ້ອງ