ກອງ​ກຳລັງ​ປະສົມ ​ໂຈມ​ຕີ​ທາງ​ອາກາດ​ຖືກ​ເຮືອນ​ປະຊາຊົນ​ໃນ​ເຢ​ແມນ

143 26 ກ.ຍ. 2019 ຂ່າວຕ່າງປະເທດ
ກອງ​ກຳລັງ​ປະສົມ ​ໂຈມ​ຕີ​ທາງ​ອາກາດ​ຖືກ​ເຮືອນ​ປະຊາຊົນ​ໃນ​ເຢ​ແມນ

    ເຈົ້າ​ໜ້າທີ່​ລັດຖະບານ ແລະ ທ່ານໝໍ ໃນ​ປະເທດ​ເຢ​ແມນ ແຈ້ງ​ໃຫ້​ຜູ້​ສື່​ຂ່າວ​ຮູ້​ວ່າ ມີ​ສາມັນ​ຊົນ​ເສຍ​ຊີວິດ 16 ຄົນ ໃນ​ນັ້ນ​ເປັນ​ເດັກນ້ອຍ 7 ຄົນ ແລະ ແມ່ຍິງ 4 ຄົນ ພ້ອມ​ທັງ​ມີ​ຜູ້​ບາດເຈັບ​ອີກ 19 ຄົນ ຈາກ​ການ​ໂຈມ​ຕີ​ທາງ​ອາກາດ ທີ່​ເກີດ​ຂຶ້ນ​ເມື່ອ​ວັນ​ທີ 24 ກັນຍາ​ນີ້ ໂດຍ​ເປັນ​ປະຕິບັດ​ການ​ໂດຍ​ກອງ​ກຳລັງ​ປະສົມ ອັນ​ມີ​ອາ​ຣາ​ບີ ຊາ​ອຸ​ດິດ ເປັນ​ແກນ​ນຳ ຕ້ານ​ກັບ​ກຸ່ມ​ມື​ປືນ ຮູ​ຕີ ຢູ່​ທາງ​ພາກ​ໃຕ້​ເຢ​ແມນ.

    ຂ່າວ​ແຈ້ງວ່າ ການ​ປະຕິບັດ​ການ​ໂຈມ​ຕີ​ທາງ​ອາກາດ​ດັ່ງກ່າວ ໄດ້​ຕົກ​ໃສ່​ເຮືອນ​ຂອງ​ປະຊາຊົນ​ຫຼັງ​ໜຶ່ງ ຢູ່​ໃນ​ແຂວງ ດາ​ເລ ທີ່ຢູ່​ພາຍ​ໃຕ້​ການ​ຄວບ​ຄຸມ​ຂອງ​ກຸ່ມ​ມື​ປືນ ຮູ​ຕີ.

ຂ່າວທີ່ກ່ຽວຂ້ອງ