ຂ່າວຫຼ້າສຸດ

ເທຄວັນໂດລາວຄວ້າ 2 ຫຼຽນເງິນ ຊີງແຊັມນານາຊາດໄທແລນ

846 26 ກ.ຍ. 2019 ວົງຈອນກີລາ
ເທຄວັນໂດລາວຄວ້າ 2 ຫຼຽນເງິນ ຊີງແຊັມນານາຊາດໄທແລນ

    ທ່ານ ຈັນ­ທະ​ວົງ ປັນ­ຍາ​ສິ­ລິ ເລ­ຂາ­ທິ­ການ​ສະ­ຫະ­ພັນ​ເທ​ຄວັນ​ໂດ​ແຫ່ງ​ຊາດ​ລາວ ແຈ້ງ​ໃຫ້​ຊາບ​ໃນ​ວັນ​ທີ 23 ກັນ­ຍາ 2019 ວ່າ: ວັນ​ທີ 20-23 ກັນ­ຍາ 2019 ທີ່​ນະ­ຄອນ­ຫຼວງ​ບາງ­ກອກ ປະ­ເທດ​ໄທ ໄດ້​ຮັບ​ກຽດ​ເປັນ​ເຈົ້າ­ພາບ​ຈັດ­ການ​ແຂ່ງ­ຂັນ​ກີ­ລາ​ເທ​ຄວັນ​ໂດ​ລາຍ­ການ Thailand International Taekwondo Championshpis 2019 ມີ​ນັກ­ກີ­ລາ​ຈາກ 5 ປະ­ເທດ​ເຂົ້າ​ຮ່ວມ​ແຂ່ງ­ຂັນ ສະ­ເພາະ​ສະ­ຫະ­ພັນ​ເທ​ຄວັນ​ໂດ​ແຫ່ງ​ຊາດ​ລາວ​ໄດ້​ສົ່ງ​ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ທັງ​ໝົດ 7 ຄົນ ມີ 2 ຮຸ່ນ ຄື: ຮຸ່ນ​ເຍົາ­ວະ​ຊົນ ແລະ ຮຸ່ນ​ທົ່ວ​ໄປ.

    ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ນັກ­ກີ­ລາ​ເທ​ຄວັນ​ໂດ​ລາວ​ສາ­ມາດ​ຍາດ​ໄດ້  2 ຫຼຽນ​ເງິນ​ຈາກ ຮຸ່ນ​ທົ່ວ​ໄປ​ຊາຍ ທ້າວ ພູ​ວິ­ໄລ ຍົມ​ມະ​ລາດ ຮຸ່ນ​ນ້ຳ­ໜັກ 63 ກິ​ໂລ ແລະ ທ້າວ ສົມ​ສະ­ໜຸກ ພົມ​ມະ​ວັນ ຮຸ່ນ​ນ້ຳ­ໜັກ 74 ກິ​ໂລ ນອກ​ນັ້ນ​ຍັງ​ສາ­ມາດ​ຍາດ​ໄດ້ 3 ຫຼຽນ​ທອງ ຈາກ​ທ້າວ ພັດ­ທະ­ນາ ໄຊ​ຍະ​ກຸມ­ມານ ຮຸ່ນ​ນ້ຳ­ໜັກ 63 ກິ​ໂລ ທ້າວ ສິດ­ທິ­ກອນ ສໍ​ພາບ​ມີ​ໄຊ ຮຸ່ນ​ນ້ຳ­ໜັກ 68 ກິ​ໂລ ແລະ ທ້າວ ສອນ​ໄຊ ມັງ​ເຄືອ ຮຸ່ນ​ນ້ຳ­ໜັກ 80 ກິ​ໂລ.

    ຜົນ­ງານ​ຄັ້ງ​ນີ້​ຍັງ​ບໍ່​ປະ​ທັບ​ໃຈ​ປານ­ໃດ ເນື່ອ​ງວ​ຈາກ​ນັກ­ກີ­ລາ​ເທ​ຄວັນ​ໂດ​ທີມ​ຊາດ​ລາວ​ຍັງ​ບໍ່​ທັນ​ມີ​ຄວາມ​ພ້ອມ​ເທົ່າ​ທີ່​ຄວນ ເພາະ​ພວກ​ເຮົາ​ບໍ່​ໄດ້​ມີ​ການ​ເກັບ​ຕົວ​ເຝິກ­ຊ້ອມ​ຢ່າງ​ເປັນ​ປົກ­ກະ­ຕິ ແຕ່​ເຖິງ​ຢ່າງ­ໃດ​ກໍ​ຕາມ​ໃນ​ທ້າຍ​ເດືອນ​ຕຸ­ລາ 2019 ຈະ​ໄດ້​ສົ່ງ​ນັກ­ກີ­ລາ​ເທ​ຄວັນ​ໂດ​ທີມ​ຊາດ​ລາວ​ທີ່​ສາ­ມາດ​ຄັດ​ເລືອກ​ໄດ້​ສົ່ງ​ໄປ​ເກັບ​ຕົວ​ເຝິກ­ຊ້ອມ​ຢູ່​ທີ່​ຫວຽດ­ນາມ ຈະ​ໃຊ້​ເວ­ລາ 4 ອາ­ທິດ ຈາກ​ນັ້ນ​ຈະ​ສົ່ງ​ເຂົ້າ​ຮ່ວມ​ແຂ່ງ­ຂັນ​ລາຍ­ການ​ໃດ​ໜຶ່ງ​ຈະ​ຈັດ​ຂຶ້ນ​ທີ່​ປະ­ເທດ​ໄທ​ກ່ອນ​ຈະ​ກັບ​ມາ​ກຽມ​ຄວາມ​ພ້ອມ​ສົ່ງ​ເຂົ້າ​ຮ່ວມ​ເຂົ້າ​ຮ່ວມ​ລ່າ​ຫຼຽນ​ຄຳ​ງານ​ມະ​ຫະ​ກຳ​ກີ­ລາ​ຊີ­ເກມ ຈະ​ຈັດ​ຂຶ້ນ​ທີ່​ປະ­ເທດ​ຟິ​ລິບ​ປິນ​ໃນ​ທ້າຍ​ປີ​ນີ້.

ຂ່າວທີ່ກ່ຽວຂ້ອງ