ຂ່າວຫຼ້າສຸດ

ຈີນ ​ຫຼຸດ​ພາ​ສີ​ອາ​ກອນ ​ແລະ ​ຄ່າ​ທຳ​ນຽມ​ຕ່າງໆ​ຈຳ​ນວນ​ຫຼວງ​ຫຼາຍ​ໃນ​ປີ 2019

126 27 ກ.ຍ. 2019 ຂ່າວຕ່າງປະເທດ
ຈີນ ​ຫຼຸດ​ພາ​ສີ​ອາ​ກອນ ​ແລະ ​ຄ່າ​ທຳ​ນຽມ​ຕ່າງໆ​ຈຳ​ນວນ​ຫຼວງ​ຫຼາຍ​ໃນ​ປີ 2019

   ທ່ານ​ຫຼິວ​ຄຸນ ລັດຖະມົນຕີ​ກະຊວງ​ການ​ເງິນ​ຈີນ​ກ່າວ​ຢູ່​ທີ່​ນະຄອນຫຼວງ​ປັກ​ກິ່ງ   ເມື່ອ​ວັນ​ທີ 24 ກັນຍາ​ນີ້​ວ່າ ການ​ຫຼຸດ​ພາສີ​ອາກ​ກອນ ແລະ ຄ່າ​ທຳນຽມ​ຕ່າງໆ ແມ່ນ​ວຽກ​ງານ​ສຳຄັນ​ອັນ​ດັບ​ໜຶ່ງ​ໃນ​ນະໂຍບາຍ​ການ​ເງິນ​ທີ່​ຕັ້ງໜ້າ​ຂອງ​ຈີນ​ໃນ​ປີ​ນີ້ ຊຶ່ງ​ບໍ່​ເຄີຍ​ມີ​ການ​ຫຼຸດ​ພາສີ​ອາກອນ ແລະ ຄ່າ​ທຳ​ນຽງ​ຈຳນວນ​ຫຼວງຫຼາຍ​ປານ​ນີ້​ໃນ​ປະຫວັດສາດ​ການ​ເງິນ​ຈີນ ກໍ​ຄື​ປະຫວັດສາດ​ການ​ເງິນ​ໂລກ.

    ໃນ​ບົດ​ລາຍ​ງານ​ວຽກ​ງານ​ລັດຖະບານ​ຈີນ​ປີ 2019 ໄດ້​ສະເໜີ​ວ່າ ຈະ​ໃຫ້​ສຳເລັດ​ເປົ້າ​ໝາຍ​ໃນ​ການ​ຫຼຸດ​ພາສີ​ອາກອນ ແລະ ຄ່າ​ທຳນຽມ​ດ້ານ​ປະກັນ​ສັງຄົມ ຂອງ​ວິ​ສາ​ຫະ​ກິດ​ຈີນ​ສຳລັບ​ໝົດ​ປີ​ນີ້​ໃຫ້​ລົງ 2 ພັນ​ຕື້​​ື້​ຢວນ.

    ໃນ​ກອງ​ປະຊຸມ​ຂ່າວ​ຄັ້ງ​ທຳ​ອິດ ທີ່​ຈັດ​ຂຶ້ນ​ຢູ່​ສູນ​ຖະແຫຼງ​ຂ່າວ ກ່ຽວ​ກັບ​ກິດຈະກຳ​ສະຫຼອງ​ວັນ​ສະຖາປະນາ ​ສປ ຈີນ ຄົບຮອບ 70 ປີ ທ່ານ​ຫຼິວ​ຄຸນ ແນະນຳ​ໃຫ້​ຮູ້​ວ່າ ສະພາບ​ການ​ປະຕິບັດ​ນະໂຍບາຍ​ດັ່ງກ່າວ ແມ່ນ​ສອດຄ່ອງ​ກັບ​ການ​ຄາດ​ຄະເນ​ໃນ​ເບື້ອງ​ຕົ້ນ ຊຶ່ງ​ນັບ​ແຕ່​ເດືອນ​ມັງກອນ-ເດືອນ​ກໍລະກົດ ຈຳນວນ​ພາສີ​ອາກອນ​ແລະ ຄ່າ​ທຳນຽມ​ທີ່​ໄດ້​ຫຼຸດ​ລົງ​ຄັ້ງ​ໃໝ່​ນັ້ນ ບັນລຸ​ເຖິງ 1.349,200 ຕື້​ຢວນ (ເທົ່າ​ກັບ​ປະມານ 189 ຕື້​ໂດ​ລາ​ສະຫະລັດ) ໃນ​ນັ້ນ​ໄດ້​ຫຼຸດ​ພາສີ​ອາກອນ​ຄັ້ງ​ໃໝ່ 1.174 ຕື້​ຢວນ.

    ເມື່ອ​ວິເຄາະ​ໃນ​ແງ່​ຂະແໜງການ​ແລ້ວ ໄດ້​ຫຼຸດ​ພາສີ​ອາກອນ​ໃຫ້​ຂະແໜງການ​ອຸດສາຫະກຳ​ການ​ຜະລິດ​ເທື່ອ​ໃໝ່ ຈຳນວນ 364,8 ຕື້​ຢວນ ກວມ​ເອົາ 31% ຖື​ວ່າ​ເປັນ​ຂະແໜງການ​ທີ່​ໄດ້​ຮັບ​ຜົນ​ປະໂຫຍດ​ຫຼາຍ​ທີ່​ສຸດ; ເມື່ອ​ວິເຄາະ​ໃນ​ແງ່​ເສດຖະກິດ​ປະເພດ​ຕ່າງໆໆ ຈາກ​ດ້ານ​ປະເພດ​ເສດຖະກິດ​ແລ້ວ ເສດຖະກິດ​ເອກະ​ຊົນ​ໄດ້​ຮັບ​ການ​ຫຼຸດ​ພາສີ​ອາກອນ​ເທື່ອ​ໃໝ່​ຈຳນວນ 745 ຕື້​ຢວນ ກວມ​ເອົາ 63% ເປັນ​ປະເພດ​ເສດຖະກິດ​ທີ່​ໄດ້​ຮັບ​ຜົນ​ປະໂຫຍດ​ຫຼາຍ​ທີ່​ສຸດ.

ຂ່າວທີ່ກ່ຽວຂ້ອງ