ຈີນ ​ເປີດ​ສະໜາມ​ບິນ​ສາກົນ​ແຫ່ງ​ໃໝ່​ທີ່​ມີ​ຫໍຄອຍ​ໃຫຍ່​ທີ່​ສຸດ​ໃນ​ໂລກ

115 27 ກ.ຍ. 2019 ຂ່າວຕ່າງປະເທດ
ຈີນ ​ເປີດ​ສະໜາມ​ບິນ​ສາກົນ​ແຫ່ງ​ໃໝ່​ທີ່​ມີ​ຫໍຄອຍ​ໃຫຍ່​ທີ່​ສຸດ​ໃນ​ໂລກ

   ວັນ​ທີ 25 ກັນຍາ​ນີ້ ປະທານ​ປະເທດ​ຈີນ ສີ​ຈິ້ນ​ຜິງ ໄດ້​ກ່າວ​ເປີດ​ສະໜາມ​ບິນ​ສາກົນ​ຕ້າ​ຊິ່ງ ຊຶ່ງ​ຕັ້ງ​ຢູ່​ທາງ​ທິດໃຕ້​ນະຄອນຫຼວງ​ປັກ​ກິງ. ເຫດການ​ດັ່ງກ່າວ​ມີ​ຂຶ້ນ ກ່ອນ​ວັນ​ສະເຫຼີມສະຫຼອງ​ວັນຊາດ​ຈີນ ຄົບຮອບ 70 ປີ ທີ່​ຈະ​ມີ​ຂຶ້ນ​ໃນ​ວັນ​ທີ 1 ຕຸລາ​ໜ້າ​ນີ້.

   ສະໜາມ​ບິນ​ສາກົນ​ຕ້າ​ຊິ່ງ ຕັ້ງ​ຢູ່​ຫ່າງ​ຈາກ​ໃຈກາງ​ນະຄອນຫຼວງ​ປັກ​ກິງ 46​ກມ ມີ​ເນື້ອທີ່​ກວ້າງ​ປະມານ 47​ກມ2. ກຸ່ມ​ອາຄານ​ທີ່​ຂຶ້ນ​ກັບ​ຫໍຄອຍ​ຂອງ​ສະໜາມ​ບິນ ປົກ​ຄຸມ​ເນື້ອທີ່  313.000ມ2 ປະກອບ​ມີ​ເຂດ​ໃຈກາງ ແລະ ຫ້າ​ປີກ​ແຜ່​ອອກ​ໄປ​ທິດ​ຕ່າງໆ ເປັນ​ການ​ຈຳລອງ​ຮູບ​ນົກ​ທີ່​ພວມ​ພືປີກ ຊຶ່ງ​ນີ້​ຖື​ວ່າ​ເປັນ​ກິດຈະກຳ​ຫໍຄອຍ​ທີ່​ໃຫຍ່​ທີ່​ສຸດ​ໃນ​ໂລກ.

    ສະໜາມ​ບິນ​ສາກົນ ຕ້າ​ຊິ່ງ ມີ 4 ຣັນ​ເວ ແລະ ສາມາດ​ຮອງ​ຮັບ​ເຮືອບິນ​ໄດ້​ເຖິງ 300 ຖ້ຽວ​ບິນ ທີ່​ບິນ​ຂຶ້ນ ແລະ ລົງ​ຈອດ​ພາຍ​ໃນ​ເວລາ​ພຽງ 1 ຊົ່ວໂມງ. ຕາມ​ແຜນການ​ແລ້ວ ສະໜາມ​ບິນ​ດັ່ງກ່າວ ຈະ​ສາມາດ​ຕ້ອນຮັບ​ຜູ້ໂດຍສານ​ໄດ້​ເຖິງ 45 ລ້ານ​ເທື່ອ​ຄົນ ພາຍ​ໃນ​ປີ 2021 ໄດ້ 72 ເທື່ອ​ຄົນ ໃນ​ປີ 2025 ແລະ ໄດ້ 100 ເທື່ອ​ຄົນ ພາຍ​ໃນ​ປີ 2040.

ຂ່າວທີ່ກ່ຽວຂ້ອງ