ຂ່າວຫຼ້າສຸດ

ນາຍົກລັດຖະມົນຕີ ເນ​ຕັນ​ຢາ​ຮູ ໄດ້​ຮັບ​ມອບ​ໜ້າທີ່​ສ້າງຕັ້ງ​ລັດຖະບານ​ຊຸດ​ໃໝ່

124 27 ກ.ຍ. 2019 ຂ່າວຕ່າງປະເທດ
ນາຍົກລັດຖະມົນຕີ ເນ​ຕັນ​ຢາ​ຮູ ໄດ້​ຮັບ​ມອບ​ໜ້າທີ່​ສ້າງຕັ້ງ​ລັດຖະບານ​ຊຸດ​ໃໝ່

    ເມື່ອ​ວັນ​ທີ 25 ກັນຍາ​ນີ້ ປະທານາທິບໍດີ​ອິດ​ສະ​ຣາ​ແອນ ເຣ​ເວນ ຣິບ​ລິນ ໄດ້​ມອບ​ໜ້າທີ່ ໃຫ້​ແກ່​ນາຍົກລັດຖະມົນຕີ ເບນ​ຈາ​ມິນ ເນ​ຕັນ​ຢາ​ຮູ ໃນ​ການ​ສ້າງຕັ້ງ​ລັດຖະບານ​ຊຸດ​ໃໝ່​ຂອງ ອິດ​ສະ​ຣາ​ແອນ ຫຼັງ​ຈາກ​ການ​ເລືອກ​ຕັ້ງ​ທົ່ວ​ໄປ​ເປັນ​ເທື່ອ​ທີ​ສອງ.

    ແຈ້ງ​ການ​ຂອງ​ຫ້ອງ​ວ່າການ​ປະທານາທິບໍດີ​ອິດ​ສະ​ຣາ​ແອນ ທີ່​ຖືກ​ນຳ​ອອກ​ມາ ຫຼັງ​ການ​ພົບ​ປະ ສາມ​ຝ່າຍ ລະຫວ່າງ​ທ່ານ ຣິບ​ລິນ ທ່ານ ເນ​ຕັນ​ຢາ​ຮູ ແລະ ທ່ານ ເບນ​ນີ ການ​​ສ ຊຶ່ງ​ເປັນ​ຄູ່​ແຂ່ງ​ຂອງ ທ່ານ ເນ​ຕັນ​ຢາ​ຮູ. ແຈ້ງ​ການ​ໃຫ້​ຮູ້​ວ່າ ທ່ານ ເນ​ຕັນ​ຢາ​ຮູ ມີ​ເວລາ 28 ວັນ ເພື່ອ​ສ້າງຕັ້ງ ລັດຖະບານ​ຊຸດ​ໃໝ່ ແລະ ສາມາດ​ຕໍ່​ກຳນົດ​ໄປ​ໄດ້​ຕື່ມ​ສອງ​ອາທິດ. ຖ້າ​ຫາ​ກວ່າ ທຸກໆ​ຄວາມ​ພະຍາ ຍາມ​ຂອງ​ທ່ານ ເນ​ຕັນ​ຢາ​ຮູ ຕ່າງ​ກໍ​ປະ​ລາ​ໄຊ​ແລ້ວ ຫຼັງ​ຈາກ​ນັ້ນ ປະທານາທິບໍດີ ຣິບ​ລິນ ອາດ​ຈະ​ມອບ ໜ້າທີ່​ດັ່ງກ່າວ​ໃຫ້​ຄົນ​ອື່ນ.

    ຜົນ​ສຸດ​ທ້າຍ​ຂອງ​ການ​ເລືອກ​ຕັ້ງ​ທົ່ວ​ໄປ​ຢູ່​ໃນ​ອິດ​ສະ​ຣາ​ແອນ ຊຶ່ງ​ມີ​ຂຶ້ນ​ເມື່ອ​ວັນ​ທີ 17 ກັນຍາ ທີ່​ຜ່ານ​ມາ ຊີ້​ໃຫ້​ເຫັນ​ວ່າ ພັກ​ຮ່ວມ ຂຽວ-ຂາວ ຂອງ​ທ່ານ ການ​​ສ ໄດ້​ຮັບ 33 ທີ່​ນັ່ງ ໃນ​ສະພາ​ແຫ່ງ​ຊາດ ໃນ​ຂະນະ​ທີ່​ພັກ ລີ​ຄຸດ ຂອງ​ທ່ານ ເນ​ຕັນ​ຢາ​ຮູ ໄດ້ 32 ທີ່​ນັ່ງ​ໃນ​ສະພາ​ແຫ່ງ​ຊາດ ທີ່​ລວມ​ມີ​ທັງ​ໝົດ 120 ທີ່​ນັ່ງ. ໃນ​ຂະນະ​ດຽວ​ກັນ ທ່ານ ການ​​ສ ໄດ້​ຮັບ​ສຽງ​ສະໜັບສະໜູນ 54 ສຽງ ຈາກ​ສະມາຊິກ​ລັດ​ຖະ​ສະພາ​ຝ່າຍ​ກາງ​ຊ້າຍ ໃນ​ການ​ສ້າງຕັ້ງ​ລັດຖະບານ​ຊຸດ​ໃໝ່ ໃນ​ຂະນະ​ທີ່​ທ່ານ ເນ​ຕັນ​ຢາ​ຮູ ໄດ້​ຮັບ​ສຽງ​ສະໜັບສະໜູນ 55 ສຽງ ຈາກ​ສະມາຊິກ​ລັດ​ຖະ​ສະພາ​ຝ່າຍ​ຂວາ ແລະ ສາສະໜາ. ຈາກ​ຜົນ​ທີ່​ອອກ​ມາ​ຄື​ແນວ​ນັ້ນ ເຮັດ​ໃຫ້​ທ່ານ ການ​​ສ ບໍ່​ໂຮມ​ໄດ້​ພໍ​ຢ່າງ​ໜ້ອຍ 61/120 ທີ່​ນັ່ງ ເພື່ອ​ສ້າງຕັ້ງ​ລັດຖະບານ​ປະສົມ​ກາງ​ຊ້າຍ ໃນ​ຂະນະ​ທີ່​ທ່ານ ເນ​ຕັນ​ຢາ​ຮູ ກໍ​ບໍ່​ສາມາດ​ສ້າງຕັ້ງ ລັດຖະບານ​ປະສົມ​ຝ່າຍ​ຂວາ​ໄດ້.

ຂ່າວທີ່ກ່ຽວຂ້ອງ