ຍີ່ປຸ່ນ-ສ ອາ​ເມ​ຣິ​ກາ ບັນລຸ​ຂໍ້​ຕົກລົງ​ການ​ຄ້າ​ແບບ​ສອງ​ຝ່າຍ

136 27 ກ.ຍ. 2019 ຂ່າວຕ່າງປະເທດ
ຍີ່ປຸ່ນ-ສ ອາ​ເມ​ຣິ​ກາ ບັນລຸ​ຂໍ້​ຕົກລົງ​ການ​ຄ້າ​ແບບ​ສອງ​ຝ່າຍ

    ເມື່ອ​ວັນ​ທີ 25 ກັນຍາ​ນີ້ ນາຍົກລັດຖະມົນຕີ​ຍີ່ປຸ່ນ ຊິນ​ໂຊ ອາ​ເບ ໄດ້​ບັນລຸ​ຂໍ້​ຕົກລົງ​ການ​ຄ້າ ແບບ​ສອງ​ຝ່າຍ ກັບ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ  ດ້ວຍ​ເປົ້າ​ໝາຍ​ກໍ​ແມ່ນ​ການ ຕັດ​ຫຼຸດ​ພາສີ ຕໍ່​ບັນດາ​ຜະລິດ​ຕະ​ພັນ​ກະສິກຳ ແລະ ອຸດສາຫະກຳ.

    ຂໍ້​ຕົກລົງ​ດັ່ງກ່າວ ນັບ​ວ່າ​ເປັນ​ໄຊຊະນະ​ສຳລັບ​ປະທານາທິບໍດີ ທຣຳ ຜູ້​ຊຶ່ງ​ພວມ​ສືບຕໍ່ ຊອກ​ຫາ​ວິທີ​ຫຼຸດຜ່ອນ​ການ​ຂາດ​ດຸນ​ການ​ຄ້າ​ຂອງ ສ ອາ​ເມ​ຣິ​ກາ ແລະ ອີງໃສ່​ບັນດາ​ຂໍ້​ຕົກລົງ ແບບ​ສອງ​ຝ່າຍ ເພື່ອ​ແນໃສ່​ເຮັດ​ໃຫ້​ກວ້າງ​ອອກ ໃນ​ສິ່ງ​ທີ່​ອຳນາດ​ການ​ປົກຄອງ​ຂອງ​ເຂົາ (ທ່ານ ຣຳ) ເອີ້ນ​ວ່າການ​ຄ້າ “ຍຸຕິ​ທຳ ແລະ ມີ​ໄປ​ມີ​ມາ.”

    ໃນ​ຂໍ້​ຕົກລົງ​ດັ່ງກ່າວ ຖື​ວ່າ​ຍີ່ປຸ່ນ ໄດ້​ມີ​ການ​ຍິນ​ຍອມ​ອອກ​ມາ​ຫຼາຍ​ກວ່າ​ເມື່ອ​ທຽບໃສ່ ສ ອາ​ເມ​ຣິ​ກາ ທ່າມກາງ​ທີ່ ສ ອາ​ເມ​ຣິ​ກາ ຂູ່​ຂຶ້ນ​ພາສີ​ນຳ​ເຂົ້າ​ຕໍ່​ລົດຍົນ ທີ່​ຜະລິດ​ຢູ່​ໃນ​ຍີ່ປຸ່ນ.

ຂ່າວທີ່ກ່ຽວຂ້ອງ