ຂ່າວຫຼ້າສຸດ

ເກີດ​ອຸບັດເຫດ​ການ​ຄົມມະນາຄົມ​ທາງນ້ຳ ຢູ່​ໃນ​ບັງ​ກລາ​ເດ​​ສ

145 27 ກ.ຍ. 2019 ຂ່າວຕ່າງປະເທດ
ເກີດ​ອຸບັດເຫດ​ການ​ຄົມມະນາຄົມ​ທາງນ້ຳ ຢູ່​ໃນ​ບັງ​ກລາ​ເດ​​ສ

    ອຸບັດເຫດ​ເຮືອ​ພິກ​ຂວ້ຳ​ລາຍ​ໜຶ່ງ ໄດ້​ເກີດ​ຂຶ້ນ​ຢູ່​ໃນ​ແມ່ນ້ຳ​ສາຍ​ໜຶ່ງ ໃນ​ພື້ນ​ທີ່​ແຂວງ ຊູ​ນາມ​ກັນ ຫ່າງ​ຈາກ​ນະຄອນຫຼວງ​ດາ​ກາ ຂອງ​ບັງ​ກລາ​ເດ​​ສ 296​ກມ ໄປ​ທາງ​ທິດຕາເວັນອອກ​ສ່ຽງ​ເໜືອ. ປະຊາຊົນ​ໃນ​ທ້ອງຖິ່ນ ນຳ​ຮ່າງ​ເດັກນ້ອຍ​ທີ່​ເສຍ​ຊິວິດ​ຈາກ​ອຸບັດເຫດ​ດັ່ງກ່າວ ຂຶ້ນ​ມາ​ໄດ້ 4 ສົບ ໃນ​ຂະນະ​ທີ່​ເຈົ້າ​ໜ້າທີ່​ກູ້​ໄພ ໄດ້​ນຳ​ເອົາ​ຮ່າງ​ຜູ້​ເສຍ​ຊີວິດ​ອື່ນໆ​ຂຶ້ນ​ມາ​ໄດ້​ອີກ 6 ສົບ.

    ເຈົ້າ​ໜ້າທີ່​ຕຳຫຼວດ ແຈ້ງ​ໃຫ້​ຮູ້​ວ່າ ອຸບັດເຫດ​ດັ່ງກ່າວ​ເກີດ​ຂຶ້ນ​ເມື່ອ​ວັນ​ທີ 24 ກັນຍາ​ທີ່​ຜ່ານ​ມາ ໂດຍ​ທີ່​ໃນ​ເຮືອ​ນັ້ນ ມີ​ຜູ້ໂດຍສານ​ປະມານ 20 ຄົນ ທີ່​ເດີນທາງ​ໄປ​ຮ່ວມ​ງານ​ແຕ່​ດອງ​ລາຍ​ໜຶ່ງ.

    ໃນ​ຂະນະ​ດຽວ​ກັນ ກອງ​ກຳລັງ​ປ້ອງ​ກັນ​ແຄມ​ຝັ່ງ​ທະເລ​ຂອງ​ຟີ​ລິບ​ປິນ (PCG) ແຈ້ງ​ໃຫ້​ຮູ້​ວ່າ ມີ 7 ຄົນ ຖືກ​ຈົມ​ນ້ຳ ໃນ​ວັນ​ທີ 25 ກັນຍາ​ນີ້ ຫຼັງ​ຈາກ​ທີ່​ເຮືອ​ລຳ​ໜຶ່ງ ທີ່​ເຂົ້າ​ຮ່ວມ ໃນ​ງານ​ແຂ່ງຂັນ​ຊ່ວງ​ເຮືອ​ມັງກອນ ຖືກ​ຈົມ​ລົງ​ນ້ຳ ຢູ່​ບໍລິເວນ​ນອກ​ຝັ່ງ​ທະເລ​ຂອງ​ເກາະ ບໍ​ຣາ​ເກ (ພາກ​ກາງ ຟີ​ລິບ​ປິນ). PCG ໃຫ້​ຮູ້​ວ່າ ນອກຈາກ​ຜູ້​ທີ່​ຈົມ​ນ້ຳ​ນັ້ນແລ້ວ ໜ່ວຍ​ກູ້​ໄພ​ຍັງ​ໄດ້​ຊ່ວຍເຫຼືອ​ຂຶ້ນ​ມາ​ໄດ້ 14 ຄົນ.

ຂ່າວທີ່ກ່ຽວຂ້ອງ