ຂ່າວຫຼ້າສຸດ

ສົງຄາມ ເຮັດ​ໃຫ້​ເດັກນ້ອຍ​ໃນ​ເຢ​ແມນ ຕົກ​ຢູ່​ໃນ​ສະພາບ​ອັບ​ຈົນ

85 30 ກ.ຍ. 2019 ຂ່າວຕ່າງປະເທດ
ສົງຄາມ ເຮັດ​ໃຫ້​ເດັກນ້ອຍ​ໃນ​ເຢ​ແມນ ຕົກ​ຢູ່​ໃນ​ສະພາບ​ອັບ​ຈົນ

    ອົງການ​ກອງ​ທຶນ​ສຳລັບ​ເດັກນ້ອຍ​ຂອງ​ສະຫະ​ປະຊາ​ຊາດ (UNICEF) ແຈ້ງ​ໃຫ້​ຮູ້ເມື່ອ​ວັນ​ທີ 25 ກັນຍາ​ນີ້​ວ່າ ເດັກນ້ອຍ 2 ລ້ານ​ຄົນ ຢູ່​ໃນ​ປະເທດ​ເຢ​ແມນ ຕ້ອງ​ໄດ້​ພັກ​ການ​ຮຽນ ໃນ​ນັ້ນ​ມີ 25% ໄດ້​ປະລະ​ການ​ຮຽນ ນັບ​ແຕ່​ການ​ພິພາດ​ເພີ່ມ​ຂຶ້ນ​ຢູ່​ໃນ​ປະເທດ​ນີ້ ເມື່ອ​ເດືອນ​ມີນາ ປີ 2015 ເປັນຕົ້ນມາ.

    ບົດ​ລາຍ​ງານ​ຂອງ UNICEF ໃຫ້​ຮູ້​ວ່າ ການ​ຮ່ຳຮຽນ​ຂອງ​ເດັກນ້ອຍ​ອື່ນໆ​ອີກ 3,7 ລ້ານ​ຄົນ ຢູ່​ໃນ​ເຢ​ແມນ ມີ​ຄວາມ​ສ່ຽງ​ເກີດ​ຂາດ​ໄລຍະ ຍ້ອນ​ວ່າ​ບັນດາ​ຄູ​ສອນ​ບໍ່​ໄດ້​ຮັບ​ເງິນເດືອນ ມາ​ເປັນ ເວລ​​າ​ກວ່າ 2 ປີ​ທີ່​ຜ່ານ​ມາ. ນອກຈາກ​ນັ້ນແລ້ວ 20% ຂອງ​ຈຳນວນ​ໂຮງຮຽນ​ຢູ່​ໃນ​ເຢ​ແມນ ໄດ້​ຖືກ​ສົງຄາມ​ທຳລາຍ​ເຖິງ​ຂັ້ນ​ວ່າ​ບໍ່​ສາມາດ​ນຳ​ໃຊ້​ໄດ້. ໃນ​ຂະນະ​ດຽວ​ກັນ UNICEF ກໍ​ໃຫ້​ຮູ້​ວ່າ ເດັກນ້ອຍ 1,8 ລ້ານ​ຄົນ ທີ່​ມີ​ອາຍຸ​ຕ່ຳ​ກວ່າ 5 ປີ ຢູ່​ໃນ​ເຢ​ແມນ ປະ​ເຊີນ​ກັບ​ການ​ຂາດ​ໂພ​ສະ​ນາ​ການ ຮ້າຍ​ແຮງ.

    ທ່ານ​ນາງ ຊາ​ຣາ ເບ​ໂຊ​ລໍ ນຽນ​ຕີ ຜູ້​ແທນ​ຂອງ UNICEF ປະຈຳ​ເຢ​ແມນ ເວົ້າ​ວ່າ ສະພາບ​ການ​ໃຊ້​ຄວາມ​ຮຸນ​ແຮງ ການ​ສູນ​ເສຍ​ທີ່ຢູ່​ອາ​ໃສ ແລະ ການ​ໂຈມ​ຕີ​ໃສ່​ໂຮງຮຽນ ພວມ​ເປັນ​ການ​ກີດ​ກັນ​ເດັກນ້ອຍ​ເຢ​ແມນ​ຈຳນວນ​ຫຼາຍ ໃນ​ການ​ໄປ​ໂຮງຮຽນ.

ຂ່າວທີ່ກ່ຽວຂ້ອງ