ກາ​ນາ​ດາ ໃຫ້​ສັນຍາ​ຫຼຸດຜ່ອນ​ການ​ປ່ອຍ​ແກ​​ັສ​ກາກ​ບອນ​ລົງ​ເທົ່າ​ກັບ 0 ພາຍ​ໃນ​ປີ 2050

86 30 ກ.ຍ. 2019 ຂ່າວຕ່າງປະເທດ
ກາ​ນາ​ດາ ໃຫ້​ສັນຍາ​ຫຼຸດຜ່ອນ​ການ​ປ່ອຍ​ແກ​​ັສ​ກາກ​ບອນ​ລົງ​ເທົ່າ​ກັບ 0 ພາຍ​ໃນ​ປີ 2050

     ລັດຖະບານ​ກາ​ນາ​ດາ ພາຍ​ໃຕ້​ການ​ນຳພາ​ຂອງ​ນາຍົກລັດຖະມົນຕີ ​ຈັສ​ຕິນ ທຣູ​ດາວ ມີ​ຄຳ​ສັນຍາ​ອອກ​ມາ​ເມື່ອ​ວັນ​ທີ 24 ກັນຍາ​ທີ່​ຜ່ານ​ມາ ວ່າ​ຈະ​ຫຼຸດ​ການ​ປ່ອຍ​ແກ​​ັສ​ກາກ​ບອນ ລົງ​ໃຫ້​ເທົ່າ​ກັບ​ສູນ (0) ພາຍ​ໃນ​ປີ 2050 ຖ້າ​ຫາ​ກວ່າ​ພັກ​ເສລີ ຂອງ​​ທ່ານ ທຣູ​ດາວ ໄດ້​ຮັບ​ໄຊຊະນະ ໃນ​ການ​ເລືອກ​ຕັ້ງ​ທີ່​ໃກ້​ຈະ​ມາ​ເຖິງ​ນີ້.

    ນາງ ແຄັດ​ເທີ​ຣິນ ແມັກ​ເຄນ​ນາ ລັດຖະມົນຕີ​ສິ່ງແວດລ້ອມ ແລະ ການ​ປ່ຽນແປງ​ສະພາບ ອາກາດ​ຂອງ​ກາ​ນາ​ດາ ໄດ້​ນຳ​ເອົາ​ຄຳ​ສັນຍາ​ດັ່ງກ່າວ​ອອກ​ມາ ຫຼັງ​ຈາກ​ທີ່​ໄດ້​ຮັບ​ຟັງ​ຄຳ​ປາ​ໄສ ທີ່​ເຕັມ​ໄປ​ດ້ວຍ​ຄວາມ​ຕື້ນ​ຕັນ​ໃຈ ຂອງ​ນາງ​ເກຣ​ຕາ ທັນ​ເບີກ ນັກ​ເຄື່ອນ​ໄຫວ ເພືອ​ສິ່ງແວດລ້ອມ ຊາວ​ອູ​ແອດ ທີ່​ມີ​ອາຍຸ 16 ປີ ຊຶ່ງ​ໄດ້​ກ່າວ​ຢູ່​ໃນ​ກອງ​ປະຊຸມ​ສຸດ​ຍອດ​ຂອງ​ສະຫະ​ປະຊາ​ຊາດ (​ສປຊ) ກ່ຽວ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ ທີ່​ດຳເນີນ​ໄປ​ຢູ່​ນະຄອນ​ນີວ​ຢອກ (ສ ອາ​ເມ​ຣິ​ກາ) ເມື່ອ​ວັນ​ທີ 23 ກັນຍາ​ທີ່​ຜ່ານ​ມາ ໃນ​ນັ້ນ​ນາງ​ໄດ້​ຕິຕຽນ​ບັນດາ​ຜູ້ນຳ​ໂລກ ວ່າ​ຍັງ​ບໍ່​ທັນ​ດຳເນີນ​ການ​ພໍ ເພື່ອ​ຮອງ​ຮັບ​ກັບ​ການ​ປ່ຽນແປງ​ສະພາບ​ດິນ​ຟ້າ​ອາກາດ.

    ນາງ ແຄັດ​ເທີ​ຣິນ ແມັກ​ເຄນ​ນາ ເວົ້າ​ວ່າ ເຖິງ​ວ່າ​ຄຳ​ເວົ້າ​ຂອງ​ນາງ​ນ້ອຍ ເກຣ​ຕາ ທັນ​ເບີກ ເປັນ​ການ​ຕຳ​ນິ​ຕິຕຽນ​ກໍ​ຕາມ ແຕ່​ວ່າ​ມັນ​ໄດ້​ເຮັດ​ໃຫ້​ພວກ​ເຮົາ​ຕ້ອງ​ຄິດ ແລະ ມີ​ຄວາມ​ຮັບຜິດຊອບ ຕໍ່​ຄຳ​ສັນຍາ​ຂອງ​ຕົນ ໃນ​ການ​ຕ້ານ​ກັບ​ສະພາບ​ດິນ​ຟ້າ​ອາກາດ​ປ່ຽນແປງ.

ຂ່າວທີ່ກ່ຽວຂ້ອງ