ຂ່າວຫຼ້າສຸດ

ກຽມຈັດແຂ່ງຂັນງັດກ້າມ ຊີງແຊັມທົ່ວປະເທດ 2019

182 30 ກ.ຍ. 2019 ຫົວຂໍ້ຂ່າວອື່ນໆ
ກຽມຈັດແຂ່ງຂັນງັດກ້າມ ຊີງແຊັມທົ່ວປະເທດ 2019

    ທ່ານ ເພັດ​ສະ​ລັດ ສະ­ຫວັນ ຮອງ​ປະ­ທານ​ສະ­ຫະ­ພັນ​ກີ­ລາ​ເພາະ​ກາຍ​ແຫ່ງ​ຊາດ​ລາວ ແຈ້ງ​ໃຫ້​ຮູ້​ວ່າ: ສະ­ຫະ­ພັນ​ກີ­ລາ​ເພາະ​ກາຍ​ແຫ່ງ​ຊາດ ຂໍ​ແຈ້ງ​ເຖິງ​ນັກ­ກີ­ລາ​ທີ່​ເປັນ​ຄົນ​ລາວ​ທຸກໆ​ທ່ານ​ຊາບ​ທົ່ວ​ເຖິງ​ກັນ​ວ່າ: ອີງ​ຕາມ​ການ​ປະ­ຊຸມ ແລະ ຕົກ­ລົງ​ເຫັນ​ດີ​ຈາກ​ຄະ­ນະ​ບໍ­ລິ­ຫານ​ສະ­ຫະ­ພັນ​ເພາະ​ກາຍ​ແຫ່ງ​ຊາດ​ລາວ ເມື່ອ​ວັນ​ທີ 21 ກັນ­ຍາ 2019 ກ່ຽວ​ກັບ​ການ​ຈັດ­ການ​ແຂ່ງ­ຂັນ​ກີ­ລາ​ງັດ​ກ້າມ ຊີງ​ແຊັມ​ລະ­ດັບ​ປະ­ເທດ​ລາວ ປະ­ຈຳ​ປີ 2019 ທີ່​ຈະ​ໄດ້​ຈັດ​ແຂ່ງ­ຂັນ​ວັນ​ທີ 25 ຕຸ­ລາ 2019 ທາງ​ສະ­ຫະ­ພັນ ໄດ້​ຕົກ­ລົງ​ເຫັນ​ດີ​ເປີດ​ຮັບ​ສະ­ໝັກ​ເອົາ​ນັກ­ກີ­ລາ​ສະ­ເພາະ​ເປັນ​ຄົນ​ລາວ​ເທົ່າ​ນັ້ນ ໃນ 2 ຮຸ່ນ ຮຸ່ນ​ນ້ຳ­ໜັກ 65 ກິ​ໂລ ແລະ ຮຸ່ນ​ນ້ຳ­ໜັກ 75 ກິ​ໂລກ.

    ສ່ວນ​ນັກ­ກີ­ລາ​ຕ່າງ​ຊາດ ໃນ​ເບື້ອງ​ຕົ້ນ​ແມ່ນ​ແຈ້ງ​ຈະ​ຈັດ​ແຂ່ງ­ຂັນ​ເປີດ​ກວ້າງ​ໃນ​ຮຸ່ນ​ນ້ຳ­ໜັກ 75 ກິ​ໂລ ໂດຍ​ອີງ­ໃສ່​ຄວາມ​ເປັນ​ຈິງ​ແລ້ວ ເພື່ອ​ຢາກ​ເປີດ​ໂອ­ກາດ​ໃຫ້​ຄົນ​ລາວ ໄດ້​ພິ­ສູດ​ຕົນ​ເອງ​ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ ສາ­ມາດ​ບືນ​ຕົວ​ກ້າວ​ຂຶ້ນ​ໄປ​ແຂ່ງ­ຂັນ​ລະ­ດັບ​ນາ­ນາ​ຊາດ​ໃນ­ຕໍ່­ໜ້າ ດັ່ງ­ນັ້ນ  ຈຶ່ງ​ຕັດ​ລາຍ­ການ​ດັ່ງ­ກ່າວ​ອອກ ໃຫ້​ມີ​ແຂ່ງ­ຂັນ​ພຽງ 2 ຮຸ່ນ ຈຶ່ງ​ແຈ້ງ​ມາ​ຍັງ​ບັນ­ດາ​ທ່ານ​ຊາບ​ທົ່ວ​ເຖິງ​ກັນ ສຳ­ລັບ​ວາ­ລະ​ການ​ແຂ່ງ­ຂັນ ໃນ​ວັນ​ທີ 24 ຕຸ­ລາ 2019 ເວ­ລາ 9:30 ໂມງ ນັກ­ກີ­ລາ​ເພາະ​ກາຍ ແລະ ນັກ­ກີ­ລາ​ງັດ​ກ້າມ ສາ­ມາດ​ມາ​ລົງ­ທະ­ບຽນ​ເຂົ້າ​ຮ່ວມ​ແຂ່ງ­ຂັນ​ໄດ້ ຈາກ​ນັ້ນ ໃນ​ວັນ​ທີ 25 ຕຸ­ລາ 2019 ເວ­ລາ 9:00 ໂມງ ເລີ່ມ ແຂ່ງ­ຂັນ​ກີ­ລາ​ເພາະ​ກາຍ​ປະ­ເພດ​ຍິງ-ຊາຍ ແລະ ແຂ່ງ­ຂັນ​ກີ­ລາ​ງັດ​ກ້າມ ຮອບ​ຄັດ​ເລືອກ ການ​ແຂ່ງ­ຂັນ​ແມ່ນ​ຈະ​ສຳ­ເລັດ​ໃນ​ວັນ​ທີ 26 ຕຸ­ລາ ນີ້.

    ການ​ແຂ່ງ­ຂັນ​ກີ­ລາ​ງັດ​ກ້າມ​ທັງ 2 ຮຸ່ນ​ນ້ຳ­ໜັກ​ດັ່ງ­ກ່າວ ຮູບ​ແບບ​ການ​ແຂ່ງ­ຂັນ​ໃນ​ແຕ່​ລະ​ຮຸ່ນ​ຈະ​ແບ່ງ​ອອກ​ເປັນ 2 ສາຍ ແຂ່ງ­ຂັນ ກໍ​ຄື: ສະ­ເພາະ​ແຮງ​ແຂນ​ຊ້າຍ ແລະ ສະ­ເພາະ​ແຮງ​ແຂນ​ຂວາ ໂດຍ​ນັກ­ກີ­ລາ​ຈະ​ຕ້ອງ​ເສຍ​ຄ່າ​ສະ­ໝັກ ຈຳ­ນວນ 50.000 ກີບ ໃນ​ນັ້ນ ທຸກ​ຄົນ​ຈະ​ໄດ້​ຮັບ​ເສື້ອ​ຍືດ 1 ຜືນ ປັດ­ຈຸ­ບັນ​ມີ​ນັກ­ກີ­ລາ​ແຈ້ງ​ເຈດ​ຈຳ­ນົງ​ເຂົ້າ​ຮ່ວມ​ແຂ່ງ­ຂັນ​ເບື້ອງ​ຕົ້ນ​ແລ້ວ ຈຳ­ນວນ 50 ກວ່າ​ຄົນ ສຳ­ລັບ​ເງິນ​ລາ­ງວັນ ຊະ­ນະ​ເລີດ ຈະ​ໄດ້​ຮັບ​ຂັນ 1 ໜ່ວຍ ພ້ອມ​ເງິນ­ສົດ 7 ແສນ​ກີບ ແລະ ອັນ​ດັບ 2 ຈະ​ໄດ້​ຮັບ​ຂັນ 1 ໜ່ວຍ ພ້ອມ​ເງິນ­ສົດ 4 ແສນ​ກີບ

ຂ່າວທີ່ກ່ຽວຂ້ອງ