ການ​ເຈລະຈາ​ຮອບ​ໃໝ່​ເພື່ອ​ສ້າງ​ຕັ້ງ​ລັດຖະບານ​ໃນ​ອິດ​ສະ​ຣາ​ແອນ ບໍ່​ສຳ​ເລັດ​ຜົນ

495 01 ຕ.ລ. 2019 ຂ່າວຕ່າງປະເທດ
ການ​ເຈລະຈາ​ຮອບ​ໃໝ່​ເພື່ອ​ສ້າງ​ຕັ້ງ​ລັດຖະບານ​ໃນ​ອິດ​ສະ​ຣາ​ແອນ ບໍ່​ສຳ​ເລັດ​ຜົນ

   ການ​ເຈລະຈາ​ຮອບ​ໃໝ່​ເມື່ອ​ວັນ​ທີ 29 ກັນຍາ​ທີ່​ຜ່ານ​ມາ ລະຫວ່າງ​ພັກ​ລີ​ຄຸດ (Likud) ຂອງ​ນາຍົກລັດຖະມົນຕີ​ອິດ​ສະ​ຣາ​ແອນ ເບນ​ຈາ​ມິນ ເນ​ຕັນ​ຢາ​ຮູ ກັບ​ພັກ​ຮ່ວມ ຂຽວ-ຂາວ ຂອງ​ທ່ານ ເບນ​ນີ ການ​​ສ ກ່ຽວ​ກັບ​ການ​ສ້າງຕັ້ງ​ລັດຖະບານ​ເອກະ​ພາບ ບໍ່​ໄດ້​ປະສົບ​ຄວາມ​ສຳເລັດ ໃນ​ເມື່ອ​ວ່າ​ທັງ​ສອງ​ຝ່າຍ​ຍາກ​ໃນ​ການ​ບັນລຸ​ການ​ປະ​ນິ​ປະນອມ​ກັນ.

   ພັກ​ລີ​ຄຸດ ໃຫ້​ຮູ້​ວ່າ ການ​ເຈລະຈາ​ຮອບ​ໃໝ່​ຫຼ້າ​ສຸດ​ນີ້ ເປັນ “ຄວາມ​ປະ​ລາ​ໄຊ​ຢ່າງ​ໃຫຍ່​ຫຼວງ.” ພັກ​ລີ​ຄຸດ ຍົກ​ໃຫ້​ເຫັນ​ຢູ່​ໃນ​ຖະແຫຼງການ​ສະບັບ​ໜຶ່ງ​ວ່າ ນາຍົກລັດຖະມົນຕີ​ເນ​ຕັນ​ຢາ​ຮູ ຈະ​ພະຍາຍາມ “ຈົນ​ເຖິງ​ນາທີ​ສຸດ​ທ້າຍ” ເພື່ອ​ໃຫ້​ບັນລຸ​ຂໍ້​ຕົກລົງ ກ່ອນ​ທີ່​ຈະແຈ້ງ​ຕໍ່​ປະທານາທິບໍດີ​ອິດ​ສະ​ຣາ​ແອນ ເຣ​ເວນ ຣິບ​ລິນ ວ່າ​ທ່ານ​ບໍ່​ສາມາດ​ທີ່​ຈະ​ສ້າງຕັ້ງ​ລັດຖະບານ​ເອກະ​ພາບ.

    ເລື່ອງ​ດັ່ງກ່າວ ຈະ​ເຮັດ​ໃຫ້​ປະທານາທິບໍດີ ຣິບ​ລິນ ຕັດສິນ​ວ່າ​ຈະ​ສະເໜີ​ໃຫ້​ທ່ານ ການ​​ສ ກໍ​ດຳເນີນ​ຄວາມ​ພະຍາຍາມ​ຈົນ​ທີ່​ສຸດ​ຫຼື​ບໍ່ ຫຼື​ຮຽກຮ້ອງ​ໄປ​ຍັງ​ສະພາ​ແຫ່ງ​ຊາດ ເຫັນ​ດີ​ກ່ຽວ​ກັບ​ຜູ້​ສະໝັກ​ຮັບ​ເລືອກ​ຕັ້ງ​ເປັນ​ນາຍົກລັດຖະມົນຕີ ດ້ວຍ​ການ​ສະໜັບສະໜູນ​ຢ່າງ​ໜ້ອຍ 61 ສຽງ ຈາກ​ຈຳນວນ​ສະມາຊິກ​ສະພາ​ແຫ່ງ​ຊາດ​ທັງ​ໝົດ 120 ທ່ານ.

ຂ່າວທີ່ກ່ຽວຂ້ອງ