ຂ່າວຫຼ້າສຸດ

ຫວຽດນາມ​ດຶງ​ດູດ​ການ​ລົງທຶນ FDI ໄດ້​ຫຼາຍ​ສິບ​ຕື້​ໂດ​ລາ

598 02 ຕ.ລ. 2019 ຂ່າວຕ່າງປະເທດ
ຫວຽດນາມ​ດຶງ​ດູດ​ການ​ລົງທຶນ FDI ໄດ້​ຫຼາຍ​ສິບ​ຕື້​ໂດ​ລາ

    ຂ່າວສານ​ຫວຽດນາມ ອ້າງ​ຕາມ​ຂໍ້​ມູນ​ຈາກ​ສະຫະ​ກົມ​ສະຖິຕິ ຂອງ​ຫວຽດນາມ ແຈ້ງ​ໃຫ້​ຮູ້ເມື່ອ ວັນ​ທີ 28 ກັນຍາ​ທີ່​ຜ່ານ​ມາ​ວ່າ ໃນ 9 ເດືອນ​ຕົ້ນ​ປີ​ນີ້ ໂດຍ​ໄລ່​ມາ​ຮອດ​ວັນ​ທີ 20 ກັນຍາ​ທີ່​ຜ່ານ​ມາ ຍອດ​ທຶນ​ຈົດ​ທະບຽນ​ສະໜອງ​ໃໝ່ ດັດແກ້ ແລະ ປະກອບ​ທຶນ​ຊື້​ຫຸ້ນ​ຂອງ​ນັກ​ລົງທຶນ​ຕ່າງປະເທດ  ບັນລຸ 26,16 ຕື້​ໂດ​ລາ​ສະ​ລັດ ເພີ່ມ​ຂຶ້ນ 3,1% ເມື່ອ​ທຽບໃສ່​ເວລ​​າ​ດຽວ​ກັນ​ຂອງ​ປີ 2018.

    ກ່ຽວ​ກັບ​ການ​ດຶງ​ດູດ​ການ​ລົງທຶນ​ຂອງ​ຕ່າງປະເທດ (FDI) ນັ້ນ ຫວຽດນາມ​ດຶງ​ດູດ​ໄດ້  2.759 ໂຄງການ ທີ່​ໄດ້​ຮັບ​ໃບ​ອະນຸຍາດ​ໃໝ່ ດ້ວຍ​ຈຳນວນ​ທຶນ​ຈົດ​ທະບຽນ ບັນລຸ 10,9 ຕື້​ໂດ​ລາ​ສະຫະລັດ ເພີ່ມ​ຂຶ້ນ 26,4% ໃນ​ດ້ານ​ຈຳນວນ​ໂຄງການ ແລະ ຫຼຸດ​ລົງ 22,3% ໃນ​ດ້ານ​ຈຳນວນ​ທຶນ​ຈົດ​ທະບຽນ ເມື່ອ​ທຽບໃສ່​ເວລາ​ດຽວ​ກັນ​ຂອງ​ປີ 2018.

    ຄຽງ​ຄູ່​ກັນ​ນັ້ນ ມີ 1.037 ເທື່ອ​ໂຄງການ ທີ່​ໄດ້​ຮັບ​ໃບ​ອະນຸຍາດ​ໃນ​ຊຸມ​ປີ​ກ່ອນ ມີ​ການ​ຈົດ​ທະບຽນ​ດັດແກ້​ການ​ລົງທຶນ ດ້ວຍ​ຈຳນວນ​ທຶນ​ເພີ່ມ​ຂຶ້ນ 4,7 ຕື້​ໂດ​ລາ​ສະຫະລັດ ຫຼຸດ​ລົງ  13,6% ເມື່ອ​ທຽບໃສ່​ເວລາ​ດຽວ​​ກັນ​ຂອງ​ປີ​ກາຍ.

ຂ່າວທີ່ກ່ຽວຂ້ອງ