ຂ່າວຫຼ້າສຸດ

ມີ​ຜູ້​ເສຍ​ຊີວິດ​ຫຼາຍ​ສິບ​ຄົນ​ຈາກ​ອຸບັດເຫດ​ການ​ຄົມມະນາຄົມ​ໃນ​ອິນ​ເດຍ ແລະ ໄທ

599 02 ຕ.ລ. 2019 ຂ່າວຕ່າງປະເທດ
ມີ​ຜູ້​ເສຍ​ຊີວິດ​ຫຼາຍ​ສິບ​ຄົນ​ຈາກ​ອຸບັດເຫດ​ການ​ຄົມມະນາຄົມ​ໃນ​ອິນ​ເດຍ ແລະ ໄທ

    ເຈົ້າ​ໜ້າທີ່​ອິນ​ເດຍ ແຈ້ງ​ໃຫ້​ຮູ້ເມື່ອ​ວັນ​ທີ 30 ກັນຍາ​ທີ່​ຜ່ານ​ມາ​ວ່າ ມີ​ຜູ້​ເສຍ​ຊີວິດ 21 ຄົນ ແລະ ບາດເຈັບ 35 ຄົນ ຈາກ​ອຸບັດເຫດ​ທີ່​ເກີດ​ຂຶ້ນ​ກັບ​ລົດ​ບັດ​ຄັນ​ໜຶ່ງ ຊຶ່ງ​ເກີດ​ຂຶ້ນ ໃນ​ວັນ​ດຽວ​ກັນ ຢູ່​ໃນ​ພື້ນ​ທີ່​ລັດ ກຸ​ຈະ​ຣາດ (ພາກ​ຕາເວັນຕົກ​ຂອງ​ອິນ​ເດຍ).

    ອຸບັດເຫດ​ດັ່ງກ່າວ​ເກີດ​ຂຶ້ນ ເມື່ອ​ລົດ​ບັດ​ດັ່ງກ່າວ ບັນທຸກ​ຜູ້ໂດຍສານ​ປະມານ 70 ຄົນ ທີ່​ໄປ​ເຂົ້າ​ຮ່ວມ​ໃນ​ພິທີ​ທາງ​ສາສະໜາ​ຢູ່​ໃນ​ເມືອງ ບາ​ນາ​​ສ​ຄັນ​ທາ ນັ້ນ​ກັບ​ຄືນ​ບ້ານ ຢູ່​ທີ່​ເມືອງ​ອາ​ນັນ ໄດ້​ເກີດ​ພິກ​ຂວ້ຳ​ຢູ່​ໃກ້​ກັບ​ເມືອງ ອາມ​ບາ​ຈີ.

    ສ່ວນ​ທີ່​ປະເທດ​ໄທ ກໍ​ໄດ້​ເກີດ​ອຸບັດເຫດ​ການ​ຄົມມະນາຄົມ​ທາງບົກ​ຄັ້ງ​ຮ້າຍ​ແຮງ​ເມື່ອ​ວັນ​ທີ 29 ກັນຍາ​ທີ່​ຜ່ານ​ມາ ຊຶ່ງ​ເກີດ​ຂຶ້ນ​ໃນ​ເຂດ​ຊານເມືອງ​ນະຄອນຫຼວງ​ບາງກອກ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ 13 ຄົນ ແລະ ບາດເຈັບ​ອີກ 4 ຄົນ. ໂຄສົກ​ຂອງ​ອົງການ​ຕຳຫຼວດ​ແຫ່ງ​ຊາດ​ໄທ ໃຫ້​ຮູ້​ວ່າ ຜູ້​ເສຍ​ຊີວິດ ສ່ວນ​ຫຼາຍ​ເປັນ​ນັກ​ສຶກ​ສາ ຈາກ​ໂຮງຮຽນ​ເຕັກນິກ​ຊັ້ນ​ສູງ ສີສະ​ເກດ.

ຂ່າວທີ່ກ່ຽວຂ້ອງ