ສະພາ​ແຫ່ງ​ຊາດ​ກູ​ບາ ຈະ​ຈັດ​ວາລະ​ປະຊຸມ​ວິສາມັນ ເພື່ອ​ເລືອກ​ຕັ້ງ​ການ​ນຳ​ຂອງ​ລັດ

766 02 ຕ.ລ. 2019 ຂ່າວຕ່າງປະເທດ
ສະພາ​ແຫ່ງ​ຊາດ​ກູ​ບາ ຈະ​ຈັດ​ວາລະ​ປະຊຸມ​ວິສາມັນ ເພື່ອ​ເລືອກ​ຕັ້ງ​ການ​ນຳ​ຂອງ​ລັດ

    ສະພາ​ແຫ່ງ​ລັດ​ກູ​ບາ ທີ່​ໄດ້​ຮັບ​ມອບ​ອຳນາດ ຕາມ​ມາດຕາ 122 ຂອງ​ລັດ​ຖະ​ທຳ​ມະນູນ​ໃໝ່​ນັ້ນ ໄດ້​ຮັບຮອງ​ເມື່ອ​ວັນ​ທີ 30 ກັນຍາ​ທີ່​ຜ່ານ​ມາ ກ່ຽວ​ກັບ​ການຈັດຕັ້ງ​ວາລະ​ປະຊຸມ​ວິສາມັນ ຂອງ​ສະພາ​ແຫ່ງ​ຊາດ​ກູ​ບາ ໃນ​ວັນ​ທີ 10 ຕຸລາ​ນີ້ ເພື່ອ​ເລືອກ​ຕັ້ງ​ບັນດາ​ຕຳແໜ່ງ​ປະທານ​ປະເທດ ຮອງ​ປະທານ​ປະເທດ ແລະ ສະມາຊິກ​ອື່ນໆ ຂອງ​ສະພາ​ແຫ່ງ​ລັດ.

     ນອກຈາກ​ນັ້ນແລ້ວ ສະພາ​ແຫ່ງ​ຊາດ​ກູ​ບາ ກໍ​ຍັງ​ຈະ​ໄດ້​ປ່ອນ​ບັດ​ເລືອກ​ຕັ້ງ​ການ​ນຳ ຂອງ​ອົງການ​ນິຕິບັນຍັດ (ສະພາ​ແຫ່ງ​ຊາດ) ເຊັ່ນ​ປະທານ​ສະພາ​ແຫ່ງ​ຊາດ ຮອງ​ປະທານ​ສະພາ ແຫ່ງ​ຊາດ ແລະ ເລຂາທິການ​ສະພາ​ແຫ່ງ​ຊາດ.

    ເມື່ອ​ວັນ​ທີ 13 ກໍລະກົດ​ທີ່​ຜ່ານ​ມາ ສະພາ​ແຫ່ງ​ຊາດ​ກູ​ບາ ໄດ້​ຮັບຮອງ​ດ້ວຍ​ສຽງ​ສ່ວນ​ຫຼາຍ ຢ່າງ​ຂາດ​ຂັ້ນ ຕໍ່​ກົດໝາຍ​ວ່າ​ດ້ວຍ​ການ​ເລືອກ​ຕັ້ງ​ໃໝ່ ໃນ​ນັ້ນ​ໄດ້​ລະບຸ​ເຖິງ​ການ​ຟື້ນ​ຟູ​ກົນ​ໄກ ປະທານ​ປະເທດ-ນາຍົກລັດຖະມົນຕີ ຊຶ່ງ​ໄດ້​ມີ​ການ​ປ່ຽນແປງ​ຕາມ​ລັດ​ຖະ​ທຳ​ມະນູນ​ສະບັບ​ປີ 1976. ຈາກ​ຂໍ້​ກຳນົດ​ໃໝ່​ນັ້ນ ສະພາ​ແຫ່ງ​ຊາດ​ກູ​ບາ ຈະ​ຍັງ​ຄົງ​ເປັນ​ອົງການ​ທີ່​ເລືອກ​ຕັ້ງ​ເອົາ ຕຳແໜ່ງ​ການ​ນຳ​ຕົ້ນຕໍ​ຂອງ​ລັດ ຢູ່​ໃນ​ບັນດາ​ຜູ້​ແທນ​ຂອງ​ຕົນ ແລະ ຕາມ​ການ​ນຳ​ສະເໜີ​ແຕ່ງຕັ້ງ ຂອງ​ຄະນະ​ບໍລິຫານ​ງານ​ສູນ​ກາງ ພັກ​ກອມ​ມູ​ນິດ​ກູ​ບາ.

ຂ່າວທີ່ກ່ຽວຂ້ອງ