ຂ່າວຫຼ້າສຸດ

ເກີດ​ການລະບາດພະຍາດ​ອະຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ ຢູ່​ໃນ ຕີ​ມໍ ເລ​​ັສ​ເຕ

753 02 ຕ.ລ. 2019 ຂ່າວຕ່າງປະເທດ
ເກີດ​ການລະບາດພະຍາດ​ອະຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ ຢູ່​ໃນ ຕີ​ມໍ ເລ​​ັສ​ເຕ

    ແຈ້ງ​ການ​ຂອງ​ກະຊວງ​ກະສິກຳ ຕີ​ມໍ ເລ​​ັສ​ເຕ ຊຶ່ງ​ລົງ​ພິມ​ໃນ​ເວບ​ໄຊ​ຂອງ​ອົງການ ສັດຕະວະແພດ​ໂລກ (OIE) ໃຫ້​ຮູ້​ວ່າ ພະຍາດ​ອະຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ ໄດ້​ເຮັດ​ໃຫ້​ໝູ​ລ້ຽງ​ຕາຍ​ໄປ​ລວມ​ແລ້ວ 405 ໂຕ ຊຶ່ງ​ເກີດ​ຂຶ້ນ​ຢູ່​ຕາມ​ຄອບຄົວ​ຈຳນວນ​ໜຶ່ງ ທີ່​ປະກອບ​ການ​ລ້ຽງ​ໝູ ຢູ່​ໃນ​ເຂດ ດີ​ລີ (ພາກ​ເໜືອ​ຂອງ​ຕີ​ມໍ ເລ​​ັສ​ເຕ).

    OIE ແຈ້ງ​ໃຫ້​ຮູ້ເມື່ອ​ວັນ​ທີ 30 ກັນຍາ​ທີ່​ຜ່ານ​ມາ​ວ່າ ເມື່ອ​ອາທິດ​ທີ່​ຜ່ານ​ມາ ຕີ​ມໍ ເລ​​ັສ​ເຕ ແຈ້ງ​ໃຫ້​ຮູ້​ວ່າ ພະຍາດ​ອະຫິ​ວາ​ໝູ​ສາຍ​ພັນ​ອາ​ຟະ​ຣິກ​ກາ ໄດ້​ເກີດ​ລະບາດ​ຢູ່​ໃນ​ປະເທດ​ນີ້ ໂດຍ​ທີ່​ກໍລະນີ ທຳ​ອິດ ປະກົດ​ຂຶ້ນ​ຢູ່​ໃກ້​ກັບ​ຊາຍ​ແດນ​ທີ່​ຕິດ​ກັບ​ອິນ​ໂດ​ເນ​ເຊຍ. ຈຸດ​ທີ່​ເກີດ​ການລະບາດພະຍາດ​ນັ້ນ ນອນ​ຢູ່​ໃນ​ເຂດ​ການ​ລ້ຽງສັດ ທີ່​ລວມ​ແລ້ວ​ມີ​ໝູ 44.000 ໂຕ.

ຂ່າວທີ່ກ່ຽວຂ້ອງ