ຂ່າວຫຼ້າສຸດ

ໄຟຟ້າຫົງສາ ສະໜັບສະໜູນຈັດງານບຸນຊ່ວງເຮືອປະຈໍາປີ

420 02 ຕ.ລ. 2019 ວົງຈອນກີລາ
ໄຟຟ້າຫົງສາ ສະໜັບສະໜູນຈັດງານບຸນຊ່ວງເຮືອປະຈໍາປີ

    ບໍ­ລິ­ສັດ ​ໄຟ­ຟ້າ​ຫົງ​ສາ​ ຈຳ­ກັດ ມອບ​ເສື້ອ​ສີ​ພາຍ­ເຮືອ​ຊ່ວງ ແລະ ເງິນ​ສະ­ໜັບ­ສະ­ໜູນ​ການ​ຈັດ​ງານ​ປະ­ເພ­ນີ​ບຸນ­ຊ່ວງ­ເຮືອ ເມືອງ​ຫົງ​ສາ ແຂວງ​ໄຊ​ຍະ​ບູ​ລີ ປະ­ຈຳ​ປີ 2019 ມູນ​ຄ່າ 70 ລ້ານ​ກີບ ໃນນີ້​ເປັນ​ເງິນ 30 ລ້ານ​ກີບ ແລະ ເສື້ອ​ສີ­ພາຍ 16 ບ້ານ ມູນ​ຄ່າ 40 ລ້ານ​ກີບ.

    ພິ­ທີ​ມອບ-ຮັບ​ການ​ຊຸກ­ຍູ້​ດັ່ງກ່າວ ຈັດ​ຂຶ້ນ​ວັນ​ທີ 30 ກັນ­ຍາ 2019 ຢູ່​ຫ້ອງ­ການ​ປົກ­ຄອງ​ເມືອງ​ຫົງ​ສາ ເຊິ່ງ​ມອບ​ໂດຍ​ທ່ານ ຄະ­ທາ​ຢຸດ ຊູ​ພູນ ຜູ້­ອຳ­ນວຍ­ການ ໃຫຍ່​ບໍ­ລິ­ສັດ​ ໄຟ­ຟ້າ​ຫົງ​ສາ ​ຈຳ­ກັດ ແລະ ຮັບ​ໂດຍ​ທ່ານ ຄຳ​ຫຼ້າ ຜິວ​ວັນ­ນາ ເຈົ້າ­ເມືອງ​ຫົງ​ສາ ມີ​ພາກສ່ວນ​ກ່ຽວ­ຂ້ອງ ເຂົ້າ​ຮ່ວມ.

    ປະ­ເພ­ນີ​ບຸນ­ຊ່ວງ­ເຮືອ​ເມືອງຫົງ​ສາ ປະ­ຈຳ​ປີ 2019 ຈະ​ຈັດ​ຂຶ້ນວັນ​ທີ 5-6 ຕຸ­ລາ 2019 ຢູ່​ທ່າ​ຊ່ວງ​ເຮືອ​ບ້ານ​ສີ​ບຸນ​ເຮືອງ ເຊິ່ງ​ໄດ້​ຮັບ​ການ​ສະ­ໜັບ­ສະ­ໜູນ​ຈາກ​ບໍ­ລິ­ສັດ ໄຟ­ຟ້າ​ຫົງ​ສາ ຈຳ­ກັດ​ທຸກໆ​ປີ ເພື່ອ​ສະແດງ​ເຖິງ​ການ​ໃຫ້​ຄວາມ​ສຳ­ຄັນ​ຂອງ​ງານ​ບຸນ​ປະ­ເພ­ນີ​ທີ່​ດີງາມ​ຂອງ​ຊາວ​ເມືອງ​ຫົງ​ສາ ແລະ ຮ່ວມ​ເປັນ​ສ່ວນ​ໜຶ່ງ​ໃນ​ການ​ອະ­ນຸ​ຮັກ ຮັກ­ສາ​ຮີດ­ຄອງ​ປະເພ­ນີ ຮັກ­ສາ​ວັດ­ທະ­ນະ­ທຳ ແລະ ຮ່ວມ​ສ້າງ​ຄວາມ​ສາ­ມັກ­ຄີ​ໃຫ້​ເກີດ​ຂຶ້ນ​ພາຍ​ໃນ​ຊຸມ​ຊົນ.

ຂ່າວທີ່ກ່ຽວຂ້ອງ