ຂຸນພົນນ້ອຍ ນັອກນັກມວຍໄທ ມວຍລາວນະຄອນຫຼວງກໍກຽດແດນຈໍາປາ

1.753 02 ຕ.ລ. 2019 ວົງຈອນກີລາ
ຂຸນພົນນ້ອຍ ນັອກນັກມວຍໄທ ມວຍລາວນະຄອນຫຼວງກໍກຽດແດນຈໍາປາ

    ຂຸນ​ພົນ​ນ້ອຍ ສະ­ໂມ­ສອນ​ຄຳ​ເສັງ ອອກ​ໝັດ​ຊຸດ ກ່ອນ​ຈົບ​ດ້ວຍ​ການ​ຕີ​ເຂົ່າ​ເຂົ້າ​ທ້ອງ​ນັອກ​ນັກ​ມວຍ​ໄທ ໃນ​ຍົກ 2 ການ​ແຂ່ງ­ຂັນ​ຊົກ­ມວຍ​ລາວ ລາຍ­ການ​ນະ­ຄອນ­ຫຼວງ​ກໍ​ກຽດ​ແດນ​ຈຳ­ປາ ປະ­ຈຳ​ປີ 2019 ຄູ່​ທີ 4 ເພື່ອ​ເລືອກ­ເຟັ້ນ​ນັກ​ຊົກ​ທີ່​ມີ​ພອນ​ສະ­ຫວັນ​ໃຫ້​ທີມ​ນະ­ຄອນ­ຫຼວງ​ວຽງ​ຈັນ ກຽມ​ເຂົ້າ​ຮ່ວມ​ຊຽງ​ຂວາງ​ເກມ 2020.

    ວັນ​ທີ 28 ກັນ­ຍາ 2019 ຢູ່​ສະ­ໂມ­ສອນ​ກີ­ລາ​ສະ­ຫະ­ພັນ​ມວຍ​ລາວ ນະ­ຄອນ­ຫຼວງ​ວຽງ​ຈັນ (ບຶງ​ຂະ​ຫຍອງ) ມີ​ການ​ຂຶ້ນ​ຊົກ​ກັນ 7 ຄູ່ ໃນ​ນີ້​ຄູ່​ທີ 1 ລີ​ໂອ ເພັດ​ນະ­ຄອນ ຊະ­ນະ​ຄະ­ແນນ ເພັດ​ມະ­ນີ ສະ­ໂມ­ສອນ​ທອງ­ຄຳ ຮຸ່ນ 54 ກິ​ໂລ ຄູ່​ທີ 2 ເສືອ​ໃຕ້ ເພັດ​ນະ­ຄອນ ຊະ­ນະ​ຄະ­ແນນ ສະ​ທິ​ໄຊ ກຽດ​ສົມ​ນຶກ ຮຸ່ນ 46 ກິ​ໂລ ຄູ່​ທີ 3 ຮອງ​ຄູ່​ເອກ ເກົ້າ​ແສນ ເສຍ​ນັອກ ເພັດ​ດູນ ສາດ ກຽມ​ສົມ​ນຶກ ຮຸ່ນ 56 ກິ​ໂລ ຍົກ 3 ຄູ່​ທີ 5 ເພັດ​ບຸນ​ຄ້ຳ ປກສ ຊະ­ນະ​ຄະ­ແນນ ບຸນ​ຫຼາຍ ອິນ​ຟິ​ນິ ຕີ ຮຸ່ນ 56 ກິ​ໂລ ຄູ່​ທີ 6 ບົວ​ໄລ​ມົວ ສະ­ມາ­ຄົມ​ເຜົ່າ​ມົງ ຊະ­ນະ​ນັອກ ຊະ­ນະ​ໄຊ ສອນ​ທອງ­ຄຳ ຮຸ່ນ 65 ກິ​ໂລ ຍົກ 1 ແລະ ຄູ່​ທີ 7 ສິນ​ໄຊ ສະ­ໂມ­ສອນ​ທອງ­ຄຳ ຊະ­ນະ​ນັອກ ນ້ຳ​ເພັດ ສິດ​ຈານ​ເພັງ ຮຸ່ນ 46 ກິ​ໂລ ຍົກ 2.

ຂ່າວທີ່ກ່ຽວຂ້ອງ