ຂ່າວຫຼ້າສຸດ

ຄາຣາເຕໂດລາວ ເກັບຕົວຢູ່ຫວຽດນາມ ກ່ອນເຂົ້າຮ່ວມຊີເກມຢູ່ຟີລິບປິນ

777 03 ຕ.ລ. 2019 ວົງຈອນກີລາ
ຄາຣາເຕໂດລາວ ເກັບຕົວຢູ່ຫວຽດນາມ ກ່ອນເຂົ້າຮ່ວມຊີເກມຢູ່ຟີລິບປິນ

    ທ່ານ ສອນ​ສັກ ນ.ຍານ​ຊະ­ນະ ເລ­ຂາ­ທິ­ການ​ສະ­ຫະ­ພັນ​ກີ­ລາ​ຄາ​ຣາ​ເຕ​ໂດ​ແຫ່ງ​ຊາດ​ລາວ ນຳ­ພາ​ຄູ​ເຝິກ 2 ທ່ານ ແລະ ນັກ­ກີ­ລາ 5 ຄົນ ເດີນ­ທາງ​ໄປ​ນະ­ຄອນ​ໂຮ່​ຈິ​ມິງ ສສ ຫວຽດ­ນາມ ວັນ​ທີ 30 ກັນ­ຍາ 2019 ເພື່ອ​ເກັບ​ຕົວ​ເຝິກ­ຊ້ອມ ໄລ­ຍະ​ເວ­ລາ 45 ວັນ ກຽມ​ຄວາມ​ພ້ອມ​ເຂົ້າ​ຮ່ວມ​ງານ​ມະ​ຫະ​ກຳ​ກີ­ລາ​ຊີ­ເກມ ຄັ້ງ​ທີ 30 ຢູ່​ປະ­ເທດ​ຟີ​ລິບ​ປິນ ໃນ​ທ້າຍ​ປີ​ນີ້.

    ທັບ​ນັກ­ກີ­ລາ​ຄາ​ຣາ​ເຕ​ໂດ​ທີມ​ຊາດ​ລາວ​ຊຸດ​ນີ້ ເນັ້ນ​ເຝິກ­ຊ້ອມ​ດ້ານ​ພະ­ລະ​ກຳ­ລັງ ເຕັກ­ນິກ ທັກ​ສະ​ຄວາມ​ສາ­ມາດ​ສະ­ເພາະ​ນັກ­ກີ­ລາ​ຂອງ​ແຕ່­ລະ­ຄົນ ແລະ ດ້ານ​ຕ່າງໆ ຈາກ​ນັ້ນ​ກໍ​ໄດ້​ມີ​ການ​ລົງ​ທົດ​ສອບ​ຄວາມ​ສາ­ມາດ​ກັບ​ນັກ­ກີ­ລາ ສສ ຫວຽດ­ນາມ ເພື່ອ​ປະ​ເມີນ​ຄວາມ​ພ້ອມ ແລະ ປັບ­ປຸງ​ແກ້​ໄຂ​ຂໍ້​ບົກ​ຜ່ອງ ເພື່ອ​ສ້າງ​ຄວາມ​ແຂງ​ແກ່ນ​ໃຫ້​ນັກ­ກີ­ລາ ກ່ອນ​ຈະ​ໄປ​ລ່າ​ຫຼຽນ​ຄຳ​ໃນ​ມະ​ຫະ​ກຳ​ກີ­ລາ​ຊີ­ເກມ​ຢູ່​ຟີ​ລິບ​ປິນ.

    ໃນ​ໄລ­ຍະ​ຜ່ານ​ມາ ທັບ​ນັກ­ກີ­ລາ​ຄາ​ຣາ​ເຕ​ໂດ​ທີມ​ຊາດ​ລາວ ສາ­ມາດ​ຍາດ​ໄດ້​ຫຼຽນ​ຄຳ ໃນ​ງານ​ກີ­ລາ​ວຽງ​ຈັນ ເກມ 2009 ທີ່ ສປປ ລາວ ເປັນ​ເຈົ້າ­ພາບ ຈາກ​ທ້າວ ອິນ​ຄາ​ເທບ ສາຍ­ທານ​ສະ­ຫວັນ.

ຂ່າວທີ່ກ່ຽວຂ້ອງ