ຂ່າວຫຼ້າສຸດ

ຍົກລະດັບຄວາມຮູ້ ການວາງແຜນສ້າງການວາງສະແດງໃໝ່

1.150 03 ຕ.ລ. 2019 ຂ່າວໜ້າ​ໜຶ່ງ

    ຫໍ​ພິ​ພິ​ທະ​ພັນ​ແຫ່ງ​ຊາດ ຮ່ວມ​ກັບ​ອົງ­ການ ICCROM ຈັດ​ເຝິກ­ອົບ­ຮົມ​ຫົວ­ຂໍ້ “ການ​ວາງ​ແຜນ​ສ້າງ​ກາ­ນວາງ­ສະ­ແດງ​ໃໝ່” ຂຶ້ນ​ວັນ​ທີ 2 ຕຸ­ລາ 2019 ຢູ່​ຫໍ​ພິ​ພິ​ທະ​ພັນ​ດັ່ງ­ກ່າວ ໂດຍ​ມີ​ທ່ານ ທອງ​ໃບ ໂພ­ທິ​ສານ ຫົວ­ໜ້າ​ກົມ​ມໍ­ລະ­ດົກ ກະ­ຊວງ​ຖະ​ແຫຼ່ງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ທ່ານ ໂຈ​ລຸຍ ຫົວ­ໜ້າ​ໂຄງ­ການ​ເຝິກ­ອົບ­ຮົມ ຫົວ­ຂໍ້ ການ​ວາງ​ແຜນ​ສ້າງ​ວາງ­ສະ­ແດງ​ໃໝ່ ພ້ອມ​ດ້ວຍ​ສຳ​ມະ​ນາ​ກອນ​ຈາກ​ປະ­ເທດ​ບູ​ຕານ ອິນ​ໂດ​ເນ​ເຊຍ ເຄັນ​ຢາ ລາວ ມາ​ເລ​ເຊຍ ມົງ​ໂກ​ເລຍ ຟີ​ລິບ​ປິນ ທາ​ຈິ​ກິດ​ສະ­ຖານ ໄທ ຢູ​ກັນ​ດາ ຫວຽດ­ນາມ ຊິມ​ບັບ​ເວ ແລະ ພາກ­ສ່ວນ​ກ່ຽວ­ຂ້ອງ ເຂົ້າ​ຮ່ວມ

    ທ່ານ ທອງ​ໃບ ໂພ­ທິ​ສານ ກ່າວ​ວ່າ: ຫໍ​ພິ​ພິ​ທະ​ພັນ​ແຫ່ງ​ຊາດ​ລາວ ຢູ່​ໃນ​ໄລ­ຍະ​ກະ­ກຽມ​ການ​ສ້າງ​ກາ­ນວາງ­ສະ­ແດງ​ໃໝ່ ຈິ່ງ​ໄດ້​ຈັດ​ເຝິກ­ອົບ­ຮົມ​ໃນ​ຫົວ­ຂໍ້​ດັ່ງ­ກ່າວ​ນີ້​ຂຶ້ນ ໂດຍ​ການ​ສະ­ໜັບ­ສະ­ໜູນ​ດ້ານ​ງົບ ປະ­ມານ​ຈາກ​ລັດ­ຖະ­ບານ ສ ເກົາ­ຫຼີ ໂດຍ​ແມ່ນ​ອົງ­ການ ICCROM ເປັນ​ຜູ້​ຮັບ­ຜິດ­ຊອບ​ດ້ານ​ວິ­ຊາ​ການ ບົດ­ຮຽນ​ໃນ​ການ​ສະ­ໜອງ​ບົດ­ຮຽນ ຄວາມ​ຮູ້​ໃຫ້​ສຳ​ມະ​ນາ​ກອນ ເຊິ່ງ​ການ​ເຝິກ­ອົບ­ຮົມ​ຄັ້ງ​ນີ້ ແມ່ນ​ເລີ່ມ​ແຕ່​ວັນ​ທີ 2-23 ຕຸ­ລາ 2019.

    ຈຸດ­ປະ­ສົງ​ເພື່ອ​ເນັ້ນ​ໃຫ້​ສຳ​ມະ​ນາ​ກອນ ນັກ​ເຝິກ­ອົບ­ຮົມ​ຮູ້​ໃນ​ການ​ອະ­ນຸ​ຮັກ​ວັດ­ຖຸ­ບູ­ຮານ ຫຼັກ​ກາ­ນວາງ­ສະ­ແດງ​ໃນ​ການ​ສື່­ສານ ເພື່ອ​ໃຫ້​ຜູ້​ເຂົ້າ​ຊົມ​ສາ­ມາດ​ເຂົ້າ­ໃຈ​ກາ­ນວາງ­ສະ­ແດງ ແນ­ໃສ່​ການ​ຈັດ​ງານ​ວາງ­ສະ­ແດງ​ໃຫ້​ຖືກ​ກຸ່ມ​ເປົ້າ​ໝາຍ​ຂອງ​ຜູ້​ເຂົ້າ​ຊົມ ນອກ​ນີ້ ສຳ​ມະ​ນາ​ກອນ​ຍັງ​ຈະ​ໄດ້​ແລກ­ປ່ຽນ​ປະ­ສົບ​ການ​ເພື່ອ​ທອດ​ຖອນ​ບົດ­ຮຽນ​ເຊິ່ງ​ກັນ ແລະ ກັນ ເພື່ອ​ນຳ​ມາ​ໝູນ​ໃຊ້​ໃນ​ລະ­ບົບ​ກາ­ນວາງ­ສະ­ແດງ​ໃໝ່​ຕື່ມ​ອີກ.

ຂ່າວທີ່ກ່ຽວຂ້ອງ